தமிழ் செய்திகள்  /  தேசம் மற்றும் உலகம்  /  Arvind Kejriwal: அரவிந்த் கெஜ்ரிவாலை டெல்லி முதல்வர் பதவியில் இருந்து நீக்கக் கோரிய மனு: உச்ச நீதிமன்றத்தின் முடிவு என்ன

Arvind Kejriwal: அரவிந்த் கெஜ்ரிவாலை டெல்லி முதல்வர் பதவியில் இருந்து நீக்கக் கோரிய மனு: உச்ச நீதிமன்றத்தின் முடிவு என்ன

Manigandan K T HT Tamil
May 13, 2024 12:40 PM IST

Supreme Court: கலால் கொள்கை வழக்கில் கைது செய்யப்பட்டதால் அரவிந்த் கெஜ்ரிவாலை டெல்லி முதல்வர் பதவியில் இருந்து நீக்க கோரிய மனுவை உச்ச நீதிமன்றம் தள்ளுபடி செய்தது. முன்னதாக, கெஜ்ரிவால் இடைக்கால ஜாமீன் பெற்று வெளியே வந்தது குறிப்பிடத்தக்கது.

Arvind Kejriwal: அரவிந்த் கெஜ்ரிவாலை டெல்லி முதல்வர் பதவியில் இருந்து நீக்கக் கோரிய மனு: உச்ச நீதிமன்றம் தள்ளுபடி. (Sanjeev Verma/HT Photo)
Arvind Kejriwal: அரவிந்த் கெஜ்ரிவாலை டெல்லி முதல்வர் பதவியில் இருந்து நீக்கக் கோரிய மனு: உச்ச நீதிமன்றம் தள்ளுபடி. (Sanjeev Verma/HT Photo)

ட்ரெண்டிங் செய்திகள்

கெஜ்ரிவாலை முதல்வர் பதவியில் இருந்து நீக்கக் கோரிய மனுவை தள்ளுபடி செய்த உச்ச நீதிமன்றம், டெல்லி துணைநிலை ஆளுநர் விரும்பினால் நடவடிக்கை எடுக்க வேண்டும், ஆனால் நாங்கள் அதில் தலையிட மாட்டோம் என்று கூறியது.

2024 மக்களவைத் தேர்தலில் ஜூன் 1 வரை பிரச்சாரம் செய்ய அரவிந்த் கெஜ்ரிவாலுக்கு இடைக்கால ஜாமீன் வழங்கிய சில நாட்களுக்குப் பிறகு உச்ச நீதிமன்றம் இந்த தீர்ப்பை வழங்கியுள்ளது.

நீதிபதிகள் உத்தரவு

இந்த மனுவை விசாரித்த நீதிபதிகள் சஞ்சீவ் கண்ணா, தீபங்கர் தத்தா ஆகியோர் அடங்கிய பெஞ்ச், அரவிந்த் கெஜ்ரிவால் ஜூன் 2-ம் தேதி சரணடைய வேண்டும் என்றும், ஜாமீனுக்கு நிபந்தனையாக முதல்வர் அலுவலகம் மற்றும் டெல்லி தலைமைச் செயலகத்துக்கு செல்லவும் தடை விதித்துள்ளது.

"இடைக்கால ஜாமீன் வழங்கும் அதிகாரம் பொதுவாக பல வழக்குகளில் பயன்படுத்தப்படுகிறது. ஒவ்வொரு வழக்கின் உண்மைகளிலும் இடைக்கால ஜாமீன் வழங்கப்படுகிறது. இந்த வழக்கும் அதற்கு விதிவிலக்கல்ல" என்றார்.

காங்கிரஸுடன் கூட்டணி அமைத்து பஞ்சாபில் அனைத்து இடங்களிலும், டெல்லியில் நான்கு இடங்களிலும் போட்டியிடும் ஆம் ஆத்மி கட்சிக்கு இந்த உத்தரவு தேர்தல் பிரச்சாரத்திற்கு பெரும் ஊக்கத்தை அளித்தது.

ஆம் ஆத்மி கட்சியின் தேசிய ஒருங்கிணைப்பாளர் அரவிந்த் கெஜ்ரிவால் மார்ச் 21 அன்று மதுபான கொள்கை ஊழல் வழக்கில் கைது செய்யப்பட்டார். 

அரவிந்த் கெஜ்ரிவால்

முன்னதாக, பாஜக மீண்டும் ஆட்சிக்கு வந்தால், உத்தரப் பிரதேச முதல்வர் யோகி ஆதித்யநாத் ஓரங்கட்டப்பட்டு, உள்துறை அமைச்சர் அமித் ஷா இந்தியாவின் பிரதமராக வருவார் என்று டெல்லி முதலமைச்சர் அரவிந்த் கெஜ்ரிவால் தெரிவித்து உள்ளார்.

இடைக்கால ஜாமீனில் வெளிவந்த ஒரு நாளுக்குப் பிறகு டெல்லியில் நடைபெற்ற கூட்டத்தில் உரையாற்றிய அரவிந்த் கெஜ்ரிவால், பாஜக மீண்டும் மத்தியில் ஆட்சி அமைத்தால், அனைத்து முக்கிய எதிர்க்கட்சித் தலைவர்களும் சிறைக்கு அனுப்பப்படுவார்கள் என்று கூறினார். உத்தரபிரதேச முதல்வர் யோகி ஆதித்யநாத் இன்னும் 2 மாதங்களில் பதவியை இழக்க நேரிடும் என்றும் அவர் எச்சரித்தார்.

இப்போது நமது அமைச்சர்கள், ஜார்க்கண்ட் முதலமைச்சர் ஹேமந்த் சோரன், மம்தா பானர்ஜியின் அமைச்சர்கள் சிறையில் உள்ளனர். பாஜக மீண்டும் வெற்றி பெற்றால், மம்தா பானர்ஜி, மு.க.ஸ்டாலின், தேஜஸ்வி. யாதவ், பினராயி விஜயன், உத்தவ் தாக்கரே மற்றும் பிற எதிர்க்கட்சித் தலைவர்கள் அனைவரும் சிறையில் இருப்பார்கள்.

பாஜகவில் உள்ள எல்.கே.அத்வானி, முரளி மனோகர் ஜோஷி, சிவராஜ் சிங் சௌஹான், வசுந்தரா ராஜே, எம்.எல்.கட்டார், ராமன் சிங் ஆகியோரின் அரசியல் முடிந்தது. இந்த தேர்தலில் பாஜக மீண்டும் வெற்றி பெற்றால், இன்னும் 2 மாதங்களில் உத்தரபிரதேச முதல்வரை மாற்றிவிடுவார்கள்” என்று கெஜ்ரிவால் கூறினார்.

பாஜகவில் 75 வயதைக் கடந்த பிறகும் எந்தத் தலைவரும் தீவிர அரசியலில் ஈடுபடமாட்டார்கள் என்று கூறிய அரவிந்த் கெஜ்ரிவால், “இந்தியா கூட்டணிக்கு யார் பிரதமராக வருவார்கள் என்று இவர்கள் கேட்கிறார்கள், நான் பாஜகவிடம் கேட்கிறேன், உங்களுக்கு யார் பிரதமர் என்று? பிரதமர் மோடிக்கு வரும் செப்டம்பர் 17ஆம் தேதி 75 வயதாகிறது. கட்சியில் உள்ள தலைவர்கள் 75 ஆண்டுகளுக்குப் பிறகு ஓய்வு பெறுவார்கள் என்று விதியை வகுத்தார்.

IPL_Entry_Point

டாபிக்ஸ்