தமிழ் செய்திகள்  /  தேசம் மற்றும் உலகம்  /  World Drug Day 2024: 'சமூகத்தை சீரழிக்கும் போதை வேண்டாமே'.. சர்வதேச போதைப் பொருள் ஒழிப்பு தினம் ஒரு பார்வை!

World Drug Day 2024: 'சமூகத்தை சீரழிக்கும் போதை வேண்டாமே'.. சர்வதேச போதைப் பொருள் ஒழிப்பு தினம் ஒரு பார்வை!

Karthikeyan S HT Tamil
Jun 26, 2024 06:30 AM IST

World Drug Day 2024: ஒவ்வொரு ஆண்டும் ஜூன் மாதம் 26 ஆம் தேதி சர்வதேச போதைப் பொருள் ஒழிப்பு தினமாக கடைபிடிக்கப்படுகிறது. இந்நாளின் முக்கியத்துவம் மற்றும் வரலாறு குறித்து தெரிந்துகொள்வோம்.

World Drug Day 2024: 'சமூகத்தை சீரழிக்கும் போதை வேண்டாமே'.. சர்வதேச போதைப் பொருள் ஒழிப்பு தினம் ஒரு பார்வை!
World Drug Day 2024: 'சமூகத்தை சீரழிக்கும் போதை வேண்டாமே'.. சர்வதேச போதைப் பொருள் ஒழிப்பு தினம் ஒரு பார்வை!

உலகெங்கிலும் மில்லியன் கணக்கான மக்கள் போதைப் பொருள் பயன்பாட்டால் பாதிக்கப்பட்டுள்ளனர். இது தனிநபர்கள் மற்றும் சமூகங்கள் இரண்டிலும் தாக்கத்தை ஏற்படுத்துகிறது. உலகம் முழுவதும் சுமார் 200 மில்லியன் நபர்கள் போதைப் பொருளை உபயோகிக்கிறார்கள் என்கிறது ஐநா சபையின் அறிக்கைத் தகவல். மது, சிகரெட், பீடி மற்றும் புகையிலைப் பொருட்களை உபயோகிப்பது சர்வ சாதாரணமாகிவிட்ட நிலையில், தற்போது கஞ்சா, ஹெராயின், அபின், கோகைன், பிரவுன்சுகர் ஆகியவை இளைஞர் சமூகத்தை அழித்து வருகின்றன.

போதைப் பொருட்களை முற்றிலும் ஒழிப்பதற்கு உலக நாடுகள் நடவடிக்கை எடுப்பது மற்றும் போதைப் பொருள் இல்லாத சமூகத்தை உருவாக்குவது என்ற நோக்கத்துடன் ஒவ்வொரு ஆண்டும் ஜூன் 26ஆம் தேதி 'சர்வதேச போதைப் பொருள் ஒழிப்பு மற்றும் சட்டவிரோத கடத்தலை தடுக்கும் தினம்' கடைபிடிக்கப்படுகிறது.

அதிகரிக்கும் போதைப் பொருள்

உலகளாவிய ரீதியில் போதைப் பொருள் பயன்படுத்துதல், போதைப் பொருள் கடத்தல், போதைப் பொருள் விற்பனை செய்தல் என்பன முக்கிய பிரச்னையாக உருவெடுத்துள்ளது. போதைப் பொருளை கட்டுப்படுத்த அரசுகள் பல்வேறு நடவடிக்கைகளை மேற்கொண்டு வருகின்றது. இருப்பினும் சிறுவர்கள் முதல் பெரியவர்கள் வரை போதைப் பொருளின் பழக்கம் நாளுக்கு நாள் அதிகரித்து வருகிறது பெரும் கவலைக்குரியது. ஒவ்வொரு நாளும் போதைப் பொருள் நடமாட்டம் அதிகரிக்கின்றதே தவிர குறையவில்லை. தினமும் போதைப்பொருள் கடத்தல் சம்பவங்கள் உலகில் ஆங்காங்கே நடக்கின்றன.

வரலாறு

ஜூன் 26, 1987 அன்று வியன்னாவில் நடைபெற்ற போதைப்பொருள் துஷ்பிரயோகம் மற்றும் சட்டவிரோத கடத்தல் தொடர்பான சர்வதேச மாநாட்டில், போதைப்பொருளுக்கு எதிரான போராட்டத்தை நினைவுகூரும் ஒரு நாளை அனுசரிக்க பரிந்துரைக்கப்பட்டது. அதன்படி, ஐக்கிய நாடுகளின் பொதுச் சபை, ஜூன் 26ஆம் தேதியை உலக போதைப்பொருள் ஒழிப்பு தினம் மற்றும் சட்டவிரோத கடத்தலை தடுக்கும் தினமாக கடைப்பிடிக்க முடிவு செய்தது. இதையடுத்து 1987 ஆம் ஆண்டு முதல் ஒவ்வொரு ஆண்டும் ஜூன் 26 ஆம் தேதி சர்வதேச போதைப்பொருள் ஒழிப்பு மற்றும் சட்டவிரோத கடத்தல் ஒழிப்பு தினமாக கடைப்பிடிக்கப்பட்டு வருகிறது.

ட்ரெண்டிங் செய்திகள்

முக்கியத்துவம் என்ன?

உலகளாவிய ரீதியில் போதைப் பொருள் பயன்படுத்துதல், போதைப் பொருள் கடத்தல், போதைப் பொருள் விற்பனை செய்தல் என்பன முக்கிய பிரச்னையாக உருவெடுத்துள்ளது. போதைப் பொருள் துஷ்பிரயோகம் தொடர்பான சுகாதார சவால்களை முன்னிலைப்படுத்தவும், போதைப் பொருள் தடுப்பு, கல்வி, சிகிச்சை மற்றும் மறுவாழ்வு போன்ற நடவடிக்கைகளை ஊக்குவிப்பதற்காகவும் இந்த நாள் அங்கீகரிக்கப்பட்டுள்ளது.

விழிப்புணர்வு அவசியம்

இன்றைய சூழலில் இளைஞர்கள் மட்டுமல்லாமல், பள்ளி மாணவர்களும் போதைப் பொருளுக்கு அடிமையாவது வருத்தமான விஷயம். இம்மாதிரியான மாணவர்களுக்கு சரியான விழிப்புணர்வு வழங்கி அப்பழக்கத்தில் இருந்து அவர்களை விடுவிக்க வேண்டும். போதைப்பொருள் தடுப்பு திட்டங்களில் சமூக ஈடுபாடு பற்றிய விழிப்புணர்வை ஏற்படுத்த வேண்டும். போதைப்பொருள் பயன்பாட்டுத் தீங்குகளைத் பற்றிய புரிதலை ஏற்படுத்த விழிப்புணர்வு பிரசாரம் செய்ய வேண்டும். இதன் மூலம் போதைப் பொருள் பழக்கத்தை பரவ விடாமல் ஓரளவு கட்டுக்குள் கொண்டு வர முடியும்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.