ஜூலை முதல் தட்கல் டிக்கெட் விதிகளில் அதிரடி மாற்றம்! இந்திய ரயில்வேயின் புதிய கட்டுப்பாடுகள் என்ன?

தட்கல் முன்பதிவு விதிகளில் மாற்றம்

இந்திய ரயில்வே அறிவித்த மாற்றங்களின்படி, தட்கல் திட்டத்தின் கீழ் டிக்கெட்டுகள் ஜூலை 1 முதல் ஆதார் அங்கீகரிக்கப்பட்ட பயனர்களால் மட்டுமே முன்பதிவு செய்ய முடியும்.

ரயில்வே அமைச்சகத்தின் சுற்றறிக்கையின்படி, டிக்கெட்டுகளை “இந்திய ரயில்வே கேட்டரிங் மற்றும் டூரிசம் கார்ப்பரேஷன் (IRCTC) இணையதளம்/ அதன் செயலி மூலம் ஆதார் அங்கீகரிக்கப்பட்ட பயனர்கள் மட்டுமே முன்பதிவு செய்ய முடியும்.” இந்த விதி அமலுக்கு வந்தவுடன், ஆதார் இணைக்கப்பட்ட மொபைல் எண் மூலம் OTP அங்கீகாரமும் ஜூலை 15க்குள் அறிமுகப்படுத்தப்படும் என்று PTI செய்தி வெளியிட்டுள்ளது.

மேலும் படிக்க| காங்கிரஸில் அதிரடி: திக்விஜய் சிங் சகோதரர் 6 வருடங்களுக்கு நீக்கம்! என்ன காரணம்?

டிக்கெட்டுகளுக்கு இ-ஆதார்

"தட்கல் டிக்கெட்டுகளை முன்பதிவு செய்ய இந்திய ரயில்வே விரைவில் இ-ஆதாரை பயன்படுத்தத் தொடங்கும். இது தேவைப்படும் நேரத்தில் உண்மையான பயனர்களுக்கு உறுதி செய்யப்பட்ட டிக்கெட்டுகளைப் பெற உதவும்," என்று மத்திய ரயில்வே அமைச்சர் அஸ்வினி வைஷ்ணவ் கடந்த வாரம் எக்ஸ் தளத்தில் பதிவிட்டிருந்தார்.

ஏஜெண்டுகளுக்கு செக்

மேலும், அங்கீகரிக்கப்பட்ட முகவர்களுக்கான டிக்கெட் முன்பதிவுகள் உண்மையான நேரத்திற்கு 30 நிமிடங்களுக்குப் பிறகு திறக்கப்படும் என்றும் அமைச்சகம் அறிவித்துள்ளது. இதன் பொருள், ஏஜென்ட்கள் காலை 10.00 மணி முதல் 10.30 மணி வரை குளிரூட்டப்பட்ட பெட்டிகளுக்கும், காலை 11.00 மணி முதல் 11.30 மணி வரை குளிரூட்டப்படாத பெட்டிகளுக்கும் தட்கல் டிக்கெட்டுகளை முன்பதிவு செய்ய முடியாது என்று PTI தெரிவித்துள்ளது.

"அங்கீகரிக்கப்பட்ட IRCTC ஏஜென்ட்கள் கூட இந்த ஆரம்ப கட்டத்தில் தட்கல் டிக்கெட்டுகளை முன்பதிவு செய்ய முடியாது, அவர்கள் பல பயனர் ஐடிகள் மற்றும் மின்னஞ்சல்களை வைத்திருந்தாலும் அவர்களால் டிக்கெட் முன்பதிவு செய்யமுடியாது." என்று அதிகாரி ஒருவர் முன்பு ஹிந்துஸ்தான் டைம்ஸிடம் தெரிவித்தார்.

மேலும் படிக்க| ஜம்மு-காஷ்மீரில் சந்தேகத்திற்கிடமான நடமாட்டம்.. பாதுகாப்புப் படை தேடுதல் வேட்டை

போலி கணக்குகள்

முன்பதிவுகளுக்கு AI கருவிகளைப் பயன்படுத்துவது குறித்து பேசியபோது அதிகாரி ஒருவர், கடந்த ஆறு மாதங்களில் IRCTC மூலம் 24 மில்லியன் பயனர்கள் போலியாக கணக்குகள் வைத்திருப்பதாகவும் அவர்கள் தடுக்கப்பட்டதுடன் மேலும் 2 மில்லியன் பேர் அதே காரணத்திற்காக விசாரணையில் இருப்பதாகவும் கூறினார்.