Election Results Live 2024: மகாராஷ்டிரா, ஜார்க்கண்ட் தேர்தல் முடிவுகள் உடனுக்குடன்..!

மகாராஷ்டிரா தேர்தல் வெற்றியை பாஜக அலுவலகத்தில் உற்சாகமாக கொண்டாடிய துணை முதலமைச்சர் தேவேந்திர ஃபட்னாவிஸ்.

மகாராஷ்டிரா - வெர்சோவா தொகுதியில் ஆசாத் சமாஜ் (கன்சிராம்) கட்சி சார்பில் போட்டியிட்ட இந்தி பிக் பாஸ் புகழ் அஜாஸ் கான் வெறும் 155 வாக்குகளை மட்டுமே பெற்று படுதோல்வி. இன்ஸ்டாகிராமில் சுமார் 5.6 மில்லியன் (56 லட்சம்) ஃபாலோயர்களை கொண்ட இவர் நோட்டாவை (700) விட குறைந்த வாக்குகளை பெற்றுள்ளார்.

மகாராஷ்டிரா சட்டமன்றத் தேர்தலில் சயான் கோலிவாடா தொகுதியில் போட்டியிட்ட பாஜக வேட்பாளர் கேப்டன் தமிழ்ச்செல்வன் வெற்றி. காங்கிரஸ் வேட்பாளர் கணேஷ்குமார் யாதவை விட 7,895 வாக்குகள் அதிகம் பெற்று வெற்றி பெற்றுள்ளார்.

ஜார்க்கண்ட் மாநிலத்தில் 81 தொகுதிகளில் மாலை 5 மணி நிலவரப்படி ஜார்க்கண்ட் முக்தி மோர்ச்சா 57 இடங்களிலும், பாஜக கூட்டணி 23 இடங்களிலும் முன்னிலை வகித்துவருகின்றன. தற்போது உள்ள முன்னிலை நிலவரப்படி ஜார்க்கண்ட் மாநிலத்தில் மீண்டும் ஜார்க்கண்ட் முக்தி மோர்ச்சா கூட்டணி ஆட்சி அமைக்க இருக்கிறது என்பது தெரிகிறது.

வயநாடு லோக்சபா தொகுதி இடைத்தேர்தலில் பெரும் வெற்றி பெற்ற பிரியங்கா காந்தி. இந்நிலையில் காங்கிரஸ் தலைவர் மல்லிகார்ஜுன கார்கேவை சந்தித்து வாழ்த்து பெற்றார் பிரியங்கா காந்தி.

மகாராஷ்டிரா, ஜார்க்கண்ட் மாநிலங்களில் பாஜகவுக்கு வாக்களித்த வாக்காளர்களுக்கு நன்றி தெரிவித்துள்ளார் பிரதமர் நரேந்திர மோடி

வயநாடு தொகுதி மக்களவை இடைத்தேர்தலில்  பிரியங்கா காந்தி 4 லட்சத்து 10,000 வாக்குகள் வித்தியாசத்தில் வெற்றி பெற்றார்.

உள்துறை அமைச்சர் அமித் ஷா தேவேந்திர ஃபட்னாவிஸ், ஏக்நாத் ஷிண்டே, அஜித் பவாருடன் பேசியுள்ளார். மகாராஷ்டிரா தேர்தலில் பாஜக கூட்டணி வெற்றிமுகத்தில் இருக்கும் நிலையில் பேசியுள்ளார். அடுத்த முதலமைச்சர் யார் என்ற எதிர்பார்ப்பு நிலவி வரும் நிலையில் மூவருடனும் பேசியுள்ளார்.

மகாராஷ்டிராவில்  உள்ள தாராவி தொகுதியில் காங்கிரஸ் கட்சி 70,727 வாக்குகளைப் பெற்றுள்ளது. ஷிண்டே சிவசேனா வேட்பாளரை விட 23,459 வாக்குகள் வித்தியாசத்தில் காங்கிரஸ் வென்றுள்ளது.

மகாராஷ்டிரா மாநில சட்டசபை தேர்தல் வாக்கு எண்ணிக்கையில் பாஜக தலைமையிலான மகாயுதி கூட்டணி பிரம்மாண்ட வெற்றியைப் பெற்றுள்ளது. ஜார்க்கண்ட் மாநிலத்தில் ஜார்க்கண்ட் முக்தி மோர்ச்சா- காங்கிரஸ் கூட்டணி அமோக வெற்றியைப் பெற்றுள்ளது. வயநாடு லோக்சபா தொகுதி இடைத்தேர்தலில் காங்கிரஸ் பொதுச்செயலாளர் பிரியங்கா காந்தி பல லட்சம் வாக்குகள் வித்தியாசத்தில் முன்னிலை பெற்றார்.

