வங்கியில் கொள்ளை முயற்சி… கொள்ளையர்களை துப்பாக்கியால் விரட்டிய பெண் காவலர்கள்

இதையடுத்து இந்த வங்கி முன் இருசக்கர வாகனங்களில் வந்த 4 பேரில், இரு நபர்கள் முகமூடி அணிந்துகொண்டு வங்கிக்குள் நுழைந்தனர். இதனால் சந்தேகமடைந்த பெண் காவலர்கள், அவர்களிடம் முகமூடியை கழற்றிவிட்டு வங்கி பாஸ்புக்கை காட்டுமாறு கூறியுள்ளனர்.

ஆனால் எதிர்பாராத விதமாக அந்த இருவரும் சட்டென தங்களது கைகளில் இருந்த துப்பாக்கியை காவலர்களை நோக்கி நீட்டியுள்ளனர். இதையடுத்து அந்த பெண் காவலர்கள் தங்களது கைகளில் இருந்த துப்பாக்கியை வைத்து கொள்ளையர்கள் தாக்கினர். பின்னர் அவர்களை வங்கியில் இருந்து துரத்தினர். தப்பித்தோம் பிழைத்தோம் என வங்கியில் கொள்ளையடிக்க திட்டமிட்டிருந்த கொள்ளையர்கள் அந்த இடத்தை விட்டு தப்பி சென்றனர்.

பெண் காவலர்கள் துரத்தியதில் கொள்ளையர்கள் வந்த இருசக்கர வாகனத்தை விட்டு சென்ற நிலையில், போலீசார் இந்த கொள்ளை முயற்சி சம்பவம் தொடர்பாக விசாரணை மேற்கொண்டு வருகின்றனர்.

சமயோஜிதமாகவும், தைரியமாகவும் செயல்பட்ட பெண் காவலர்களை பொதுமக்கள் பலரும் பாரட்டினர். இந்த கொள்ளை முயற்சி சம்பவத்தின் சிசிடிவி காட்சி தற்போது வெளியாகி வைரலாகி வருகிறது.