Saddam Hussein Memorial Day: அமெரிக்காவின் பெரும்எதிரி.. ஈராக்கின் முன்னாள் அதிபர் சதாம் உசேன் நினைவுநாள்!
சதாம் உசேன் தூக்கிலிடப்பட்ட நாள் இன்று அனுசரிக்கப்படுகிறது.
Saddam Hussein Memorial Day: அமெரிக்காவின் பெரும்எதிரியும் ஈராக்கின் முன்னாள் அதிபருமான சதாம் உசேனின் நினைவுநாள் இன்று அனுசரிக்கப்படுகிறது.
யார் இந்த சதாம் உசேன்? ஈராக்கை பூர்வீகமாகக் கொண்ட அல் அவ்ஜா என்னும் ஊரில் 1937ஆம் ஆண்டு, ஏப்ரல் 28ஆம் தேதி பிறந்தவர், சதாம் உசேன். இவருக்கு நிடல் அல் ஹம்டனி, சமீரா ஷாபந்தர், ஷஜிடா தல்ஹா ஆகிய மூன்று மனைவிகள் இருந்தனர். ஆறு குழந்தைகள் இருந்தனர். 7 பேரக்குழந்தைகள் உள்ளனர்.
ஈராக்கின் முன்னாள் அதிபர் சதாம்: ஈராக்கின் பாத் கட்சி ஆட்சிக்கு வர பல்வேறு திட்டங்களைத் தீட்டி செயல்படுத்தியவர். 1968ஆம் ஆண்டு அக்கட்சி ஆட்சிக்கு வந்ததும், தனது சொந்தக் காரரான அகமது பாக்கரின் கீழ் துணை அதிபராகப் பணியாற்றினார், சதாம் உசேன். குறிப்பாக ஈராக்கில் கிளர்ச்சி செய்த ஷியா முஸ்லீம்கள் பலரை, ஒரு சர்வாதிகாரியாக இருந்து கொன்று குவித்தார். பின் தான் அதிபர் ஆன 1979ஆம் ஆண்டு முதல் அமெரிக்க படையெடுப்புக்கு முந்தைய, அதாவது ஏப்ரல் 7,2005 வரையிலான காலகட்டம் வரை அதிபராக இருந்தார், சதாம் உசேன். மேலும் சர்வாதிகார தன்மையுடன் செயல்பட்ட சதாம் உசேன் ஈரான் - ஈராக் போர்(1980 -1988), குவைத் போர் ஆகியப்போர்களை அதிபராக இருந்து நடத்தினார். அதில் இந்நாட்டின் பொருளாதாரம் கடுமையாகப் பாதிக்கப்பட்டது.