‘தேசிய கல்விக் கொள்கையை அமல்படுத்துமாறு மாநிலங்களை கட்டாயப்படுத்த முடியாது’: உச்ச நீதிமன்றம் அதிரடி
நீதிபதிகள் ஜே.பி.பர்திவாலா மற்றும் ஆர்.மகாதேவன் ஆகியோர் அடங்கிய பெஞ்ச், ஒரு கொள்கையை அமல்படுத்துவதால் அடிப்படை உரிமை மீறலை மட்டுமே நீதிமன்றம் பரிசீலிக்க முடியும் என்று கூறியது
தமிழ்நாடு, மேற்கு வங்கம் மற்றும் கேரளாவில் தேசிய கல்விக் கொள்கையை அமல்படுத்தக் கோரிய மனுவை உச்ச நீதிமன்றம் வெள்ளிக்கிழமை தள்ளுபடி செய்தது. நீதிபதிகள் ஜே.பி.பர்திவாலா மற்றும் ஆர்.மகாதேவன் ஆகியோர் அடங்கிய பெஞ்ச், ஒரு கொள்கையின் அமலாக்கத்தின் காரணமாக அடிப்படை உரிமைகள் மீறப்பட்டால் மட்டுமே நீதிமன்றம் தலையிட முடியும் என்று கூறியது. மேலும், தேசிய கல்விக் கொள்கையை அமல்படுத்துமாறு மாநிலங்களை கட்டாயப்படுத்த முடியாது எனவும் சுப்ரீம் கோர்ட் அதிரடியாக அறிவித்தது.
தேசிய கல்விக் கொள்கையை அமல்படுத்த தமிழ்நாடு, மேற்கு வங்கம், கேரளா ஆகிய மாநிலங்கள் அரசியல் சாசனப்படி கடமைப்பட்டுள்ளன என்று கூறி வழக்கறிஞர் ஜி.எஸ்.மணி மனு தாக்கல் செய்தார். மும்மொழி கொள்கையின் அடிப்படையில் இந்த கொள்கை எதிர்க்கப்படுவதாகவும், மாணவர்கள் இந்தி கற்க வேண்டும் என்றும் அவர் கூறினார்.
"புதிய கல்விக் கொள்கையைப் பற்றி உங்களுக்கு என்ன அக்கறை?"
"நீங்கள் யார், புதிய கல்விக் கொள்கையைப் பற்றி உங்களுக்கு என்ன அக்கறை?" என்று கேட்டபோது, தான் சென்னையைச் சேர்ந்தவர் என்றும் டெல்லியில் குடியேறியதாகவும் மணி நீதிமன்றத்தில் கூறினார். மணி டெல்லியில் வசிப்பதால் மனு தாக்கல் செய்ய எந்த காரணமும் இல்லை என்று நீதிமன்றம் கூறியது. அந்த மனுவை தள்ளுபடி செய்த நீதிபதிகள், மணிக்கும் அவர் கூறப்போகும் நோக்கத்திற்கும் எந்த தொடர்பும் இல்லை என்று கூறி மனுவை தள்ளுபடி செய்தனர். தமிழகத்தை பூர்வீகமாக கொண்டவர் என்றாலும் டெல்லியில் வசிப்பவர் என்பதை ஒப்புக் கொள்கிறார்.