ஜார்க்கண்ட் மாநில சட்டசபை தேர்தலில் பாஜக 33.10% வாக்குகளையும், முக்தி மோர்ச்சா 23.15% வாக்குகளையும் பெற்றுள்ளது. 

மகாராஷ்டிராவின் அடுத்த முதல்வர் யார் என்ற கேள்விக்கு பாஜகவின் தேவேந்திர ஃபட்னாவிஸ், "யார் முதல்வர் என்பதில் எந்தவொரு குழப்பமும் இருக்காது. தேர்தலுக்குப் பிறகு, மூன்று கட்சிகளின் தலைவர்களும் ஒன்றாக அமர்ந்து முடிவு செய்யப்படும். நாளைய தினமே கூட இந்த முடிவு எடுக்கப்படலாம். இந்த முடிவை அனைவரும் ஏற்றுக்கொள்வோம். இதில் எந்தவொரு சர்ச்சையும் இருக்காது எனக் கூறினார்.

ஜார்க்கண்டில் ஜேஎம்எம் ஆட்சியைத் தக்கவைக்கும் நிலையில், அம்மாநில முதல்வர் ஹேமந்த் சோரனின் மனைவியும் காண்டே தொகுதி ஜேஎம்எம் வேட்பாளருமான கல்பனா சோரன் கூறுகையில், மக்கள் வளர்ச்சிப் பாதையைத் தேர்ந்தெடுத்துள்ளனர். மக்கள் ஹேமந்த் சோரனை ஆசீர்வதித்துள்ளனர். பொதுமக்களுக்கான அரசு மீண்டும் இங்கே அமையப் போகிறது எனக் கூறினார்.

வயநாடு லோக்சபா தேர்தலில் பிரியங்கா காந்தி மிக பெரிய வாக்கு வித்தியாசத்தில் முன்னிலையில் இருக்கிறார். மொத்த பதிவான வாக்குகளில் சுமார் 64.99% வாக்குகள் பிரியங்காவுக்கு பதிவாகியுள்ளது.

தேவேந்திர ஃபட்னாவிஸ் கருத்து மகாராஷ்டிர தேர்தல் முடிவுகள் குறித்து அம்மாநில துணை முதல்வர் தேவேந்திர ஃபட்னாவிஸ் கூறுகையில், மகாராஷ்டிர மக்கள் எங்களுக்கு வரலாறு காணாத வெற்றியை அளித்துள்ளனர். மக்கள் பிரதமர் நரேந்திர மோடியுடன் இருப்பதையே இது காட்டுகிறது. அனைத்து தரப்பு மக்களும் எங்களுக்கு வாக்களித்துள்ளனர் இது மகாயுதி கூட்டணிக்குக் கிடைத்த வெற்றி. முதல்வர் ஏக்நாத் ஷிண்டே, துணை முதல்வர் அஜித் பவார் ஆகியோரின் வெற்றி. இது ஒற்றுமைக்கு கிடைத்த வெற்றி என்றார்.

உத்தரபிரதேசத்தில் 9 தொகுதிகளில் 6-ல் பாஜக முன்னிலை. சமாஜ்வாடி -2, ஆர்எல்டி 1 முன்னிலை நாடாளுமன்ற தேர்தலில் படுதோல்வியடைந்த பாஜக பேரவை இடைத்தேர்தலில் முன்னிலை.

பிரியங்கா காந்தி 3.04 லட்சம் வாக்குகள் முன்னிலையில் உள்ள நிலையில்  2.39 லட்சம் வாக்குகளே எண்ணப்பட மொத்தம் 9.52 லட்சம் வாக்குகள் பதிவான நிலையில் தற்போது வரை பிரியங்கா 4.61 லட்சம் வாக்குகள் பெற்றுள்ளார்.

எண்ணப்பட வேண்டிய வாக்குகளை விட அதிக வாக்குகள் வித்தியாசத்தில் பிரியங்கா காந்தி முன்னிலை. கேரளாவின் வயநாடு தொகுதியில் பிரியங்கா காந்தியின் வெற்றி உறுதியானது.

