முன்னாள் எம்பியுடன் திருமணம்! உறுதிபடுத்திய திரிணாமூல் எம்பி மஹுவா மொய்த்ரா - புகைப்படங்கள் வைரல்

மேலும் படிக்க: அரசு பங்களாவை காலி செய்யும் விவகாரம்.. மஹுவா மொய்த்ரா மனு தள்ளுபடி

அதிரடியான எம்பி

மொய்த்ரா எதிர்க்கட்சியின் பிரபலமான முகங்களில் ஒருவர், மேலும் நாடாளுமன்றத்தில் தனது அதிரடியான உரைகளுக்கு பெயர் பெற்றவர். பாஜகவுக்கு சிம்மசொப்பனமாக இருந்து வரும் பெண் எம்பியான இவர் நாடாளுமன்ற கூட்டத்தொடர்களின் போது ஆளும்கட்சி தனது பேச்சால் கிழத்து தொங்கவிடும் எம்பியாகவும் இருந்துள்ளார்,

மேற்கு வங்காளத்தின் உள்ள கிருஷ்ணாநகர் தொகுதியில் இருந்து இரண்டு முறை எம்பியாக தேர்ந்தெடுக்கப்பட்ட மொய்த்ரா, ஆரம்பத்தில் முதலீட்டு வங்கியாளராக இருந்தார். இதன் பின்னர் அரசியலில் ஆர்வம் ஏற்பட 2009இல் இந்திய யூத் காங்கிரஸில் இணைந்தார். பின்னர் 2010இல் திரிணாமுல் காங்கிரஸ் கட்சியில் இணைந்து, மேற்கு வங்காளத்தின் கரிம்புர் தொகுதியில் போட்டியிட்டு எம்எல்ஏ ஆனார்.

இதன் பின்னர் 2021 நாடாளுமன்ற தேர்தல், 2024 நாடாளுமன்ற தேர்தல்களில் கிருஷ்ணா நகர் தொகுதியில் போட்டியிட்டு எம்பியாக தேர்வு செய்யப்பட்டார். 2024 தேர்தலில் 44 ஆயிரம் வாக்குகள் வித்தியாசத்தில் மிக பெரிய வெற்றியை பெற்றார்.

மேலும் படிக்க: இந்தியா கூட்டணி ஆலோசனை கூட்டத்தை புறக்கணித்த திரிணாமுல் காங்கிரஸ்

யார் இந்த பினாகி மிஸ்ரா

1. 1959 இல் பிறந்த 64 வயதான இவர் உச்ச நீதிமன்றத்தில் மூத்த வழக்கறிஞராக உள்ளார். முன்னதாக மொய்த்ராவின் வழக்கறிஞராக உச்ச நீதிமன்றத்தில் அவரது சார்பாகப் பணியாற்றியுள்ளார்.

2. மிஸ்ரா டெல்லி பல்கலைக்கழகத்தில் சட்ட இளங்கலை (LLB) முடித்தார், பின்னர் அரசியல் வாழ்க்கையை நோக்கி நகர்ந்தார்

3. பினாகி மிஸ்ரே பிஜு ஜனதா தளம் கட்சியின் (பிஜேடியை) பிரதிநிதித்துவப்படுத்தும் பூரி தொகுதியின் முன்னாள் எம்பி ஆவார். நாடாளுமன்றத்தில், மிஸ்ரா நிதி நிலைக்குழு மற்றும் வணிக ஆலோசனைக் குழு மற்றும் பல உயர்மட்ட குழுக்களிலும் உறுப்பினராக இருந்துள்ளார்.

4. முன்னாள் மத்திய அமைச்சர் பிரஜா கிஷோர் திரிபாதியை எதிர்த்து காங்கிரஸ் சார்பில் 1996இல் பூரி தொகுதியில் இருந்து தனது முதல் மக்களவைத் தேர்தலில் வெற்றி பெற்ற நான்கு முறை எம்பியாக இருந்தார். 2009, 2014 மற்றும் 2019 ஆம் ஆண்டுகளில் தொடர்ந்து மூன்று முறை அவர் இந்தத் தொகுதியைப் பிரதிநிதித்துவப்படுத்தியுள்ளார்.

மேலும் படிக்க: பிஜு ஜனதாதள கட்சிக்கு விழுந்த பலத்த அடி

5. பினாகி மிஸ்ரா, சங்கீதா மிஸ்ரா என்பவரை திருமணம் செய்திருந்தார். ஒரு மகன் மற்றும் மகள் உள்ளனர்.