அதிகரித்து வரும் பதற்றம்.. பாகிஸ்தானுக்கு செக் வைத்த இந்தியா.. வான்வழிப் பாதையை மூடி அடுத்த அதிரடி!

மேலும் படிக்க | பஹல்காம் தாக்குதல்.. உளவுத்துறை தோல்விக்கு பொறுப்பேற்று அமித் ஷா பதவி விலக வேண்டும் - சஞ்சய் ராவத் வலியுறுத்தல்!

26 பேரை கொடூரமாக சுட்டுக்கொன்ற பஹல்காம் பயங்கரவாத தாக்குதலை அடுத்து பாகிஸ்தானுக்கு எதிராக இந்திய அரசாங்கம் எடுத்த பல்வேறு நடவடிக்கைகளின் ஒரு பகுதியான சமீபத்திய நடவடிக்கையாக இது பார்க்கப்படுகிறது. முன்னதாக, இந்திய விமானங்கள் பாகிஸ்தான் வான்வழிப் பாதையை பயன்படுத்த பாகிஸ்தான் தடைவிதித்தல் உள்ளிட்ட பல்வேறு பதிலடி நடவடிக்கைகளை பாகிஸ்தான் கடந்த வாரம் மேற்கொண்டது. இந்த நிலையில், இந்திய வான்வழிப் பாதையைப் பாகிஸ்தான் விமானங்கள் பயன்படுத்த மத்திய அரசு தடைவிதித்துள்ளது.

மேலும் படிக்க | 'அடுத்த 36 மணி நேரத்தில் எங்கள் மீது இந்திய ராணுவம் தாக்குதல் நடத்தலாம்'.. பாகிஸ்தான் வெளியிட்ட பகீர் தகவல்!

நேரடி விமான சேவைகள் இல்லை

இந்தியாவுக்கும் பாகிஸ்தானுக்கும் இடையே நேரடி விமான சேவைகள் இல்லை. பாகிஸ்தான் விமான நிறுவனங்கள் சிங்கப்பூர், மலேசியா மற்றும் பிற கிழக்கு ஆசிய நாடுகளுக்கு தங்கள் விமானங்களுக்கு இந்திய வான்வழியைப் பயன்படுத்துகின்றன.

ஏப்ரல் 23 அன்று, பஹல்காம் தாக்குதலுக்கு மறுநாள், சிந்து நதி நீர் ஒப்பந்தத்தை தற்காலிகமாக நிறுத்தி வைத்தல், அட்டாரியில் செயல்படும் ஒரே நில எல்லையை மூடுதல் மற்றும் படுகொலையுடன் எல்லை தாண்டிய தொடர்புகளை கருத்தில் கொண்டு இராஜதந்திர உறவுகளை குறைத்தல் உட்பட பாக்கிஸ்தானுக்கு எதிராக ஏராளமான நடவடிக்கைகளை இந்தியா அறிவித்தது.

மேலும் படிக்க | கொல்கத்தா தீ விபத்து: 3 தமிழர்கள் உள்ளிட்ட 14 பேர் பலி.. எடப்பாடி பழனிசாமி இரங்கல்!

இதற்கு விடையிறுப்பாக, பாகிஸ்தான் இந்திய விமானங்களுக்கு தனது வான்வெளியை மூடியது மற்றும் மூன்றாம் நாடுகள் உட்பட இந்தியாவுடனான அனைத்து வர்த்தகத்தையும் நிறுத்தியது. சிந்து நதி நீர் ஒப்பந்தத்தை இந்தியா இடைநிறுத்தியதை நிராகரித்த பாகிஸ்தான், நீர் ஓட்டத்தை நிறுத்துவதற்கான எந்தவொரு நடவடிக்கையும் "போர் நடவடிக்கையாக" பார்க்கப்படும் என்று கூறியது.