மகாராஷ்ட்ராவில் பாஜக பெரும்பான்மையான இடங்களில் வெற்றி பெற்றதால் முதலமைச்சர் பதவியை கைப்பற்ற கூட்டணி கட்சிகளுடன் ஆலோசனை நடத்தி வருகிறது.

கூட்டணிக் கட்சியில் உள்ள மூத்த தலைவர்கள் பேசி அடுத்த முதலமைச்சரை முடிவு செய்வார்கள் என தற்போதைய முதலமைச்சர் ஏக்நாத் ஷிண்டே தெரிவித்துள்ளார்.

வயநாடு இடைத்தேர்தலில் பிரியங்கா காந்தியின் வெற்றி உறுதியானது. 3,09,690 வாக்குகள் வித்தியாசத்தில் முன்னிலையில் உள்ளார். 

வயநாடு இடைத்தேர்தலில் பிரியங்கா காந்தி முன்னிலை. 3,09,690 வாக்குகள் வித்தியாசத்தில் முன்னிலையில் உள்ளார்.

மகாராஷ்டிராவில் என்டிஏ கூட்டணி 217, இந்தியா கூட்டணி 64, மற்றவை 7 இடங்களிலும் முன்னிலை வகிக்கின்றன.

மேற்கு வங்க இடைத்தேர்தல் நடந்த 6 தொகுதிகளில் 3 தொகுதிகளில் திரிணாமுல் காங்கிரஸ் வெற்றி பெற்றுள்ளது.  3 தொகுதிகளில் முன்னிலையில் உள்ளது. 

மகாராஷ்டிராவின் அடுத்த முதல்வர் யார் என்பது இதுவரை முடிவாகவில்லை; கூட்டணி கட்சியில் உள்ள மூத்த தலைவர்கள் பேசி அடுத்த முதலமைச்சரை முடிவு செய்வார்கள் என அம்மாநில முதலமைச்சர் ஏக்நாத் ஷிண்டே செய்தியாளர்களிடம் தெரிவித்துள்ளார்.

மகாராஷ்டிராவில் என்டிஏ கூட்டணி 215, இந்தியா கூட்டணி 65, மற்றவை 8 இடங்களிலும் முன்னிலை வகிக்கின்றன.

கர்நாடகாவில் 3 தொகுதிகளில் இடைத்தேர்தல் நடந்த நிலையில் சந்தூர் தொகுதியில் காங்கிரஸ் வெற்றி பெற்றுள்ளது. சிகான், சன்னப்பட்னா தொகுதிகளில் காங்கிரஸ் வேட்பாளர் முன்னிலை வகிக்கிறது.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். தற்போது பெற்று 3,04,920 வாக்குகள் வித்தியாசத்தில் முன்னிலை வகிக்கிறார். எண்ணப்பட வேண்டிய வாக்குகளை விட அதிக வாக்குகள் வித்தியாசத்தில் பிரியங்கா காந்தி முன்னிலை வகிக்கிறார்.

மேற்கு வங்கத்தில் 6 தொகுதிகளுக்கு இடைத்தேர்தல் நடந்த நிலையில் தொடர்ந்து அனைத்து தொகுதிகளிலும் மம்தா பானர்ஜியின் திரிணாமுல் காங்கிரஸ் கட்சி முன்னிலை வகிக்கிறது.

மகாராஷ்டிராவில் என்டிஏ கூட்டணி 216, இந்தியா கூட்டணி 62, மற்றவை 10 இடங்களிலும் முன்னிலை வகிக்கின்றன.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 3,37,064 வாக்குகள் பெற்று 2,21,374 வாக்குகள் வித்தியாசத்தில் முன்னிலை வகிக்கிறார்.

ராஜஸ்தானில் 7 தொகுதிகளுக்கு இடைத்தேர்தல் நடைபெற்றது. இதில் 5 தொகுதிகளில் பாஜக முன்னிலை வகித்தது. 2 தொகுதிகளில் காங்கிரஸ் முன்னிலையில் உள்ளது.

மகாராஷ்டிராவில் சரத் பவாருக்கு செல்வாக்குள்ள பகுதியில் அஜித் பவார் முன்னிலை வகிக்கிறார். தேசிய வாத காங்கிரஸ் என்ற பெயரில் சரத் பவார் போட்டியிட்டார்.

