Top 10 News: அமெரிக்க முன்னாள் அதிபர் கார்ட்டர் மறைவு, மன்மோகன் அஸ்தி கரைப்பில் கலந்து கொள்ளாதது ஏன்?-காங்., விளக்கம்

•  இருதரப்பு உறவுகளை மறுஆய்வு செய்யவும், பிராந்திய பிரச்சினைகள் குறித்து விவாதிக்கவும் மேற்கு ஆசிய நாட்டின் உயர்மட்ட தலைவர்களுடன் சந்திப்புகளுக்காக வெளியுறவு அமைச்சர் எஸ்.ஜெய்சங்கர் இந்த வாரம் கத்தார் செல்லவுள்ளார்.
•  பஞ்சாப் பந்த் அழைப்பின் ஒரு பகுதியாக திங்கள்கிழமை மாநிலம் முழுவதும் பல இடங்களில் விவசாயிகள் சாலை மறியலில் ஈடுபட்டனர், இதனால் பல பகுதிகளில் பயணிகள் போக்குவரத்து பாதிக்கப்பட்டது. டிசம்பர் 30 திங்கள்கிழமை காலை 7 மணி முதல் மாலை 4 மணி வரை பந்த் அனுசரிக்கப்பட்டது. பாட்டியாலா-சண்டிகர் தேசிய நெடுஞ்சாலையில் வாகன நடமாட்டத்தை பாதித்த தாரேரி ஜட்டன் டோல் பிளாசாவில் விவசாயிகள் உள்ளிருப்பு போராட்டத்தை நடத்தினர். ரயில் சேவை பாதிப்பு; 221 ரயில்கள் பாதிப்பு; 163 ரத்து ஆனது.
•  கேராவில் ஞாயிற்றுக்கிழமை மாலை ஜவஹர்லால் நேரு சர்வதேச ஸ்டேடியத்தில் உள்ள கேலரியில் இருந்து விழுந்ததில் தலை மற்றும் முதுகெலும்பில் பலத்த காயமடைந்த திரிக்ககரா காங்கிரஸ் எம்.எல்.ஏ உமா தாமஸின் உடல்நிலை தொடர்ந்து மோசமாக இருப்பதாக மருத்துவமனை வட்டாரங்கள் தெரிவித்தன.
•  ஆம் ஆத்மி கட்சி மீண்டும் ஆட்சிக்கு வந்தால் இந்து மற்றும் சீக்கிய புரோதிகர்களுக்கு மாதந்தோறும் ரூ.18,000 மதிப்பூதியம் வழங்கப்படும் என்று அக்கட்சியின் அரவிந்த் கெஜ்ரிவால் அறிவித்துள்ளார். கனாட் பிளேஸின் ஹனுமான் மந்திரில் இருந்து முன்மொழியப்பட்ட "பூஜாரி, கிரந்தி சம்மன் யோஜனா" இன் கீழ் பதிவுகளை செவ்வாய்க்கிழமை தொடங்குவதாக அவர் கூறினார்.

தேஜஸ்வி யாதவ் விமர்சனம்

•   ராஷ்டிரிய ஜனதா தளம் (ஆர்.ஜே.டி) தலைவர் தேஜஸ்வி யாதவ், ஜன் சுராஜ் கட்சியை மறைமுகமாக தாக்கும் வகையில், பிரசாந்த் கிஷோர் புதிதாக உருவாக்கிய அமைப்பு பீகாரில் நிதிஷ் குமாரின் ஆளும் கூட்டணியின் 'பி டீம்' ஆக செயல்படுகிறது என்று குற்றம் சாட்டினார்.
•  மன்மோகன் சிங்கின் அஸ்தியை யமுனை ஆற்றில் கரைத்தபோது அவரது குடும்பத்தினருடன் காங்கிரஸ் தலைவர்கள் செல்லவில்லை என்ற பாஜகவின் விமர்சனத்திற்கு காங்கிரஸ் திங்கள்கிழமை பதிலளித்தது. காங்கிரஸ் தலைவர் பவன் கேரா கூறுகையில், மூத்த தலைவர்கள் சோனியா காந்தி மற்றும் பிரியங்கா காந்தி வதேரா ஆகியோர் இறுதிச் சடங்கிற்குப் பிறகு சிங்கின் குடும்பத்தினரை சந்தித்தனர். "குடும்பத்தின் தனியுரிமைக்கு நாங்கள் மதிப்பளிப்பதால்" காங்கிரஸ் தலைவர்கள் குடும்பத்துடன் செல்லவில்லை என்று அவர் கூறினார்.

'கேரளா குட்டி பாகிஸ்தான்'

•  மகாராஷ்டிரா அமைச்சர் நிதேஷ் ரானே கேரளாவை "குட்டி-பாகிஸ்தான்" என்று முத்திரை குத்தி பெரும் சர்ச்சையை ஏற்படுத்தியுள்ளார், இது எதிர்க்கட்சிகளிடமிருந்து கடுமையான எதிர்வினைகளைத் தூண்டியுள்ளது.
•  வரவிருக்கும் தேர்தலுக்கு முன்னர் டெல்லியின் வாக்காளர் பட்டியலில் இருந்து பெயர்களை நீக்கியதாகக் கூறப்படுவது தொடர்பாக ஆளும் கட்சிக்கும் எதிர்க்கட்சியான பாஜகவுக்கு இடையிலான சொற்போருக்கு மத்தியில், நவம்பர் 29 முதல் நீக்கம் கோரி 82,450 விண்ணப்பங்களும், புதிய பதிவுகளுக்கு 4.8 லட்சம் விண்ணப்பங்களும் வந்துள்ளதாக தலைமை தேர்தல் அதிகாரி அலுவலகம் திங்களன்று தெரிவித்துள்ளது.
•   முன்னாள் பிரதமர் மன்மோகன் சிங்குக்கு பாரத ரத்னா விருது வழங்க மத்திய அரசை வலியுறுத்தி தெலுங்கானா சட்டப்பேரவையில் திங்கள்கிழமை ஒருமனதாக தீர்மானம் நிறைவேற்றப்பட்டது.
•  முன்னாள் பிரதமர் மன்மோகன் சிங் மறைவுக்குப் பிறகு புத்தாண்டை வரவேற்க மக்களவை எதிர்க்கட்சித் தலைவர் ராகுல் காந்தி வியட்நாம் சென்றதாக பாஜக திங்கள்கிழமை கண்டனம் தெரிவித்துள்ளது.