Blue Origin Space Tourism: ப்ளூ ஆர்ஜின் விண்வெளி பயணத்தில் இடம்பிடித்த இந்திய வம்சாவளி பைலட்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  தேசம் மற்றும் உலகம்  /  Blue Origin Space Tourism: ப்ளூ ஆர்ஜின் விண்வெளி பயணத்தில் இடம்பிடித்த இந்திய வம்சாவளி பைலட்

Blue Origin Space Tourism: ப்ளூ ஆர்ஜின் விண்வெளி பயணத்தில் இடம்பிடித்த இந்திய வம்சாவளி பைலட்

Muthu Vinayagam Kosalairaman HT Tamil Published May 19, 2024 10:40 PM IST
Muthu Vinayagam Kosalairaman HT Tamil
Published May 19, 2024 10:40 PM IST

Blue Origin Space Tourism: ப்ளூ ஆரிஜின் விண்வெளி சுற்றுலாவில், ப்ளூ ஆரிஜின் நியூ ஷெப்பர்ட் 25 மிஷனில் இந்திய வம்சாவளியை சேர்ந்த தொழில்முனைவோரும், பைலட்டுமான கோபிசந்த் தோட்டகுரா, ஆறு குழு உறுப்பினர்களில் ஒருவராக உள்ளார்.

ப்ளூ ஆர்ஜின் விண்வெளி பயணத்தில் இடம்பிடித்த இந்திய வம்சாவளி பைலட்
ப்ளூ ஆர்ஜின் விண்வெளி பயணத்தில் இடம்பிடித்த இந்திய வம்சாவளி பைலட் (Blue Origin)
Share on Whatsappஎங்களை பின் தொடரலாம்
  • Share on Twitter
  • Share on Facebook

கடந்த 2022 செப்டம்பரில் ப்ளூ ஆரிஜின் நியூ ராக்கெட் விபத்தைத் தொடர்ந்து, அதன் விண்வெளி சுற்றுலா நடவடிக்கைகள் இடைநிறுத்தம் செய்யப்பட்டது. இதன்பின்னர் இரண்டு ஆண்டுகள் கழித்து இந்த பயணம் இன்று தொடர ராக்கெட் வெற்றிகரமாக வானில் பறந்தது.

இந்த மிஷன் நியூ ஷெப்பர்ட் திட்டத்துக்கான ஏழாவது மனித விமானத்தையும், அந்த திட்டத்தின் வரலாற்றில் 25வது விமானமுமாக அமைந்துள்ளது.

இந்திய வம்சாவளி பைலட்

ஜெஃப் பெசோஸின் ப்ளூ ஆரிஜின் நியூ ஷெப்பர்ட் 25 (என்எஸ் 25) மிஷனுக்கு தேர்ந்தெடுக்கப்பட்ட ஆறு குழு உறுப்பினர்களில் இந்திய வம்சாவளியைச் சேர்ந்த தொழில்முனைவோர் மற்றும் பைலட்டான கோபிசந்த் தோட்டகுராவும் ஒருவராக உள்ளார். இந்த குழுவில் அமெரிக்காவின் முதல் கறுப்பின விண்வெளி வீரரான முன்னாள் விமானப்படை கேப்டன் எட் டுவைட்டும் இடம்பிடித்துள்ளார்.

மேற்கு டெக்சாஸில் உள்ள ஏவுதளத்தில், ஒன் தளத்திலிருந்து ஏவப்பட்ட இந்த ராக்கெட்டின் விடியோ சமூக வலைத்தளத்தில் பகிரப்பட்டது.

விண்கலம் கடல் மட்டத்திலிருந்து 62 மைல் (100 கி.மீ) விண்வெளியின் சர்வதேச அளவில் அங்கீகரிக்கப்பட்ட எல்லையான கர்மன் கோட்டை தாண்டியவுடன், அதில் பயணித்த பயணிகள் பூமியின் வளைவை கண்டு ஆச்சரியப்படுள்ளனர். அத்துடன் சில நிமிட எடையற்ற தன்மையை அனுபவிக்கும் வாய்ப்பு கிடைத்ததுடன், தங்கள் இருக்கைகளை அவிழ்த்து, ஜம்பிங் ஜாக் போன்ற செயல்களைச் செய்ததாகவும் கூறப்படுகிறது.