பீகாரில் 4 தொகுதிகளில் இடைத்தேர்தல் நடந்தது. இதில் பாஜக 2 இடங்களிலும், ஹந்துஸ்தானி அவாம் மோர்ச்சா, ஐக்கிய ஜனதா தள் கட்சிகள் தலா ஒரு தொகுதிகளில் முன்னிலையில் உள்ளது.

ஜார்கண்டில் இந்தியா கூட்டணி 48 இடங்களிலும், என்டிஏ 31 இடங்களிலும், மற்றவை 2 இடங்களிலும் முன்னிலையில் உள்ளன.

மகாராஷ்டிராவில் என்டிஏ கூட்டணி 209, இந்தியா கூட்டணி 69, மற்றவை 10 இடங்களிலும் முன்னிலை வகிக்கின்றன.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 2,39,554 வாக்குகள் பெற்று முன்னிலை வகிக்கிறார்.

பிகாரில் 4 தொகுதிகளுக்கு இடைத்தேர்தல் நடந்தது. பிகாரில் முதல் முறையான தேர்தல் களம் கண்ட பிரஷாந்த் கிஷோரின் ஜன்சுராஜ் கட்சி பின்னடைவை சந்தித்துள்ளது. பிற கட்சிகளுக்கு தேர்தல் வியூகம் வகுத்து தந்த பிரஷாந்த் கிஷேர் பின்னடைவை சந்தித்துள்ளார்.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 2, 13,726 வாக்குகள் பெற்று முன்னிலை வகிக்கிறார்.

ஜார்கண்டில் இந்தியா கூட்டணி 49 இடங்களிலும், என்டிஏ 30 இடங்களிலும், மற்றவை 2 இடங்களிலும் முன்னிலையில் உள்ளன.

மகாராஷ்டிராவில் என்டிஏ கூட்டணி 195, இந்தியா கூட்டணி 86 மற்றவை 7 இடங்களிலும் முன்னிலை பெற்றுள்ளன.

ஜார்கண்டில் இந்தியா கூட்டணி 50 இடங்களிலும், என்டிஏ 30 இடங்களிலும், மற்றவை 1 இடங்களிலும் முன்னிலையில் உள்ளன.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 1,21,476 வாக்குகள் பெற்று முன்னிலை வகிக்கிறார்.

ஜார்கண்டில் இந்தியா கூட்டணி 42 இடங்களிலும், என்டிஏ 28 இடங்களிலும், மற்றவை 2 இடங்களிலும் முன்னிலையில் உள்ளன.

மகாராஷ்டிராவில் என்டிஏ 144, இந்தியா கூட்டணி 75 மற்றவை 6 இடங்களிலும் முன்னிலை பெற்றுள்ளன.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 80,464 வாக்குகள் பெற்று முன்னிலை வகிக்கிறார்.

ஜார்கண்டில் இந்தியா கூட்டணி 32 இடங்களிலும், என்டிஏ 25 இடங்களிலும், மற்றவை 2 இடங்களிலும் முன்னிலையில் உள்ளன.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 57,144 வாக்குகள் பெற்று முன்னிலை வகிக்கிறார்.

மகாராஷ்டிராவில் என்டிஏ 149, இந்தியா கூட்டணி 33, மற்றவை 7 இடங்களிலும் முன்னிலை பெற்றுள்ளன.

ஜார்கண்டில் என்டிஏ 8 இடங்களிலும், இந்தியா கூட்டணி 13 இடங்களிலும் முன்னிலையில் உள்ளன.

மகாராஷ்டிராவில் என்டிஏ 122, இந்தியா கூட்டணி 34, மற்றவை 7 இடங்களிலும் முன்னிலை பெற்றுள்ளன.

மேற்கு வங்க மாநிலத்தில் 6 தொகுதிகளுக்கான இடைத் தேர்தல் நடந்த நிலையில் 6 தொகுதிகளிலும் திரிணாமுல் காங்கிரஸ் முன்னிலையில் உள்ளது.

ஜார்கண்டில் பாஜக கூட்டணி 4 இடங்களிலும், இந்தியா கூட்டணி 2 இடங்களிலும் முன்னிலையில் உள்ளன.

