Telangana: பொருளாதாரம், வேலைவாய்ப்பை உறுதி செய்யும் சாதி வாரி கணக்கெடுப்பு! தெலங்கானா சட்டப்பேரவையில் மசோதா தாக்கல்

மாநிலத்தில் பிற்படுத்தப்பட்ட, பட்டியலின, பழங்குடியின சமூக, பொருளாதாரம், வேலைவாய்ப்பு மற்றும் அரசியல் வாய்ப்புகளை உறுதி செய்யும் விதமாக சாதி வாரி கணக்கெடுப்பு நடத்த கடந்த 4ஆம் தேதி அமைச்சரவை கூட்டத்தில் முடிவு எடுக்கப்பட்டது.

இதைத்தொடர்ந்து தெலங்கானா முதலமைச்சர் ரேவந்த ரெட்டி தலைமையிலான அமைச்சரவை கூட்டத்தில் மாநிலத்தில் சாதி வாரி கணக்கெடுப்பு நடத்த அனுமதி அளிக்கப்பட்டது.

சாதி வாரி கணக்கெடுப்பு தொடர்பாகவும், சாதி வாரி கணக்கெடுப்பு நடத்த வலியுறுத்தியும் நாடு முழுவதும் பல்வேறு அரசியல் கட்சிகள் நீண்ட காலமாக கோரிக்கை முன் வைக்கப்பட்டு வருகிறது.

இந்த சூழ்நிலையில், கடந்த ஆண்டு அக்டோபரில் சாதி வாரி கணக்கெடுப்பை நடத்தி அதன் விவரங்களை பீகார் அரசு வெளியிட்டது . இந்த விவகாரம் அப்போது பரபரப்பாக பேசப்பட்ட நிலையில் சாதி வாரி கணக்கெடுப்பு தொடர்பாக மீண்டும் அரசியல் கட்சிகளின் கோரிக்கை குரல்கள் எழும்பின.

பீகாரை தொடர்ந்து ஆந்திர பிரதேசம் மாநிலத்திலும் சாதி வாரி கணக்கெடுப்பு எடுக்க முடிவு செய்து, அதுதொடர்பான பணிகளையும் கடந்த நவம்பர் மாதத்தில் மேற்கொண்டுள்ளது.

தற்போது தெலங்கானா அரசும் சாதி வாரி கணக்கெடுப்புக்கான மசோதாவை சட்டப்பேரவையில் தாக்கல் செய்துள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9