கடந்த செப்டம்பர் 12, 2022 அன்று ஏவப்பட்ட சிறிது நேரத்திலேயே நியூ ஷெப்பர்ட் ராக்கெட் தீப்பிடித்தபோது இந்த திட்டம் பின்னடைவை சந்தித்தது. இருப்பினும், குழுவினர் இல்லாத காப்ஸ்யூல் சரியான நேரத்தில் வெளியேற்றப்பட்டது, இது விண்வெளி வீரர்களின் பாதுகாப்பை உறுதி செய்தது.

நியூ ஷெப்பர்ட் (மிஷன் என்எஸ் 25) மிஷனில் பங்கெடுத்திருப்பது யார்?

இந்திய வம்சாவளியை சேர்ந்த தொழில்முனைவோர் மற்றும் விமானியான கோபிசந்த் தோட்டகுரா, ஜெஃப் பெசோஸின் ப்ளூ ஆரிஜின் நியூ ஷெப்பர்ட் 25 (NS-25) பணிக்கான ஆறு குழு உறுப்பினர்களில் ஒருவராக தேர்ந்தெடுக்கப்பட்டார்.

1960களில் நாசாவின் விண்வெளி வீரர் படையிலிருந்து நிராகரிப்பை எதிர்கொண்ட முன்னாள் விமானப்படை விமானியான எட் டுவைட்டும் ஒரு பகுதியாக உள்ளார். AFP செய்தி நிறுவனத்தின் கூற்றுப்படி, "90 ஆண்டுகள், 8 மாதங்கள் மற்றும் 10 நாள்களில், டுவைட் விண்வெளிக்கு சென்ற மிக வயதான நபராக இருக்கிறார.

இவர் கடந்த இரு மாதங்களுக்கு முன்னர் ஸ்டார் ட்ரெக் பட நடிகர் வில்லியம் ஷாட்னர் 2021இல் ப்ளூ ஆரிஜின் உடன் பறந்தபோது கிட்டத்தட்ட இரண்டு மாதங்கள் இளையவராக இருந்தார்.

 

ஜெஃப் பெசோஸின் ப்ளூ ஆரிஜின் நியூ ஷெப்பர்ட் -25 (NS-25) மிஷனுக்காக தேர்ந்தெடுக்கப்பட்ட ஆறு குழு உறுப்பினர்கள்
ஜெஃப் பெசோஸின் ப்ளூ ஆரிஜின் நியூ ஷெப்பர்ட் -25 (NS-25) மிஷனுக்காக தேர்ந்தெடுக்கப்பட்ட ஆறு குழு உறுப்பினர்கள் (Blue Origin)

துணிகர மூலதன நிறுவனமான இண்டஸ்ட்ரியஸ் வென்ச்சர்ஸின் நிறுவனர் மேசன் ஏஞ்சல் குழு உறுப்பினர்களில் ஒருவராக உள்ளார்.

பிரான்சில் உள்ள ஒரு முக்கிய கைவினை மதுபான நிறுவனமான பிராசெரி மோண்ட் பிளாங்கின் நிறுவனர் சில்வைன் சிரோனும் குழுவில் ஒரு பகுதியாக உள்ளார்.

மென்பொருள் பொறியாளரும் தொழில்முனைவோருமான கென்னத் எல். மற்றும் ஓய்வுபெற்ற சான்றளிக்கப்பட்ட பொது கணக்காளர் (CPA), கரோல் ஷாலர், NS-25 மிஷனுக்கான குழு உறுப்பினர்களில் இடம்பிடித்தவர்களாக இருக்கிறார்கள்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.