வகையினம்

தமிழ் செய்திகள் / தேசம் மற்றும் உலகம் / உலகின் மாசுபட்ட நகரம்.. டெல்லிக்கு இரண்டாவது இடம்.. முதலிடத்தில் மற்றொரு இந்திய நகரம்! டாப் 30 இடங்கள் லிஸ்ட்

உலகின் மாசுபட்ட நகரம்.. டெல்லிக்கு இரண்டாவது இடம்.. முதலிடத்தில் மற்றொரு இந்திய நகரம்! டாப் 30 இடங்கள் லிஸ்ட்

Muthu Vinayagam Kosalairaman HT Tamil Published Jun 04, 2025 02:44 PM IST

எங்களை பின் தொடரலாம்

Muthu Vinayagam Kosalairaman HT Tamil

Published Jun 04, 2025 02:44 PM IST

இந்தியாவின் மிகவும் மாசுபட்ட நகரம் என்று கருதப்படும் டெல்லி, இரண்டாவது இடத்துக்கு சென்றுள்ள நிலையில், டெல்லியை முந்தியுள்ளது மற்றொரு இந்திய நகரம். இந்த பட்டியலில் கஜகஸ்தானின் கரகண்டா மூன்றாவது, பஞ்சாபின் முல்லாண்பூர் நான்காவது மற்றும் பாகிஸ்தானின் லாகூர் ஐந்தாவது இடத்தில் உள்ளன.

உலகின் மாசுபட்ட நகரம்.. டெல்லிக்கு இரண்டாவது இடம்.. முதலிடத்தில் மற்றொரு இந்திய நகரம்! டாப் 30 இடங்கள் லிஸ்ட் (Reuters File)

எங்களை பின் தொடரலாம்

சுவிஸ் குழுவான IQAir இன் வருடாந்திர மாசுபாடு அறிக்கையின்படி, இந்தியாவின் வடகிழக்கு பகுதியான மேகாலயாவில் உள்ள பைர்னிஹாட், 2024ஆம் ஆண்டுக்கான உலகின் மிகவும் மாசுபட்ட நகரமாக பெயரிடப்பட்டுள்ளது. டெல்லி இந்த இடத்தைப் பிடிக்கும் என்று எதிர்பார்க்கப்பட்ட நிலையில், இது பலருக்கும் ஆச்சரியத்தை அளித்துள்ளது. இருப்பினும், இந்தியாவின் தலைநகரான டெல்லி தற்போது இரண்டாவது இடத்தில் உள்ளது.

அதிக மாசுபாடு கொண்ட நகரம்

மைய மாசு கட்டுப்பாட்டு வாரியம், பைர்னிஹாட்டை தொடர்ச்சியாக இரண்டாவது ஆண்டாக இந்தியாவின் மிகவும் மாசுபட்ட நகர்ப்புறப் பகுதியாக அறிவித்துள்ளது. இங்குள்ள காற்று தர குறியீடு (AQI) 302 ஆக உள்ளது, இது "மிகவும் மோசம்" என்கிற பிரிவில் உள்ளது.

மாசுபாடு அதிகரித்து வரும் நிலையில், முதலமைச்சர் கானரட் சாங்க்மா தலைமையில் கூடிய மேகாலய அமைச்சரவை, மாநிலம் முழுவதும் மாசு வெளியேற்றத்தை குறைக்கும் நோக்கில், மே 1 அன்று ஒரு வாகன ஸ்கிராப்பேஜ் கொள்கையை அங்கீகரித்தது. அதன்படி சுமார் 13 ஆயிரம் வாகனங்கள் சாலைகளில் இருந்து அகற்றப்பட உள்ளன. இதில் 5 ஆயிரம் அரசு வாகனங்கள் மற்றும் 8 ஆயிரம் தனியார் வாகனங்கள் என்று அரசு செய்தித் தொடர்பாளர் பால் லிங்க்டோ கூறினார்.

மேலும் படிக்க: டெல்லி உயர் நீதிமன்ற நீதிபதி பங்களாவில் கட்டுக்கட்டாக பணம்.. சுப்ரீம் கோர்ட் விசாரணை

இந்தக் கொள்கை, மாசு வெளியேற்றத்தைக் குறைப்பதன் மூலம் மாசுபாட்டைக் குறைக்கும் எனவும் எரிபொருள் இறக்குமதியை குறைக்கும். மூலப்பொருள் பிரித்தெடுத்தல் மற்றும் மறுசுழற்சி தேவையைக் குறைக்கும் என்று லிங்க்டோ கூறினார்.

