Naegleria Fowleri:மூளையை உண்ணும் அமீபாவால் கேரளா இளைஞர் பலி: நெக்லெரியா ஃபோவ்லெரி பற்றி நீங்கள் தெரிந்து கொள்ள வேண்டியவை

கேரளாவின் கோழிக்கோட்டைச் சேர்ந்த அந்த இளைஞர், கடுமையான தலைவலி, குமட்டல் மற்றும் வாந்தி போன்ற அறிகுறிகளை வெளிப்படுத்திய பின்னர், ஜூன் 24அன்று மருத்துவமனையில் அனுமதிக்கப்பட்டார். அவர் தனது வீட்டிற்கு அருகிலுள்ள ஓடையில் குளித்தபோது தொற்று ஏற்பட்டதாக சந்தேகிக்கப்படுகிறது.

மூளையைத் தின்னும் அமீபாவால் தொடரும் மரணங்கள்:

சமீபத்தில் கேரளாவில் மூளையைத் தின்னும் அமீபா என்ற செய்தி கூகுள் டிரெண்டில் முதலிடத்தைப் பிடித்துள்ளது. இந்த ஒற்றை செல் உயிரினத்திலிருந்து வரும் தொற்று பெரும்பாலும் உயிருக்கு ஆபத்தானதாக அமைகிறது 

"மூளையைத் தின்னும் அமீபா" என்றால் என்ன?

‘’மூளை உண்ணும் அமீபா'' என்றும் அழைக்கப்படும் நெக்லெரியா ஃபோவ்லெரி, ஒரு அரிதான ஆனால் ஆபத்தான நுண்ணுயிரி ஆகும். இது முதன்மை அமீபிக் மெனிங்கோஎன்செபாலிடிஸ் (பிஏஎம்) எனப்படும் மூளையின் கடுமையான தொற்றுநோயை ஏற்படுத்தும். அமீபா மூளை திசுக்களுக்கு குறிப்பிடத்தக்க சேதத்தை ஏற்படுத்தும்.

அமீபிக் மெனிங்கோஎன்செபாலிடிஸின் அறிகுறிகள் யாவை?

முதன்மை அமீபிக் மெனிங்கோஎன்செபாலிடிஸின் அறிகுறிகள் பொதுவாக வெளிப்பட்ட இரண்டு முதல் 15 நாட்களுக்குப் பிறகு வெளிப்படும். அறிகுறிகள் விரைவாக முன்னேறும். ஆரம்ப கட்டங்களில், பிஏஎம் நோயறிதல் கடினமாக இருக்கும். ஏனெனில், அறிகுறிகள் பாக்டீரியா அல்லது வைரஸ் மூளைக்காய்ச்சலுடன் நெருக்கமாக ஒத்திருக்கின்றன.

நெக்லெரியா ஃபோவ்லெரி (Naegleria fowleri infection)இன் ஆரம்ப கட்ட அறிகுறிகளில் மிகவும் வலிமிகுந்த தலைவலி, அதிக காய்ச்சல், கடினமான கழுத்து வலி, குமட்டல் மற்றும் / வாந்தி ஆகியவை வரலாம்.

பிந்தைய நிலைகளில், நோயாளி குழப்பமடையலாம். தன்னிலையிழக்கலாம். வலிப்புத் தாக்கங்களால் பாதிக்கப்படலாம். சமநிலையை இழக்கலாம் மற்றும் கோமா நிலைக்குச் செல்லலாம். இந்த தொற்று எப்போதும் ஆபத்தானது.

நெக்லெரியா ஃபோவ்லெரி எங்கே காணப்படுகிறது?

அமெரிக்காவின் நோய் கட்டுப்பாடு மற்றும் தடுப்பு மையங்களின்படி, அமீபா சூடான நன்னீர் ஏரிகள், ஆறுகள் மற்றும் சூடான நீரூற்றுகளில் செழித்து வளர்கிறது. அரிதான சந்தர்ப்பங்களில், இது மோசமாக பராமரிக்கப்படும் நீச்சல் குளங்களிலும் காணப்படலாம்.

நெக்லேரியா ஃபோவ்லெரி பரவுகிறது?

நெக்லேரியா ஃபோவ்லெரி மூக்கு வழியாக உடலில் நுழையும்போது இந்த தொற்று பரவுகிறது. ஏனென்றால், மூளையைத் தின்னும் அமீபா நாசி குழிக்கு அருகில் அமைந்துள்ள ஆல்ஃபாக்டரி நரம்பு வழியாக மூளையை எளிதில் அணுக முடியும்.

நெக்லேரியா ஃபோவ்லெரி அமீபா (Naegleria fowleri amoeba) உள்ள தண்ணீரை விழுங்குவதால் நோய்த்தொற்று ஏற்படாது.

முதன்மை அமீபிக் மூளைக்காய்ச்சல் தொற்றுநோயல்ல. மேலும் இது நபருக்கு நபர் பரவாது. கிளீவ்லேண்ட் கிளினிக்கின் கூற்றுப்படி, தொற்று ஒருவருக்கு இன்னொரு நபர் மூலம் பரவியதாக எந்த வழக்குகளும் இல்லை.

இதற்கு சிகிச்சையளிக்க முடியுமா?

முதன்மை அமீபிக் மெனிங்கோஎன்செபாலிடிஸ் எனப்படும் பிஏஎம் மிக விரைவாக உடலில் பரவுகிறது மற்றும் பெரும்பாலும் கண்டறிவது கடினம் ஆகும். இது 97% வழக்குகளில் ஆபத்தானது.

இருப்பினும், வட அமெரிக்காவில் தப்பிப்பிழைத்த சிலருக்கு ஆம்போடெரிசின் பி, ரிஃபாம்பின், ஃப்ளூகோனசோல் மற்றும் மில்டெஃபோசின் என்ற மருந்து உள்ளிட்ட மருந்துகளின் கலவையுடன் சிகிச்சை அளிக்கப்பட்டது என்று சி.டி.சி தெரிவித்துள்ளது.