Bryan Johnson: ப்ரையன் ஜான்சன் தனது வயதை குறைக்கும் ஆய்வு நிறுவனத்தை மூட நினைக்கிறாரா? ஏன் இந்த முடிவு?

இந்த ஸ்டார்ட்அப் தனது வாடிக்கையாளர்களுக்கு சப்ளிமெண்ட்ஸ், சோதனைகள் மற்றும் ஊட்டச்சத்து பொருட்கள் மூலம் இளமையை அதிகரிக்க உதவியதாக கூறப்படுகிறது.

இதில் 55 டாலர் மதிப்புள்ள "நீண்ட ஆயுள் கலவை" மற்றும் 42 டாலர் மதிப்புள்ள காளான் காபிக்கு மாற்றான "சூப்பர் ஷரூம்ஸ்" போன்றவையும் அடங்கும். வயதை குறைக்கும் நுட்பங்களுக்கான அவரது அசாதாரண ஆர்வம் YouTube, Instagram மற்றும் X-இல் 4 மில்லியனுக்கும் அதிகமான பின்தொடர்பவர்களைப் பெற்றுத் தந்துள்ளது. இருப்பினும், தனது வயதை குறைக்கும் நுட்பங்களின் வணிக அம்சம் தனது சித்தாந்த நோக்கத்திற்கு இடையூறாக இருப்பதாக ஜான்சன் உணர்ந்தார்.

"இப்போது மக்கள் வணிகத்தை பார்க்கிறார்கள், தத்துவத்தின் பக்கத்தில் எனக்கு குறைவான நம்பகத்தன்மையைக் கொடுக்கிறார்கள். அந்த சமரசத்தை நான் செய்ய மாட்டேன். அது எனக்கு மதிப்பு இல்லை. அதனால், எனக்கு அது வேண்டாம்," என்று அவர் கூறினார்.

47 வயதான இவர் 2021-ல் Project Blueprint-ஐ தொடங்கினார். இந்த ஆண்டு தொடக்கத்தில், நியூயார்க் டைம்ஸ் நிறுவனம் மாதந்தோறும் 1 மில்லியன் டாலர் நஷ்டத்தை சந்தித்து வருவதாக செய்தி வெளியிட்டது. ஆனால், ஸ்டார்ட்அப் நிதி நெருக்கடியில் இல்லை என்று ஜான்சன் கூறினார். "நாங்கள் ஏதோ அவசர நிதி நெருக்கடியில் இருப்பது போல் அவர்கள் சித்தரித்தார்கள். அது உண்மையல்ல. நாங்கள் சமநிலையில் இருக்கிறோம். எங்களுக்கு லாபம் வந்த மாதங்களும் உண்டு, நஷ்டம் வந்த மாதங்களும் உண்டு" என்று அவர் கூறினார்.