கேரள மாநிலம் வயநாடு தொகுதியில் நடந்த இடைத்தேர்தலில் பிரியங்கா காந்தி முதல் முறையாக தேர்தலில் போட்டியிட்டார். இந்நிலையில் தற்போது 23,464 வாக்குகள் பெற்று முன்னிலை வகிக்கிறார். முதல் சுற்று வாக்கு எண்ணிக்கையை பொறுத்த வரை ராகுல் காந்தியை ஒப்பிடும் போது 8000 வாக்குகள் குறைவு 

மகாராஷ்டிராவில் என்டிஏ -50, இந்தியா கூட்டணி 28, மற்றவை 4 இடங்களிலும் முன்னிலை பெற்றுள்ளன.

ஜார்கண்டில் பாஜக கூட்டணி 13 இடங்களிலும் ஜெஎம்எம் கூட்டணி 6 இடங்களிலும் முன்னிலையில் உள்ளன.

மகாராஷ்டிராவில் பாஜக முன்னிலை

மகாராஷ்டிராவில் பாஜக 46 இடங்களிலும், காங்கிரஸ் 23 இடங்களிலும் மற்றவை 3 தொகுதிகளிலும் முன்னிலையில் உள்ளன.

வயநாடு இடைத்தேர்தலில் 6411 வாக்குகள் பெற்று பிரியங்கா காந்தி முன்னிலை வகித்து வருகிறார்.

மகாராஷ்டிராவில் என்டிஏ -28, இந்தியா கூட்டணி 14, மற்றவை 2 இடங்களிலும்  முன்னிலை பெற்றுள்ளன.

வயநாட்டில் நடை பெற்ற இடைத் தேர்தலில் பிரியங்கா காந்தி முதல் முறையாக களம் கண்ட நிலையில் முன்னிலை வகித்து வருகிறார்.

கேரள மாநிலம் வயநாடு தொகுதியில் பிரியங்கா காந்தி முதல் முறையாக தேர்தலில் போட்டியிட்டுள்ள நிலையில் சரியாக 8 மணிக்கு வாக்கு எண்ணிக்கை தொடங்கி உள்ளது. 

நாடு முழுவதும் பெரும் எதிர்பார்ப்புகளுக்கு இடையே மகாராஷ்டிரா, ஜார்கண்ட் மாநிலங்களில் சற்று முன் வாக்கு எண்ணிக்கை தொடங்கி  உள்ளது. 

மகாராஷ்டிரா தேர்தலில் மகாயுதி, மகா விகாஸ் அகாடி கூட்டணிகளிடையே கடும் போட்டி நிலவுகிறது. பகுஜன் சமாஜ்கட்சி, பகுஜன் விகாஸ் அகாடி, வஞ்சித் பகுஜன் அகாடி, முஸ்லிம் மஜ்லீஸ் உள்ளிட்ட சிறிய கட்சிகளும் களத்தில் உள்ளன.

மகாராஷ்டிராவில் பாஜக, சிவசேனா, தேசியவாத காங்கிரஸ் ஆகிய கட்சிகள் அடங்கிய ஆளும் மகாயுதி கூட்டணியும், காங்கிரஸ் உத்தவ் சிவசேனா, தேசியவாத காங்கிரஸ்  ஆகிய கட்சிகள் அடங்கிய மகா விகாஸ் அகாடி கூட்டணியும் பலப்பரிட்சை நடத்தி உள்ளன. வெற்றி வாய்ப்பு யாருக்கு என்ற கேள்விக்கு இன்னும் சில மணி நேரத்தில் விடை கிடைக்கும்.

நாடு முழுவதும் பெரும் எதிர்பார்ப்பை ஏற்படுத்தி உள்ள மகாராஷ்டிரா ஜார்கண்ட் ஆகிய 2 மாநில சட்டப்பேரவை  தேர்தலில் பதிவான வாக்கு எண்ணிக்கை நடை பெற்று வரும் நிலையில் காலை 11 மணிக்கு முன்னிலை நிலவரம் தெரிய வரும் என எதிர்பார்க்கப்படுகிறது.

ஜார்க்கண்ட்டில் வாக்கு எண்ணிக்கையோட்டி பலத்த போலீஸ் பாதுகாப்பு போடப்பட்டுள்ளது

இரு மாநிலங்களிலும் பல கட்டங்களாக வாக்குப்பதிவு நடைபெற்ற நிலையில், தற்போது வாக்கு எண்ணிக்கை தொடங்க உள்ளது

மகாராஷ்டிரா மற்றும் ஜார்க்கண்ட் மாநிலத்தில் தேர்தல் முடிவுகளை இன்னும் சற்று நேரத்தில் அறிந்து கொள்ளலாம்.