டெல்லி பெரும்பாலும் மிகவும் மாசுபட்ட நகரம் என்று கருதப்பட்டாலும், அது இரண்டாவது இடத்தில் உள்ளது. அதைத் தொடர்ந்து கஜகஸ்தானின் கரகண்டா மூன்றாவது இடத்திலும், பஞ்சாபின் முல்லாண்பூர் நான்காவது இடத்திலும், பாகிஸ்தானின் லாகூர் ஐந்தாவது இடத்திலும் உள்ளன.

பாகிஸ்தானின் டெரா இஸ்மாயில் கான் ஆறாவது, சாடின் என்'ஜாமெனா ஏழாவது மற்றும் உத்தரப் பிரதேசத்தின் லோனி எட்டாவது இடத்தில் உள்ளன. புது டெல்லி ஒன்பதாவது இடத்திலும், ஹரியானாவின் பரிதாபாத் பத்தாவது இடத்திலும் உள்ளன.

மேலும் படிக்க: காற்று மாசுபாடு.. நொய்டாவின் ஆன்லைன் வகுப்பு நடத்த உத்தரவு

உலகின் மற்ற நகரங்கள் (முதல் 30 இடங்கள்)

2024ஆம் ஆண்டின் உலகின் மிகவும் மாசுபட்ட நகரங்களின் பட்டியலைத் தொடர்ந்து, பாகிஸ்தானின் முல்தான் 11வது இடத்திலும், அதைத் தொடர்ந்து பெஷாவர் 12வது இடத்திலும், ஃபைசலாபாத் 13வது இடத்திலும் உள்ளன. பாகிஸ்தானின் சியால்கோட் 14வது இடத்தில் உள்ளது.

ஹரியானாவின் குருகிராம் மற்றும் ராஜஸ்தானின் ஸ்ரீ கங்காநகர் முறையே 15வது மற்றும் 16வது இடங்களில் உள்ளன. சீனாவின் ஹோட்டான் 17வது இடத்திலும், உத்தரப் பிரதேசத்தின் கிரேட்டர் நொய்டா மற்றும் ராஜஸ்தானின் பீவடி முறையே 18வது மற்றும் 19வது இடங்களில் உள்ளன. உத்தரப் பிரதேசத்தின் முசாஃபர்நகர் 20வது இடத்தைப் பிடித்துள்ளது.

பட்டியலில் மேலும் கீழே, ராஜஸ்தானின் ஹனுமங்கர் 21வது இடத்திலும், அதைத் தொடர்ந்து உத்தரப் பிரதேசத்தின் நொய்டா 22வது இடத்திலும் உள்ளது. பாகிஸ்தானின் பிண்டி பட்டியன் 23வது இடத்திலும், ஹரியானாவின் பல்லப்கர் மற்றும் பஞ்சாபின் மண்டி கோவிந்த்கர் முறையே 24வது மற்றும் 25வது இடங்களில் உள்ளன.

மேலும் படிக்க: காற்றாலை மின்சாரத்தை பயன்படுத்தாமல் வீணாகும் மின்சாரம்.. சுற்றுச்சூழல் நிபுணர் வருத்தம்

பங்களாதேஷின் தலைநகரான டாக்கா 26வது இடத்தைப் பிடித்துள்ளது. ஹரியானாவின் பகதூர் கர் 27வது இடத்திலும், பங்களாதேஷின் ஸ்ரீபூர் 28வது இடத்திலும், பாகிஸ்தானின் சார்சாடா 29வது இடத்திலும், ஹரியானாவின் பரிதாபாத் 30வது இடத்திலும் உள்ளன.

முதல் 30 மாசுபட்ட நகரங்களில் தென் இந்தியாவில் இருந்து ஒரு நகரம் கூட இடம்பெறவில்லை. இருப்பினும் இங்கும் மாசு குறைபாடானது வழக்கத்தை விட அதிகமாக இருக்கவே செய்கிறது என கூறப்படுகிறது.