‘தண்ணீர் வரலனா.. ரத்த ஆறு ஓடுமாம்..’ சீனாவை காட்டி இந்தியாவை மிரட்டிய பாகிஸ்தான் தூதர்!
‘இந்தியா ஒருதலைப்பட்சமாக முடிவு எடுக்க முடியாது. அப்படி எடுத்தாலும் சிந்து நதியின் நீரை தடுக்க முடியாது. ஏனெனில் நீரைத் தடுப்பதற்கான ஏற்பாடுகளோ அல்லது உள்கட்டமைப்போ இந்தியாவிடம் இல்லை’
அனந்த்நாக் பயங்கரவாத தாக்குதலுக்குப் பிறகு இந்தியாவின் நடவடிக்கையால் பாகிஸ்தான் கொந்தளித்துள்ளது. சிந்து நதி நீர் ஒப்பந்தத்தை இந்தியா நிறுத்தி வைத்துள்ளது. இதனால் பாகிஸ்தானின் பெரும்பான்மையான மக்கள் தொகை பசி மற்றும் தாகத்தால் பாதிக்கப்படும் அபாயம் உள்ளது. இந்தியாவின் நடவடிக்கைக்கு பதிலடி கொடுக்கும் விதமாக பாகிஸ்தான் தனது வான்வெளியையும் வாகா எல்லையையும் மூடியுள்ளது. மேலும் சிம்லா ஒப்பந்தத்தையும் நிறுத்தி வைக்க முடிவு செய்துள்ளது. இருந்தபோதிலும் அவர்களின் கோபம் குறையவில்லை. ஏனெனில் சிந்து நதி நீர் ஒப்பந்தத்தை நிறுத்தி இந்தியா அவர்களுக்கு சரியான பதிலடி கொடுத்துள்ளது.
தற்போது பாகிஸ்தான் சீனாவின் ஆதரவை நாடியுள்ளது. இந்தியாவில் பாகிஸ்தான் தூதராக இருந்த அப்துல் பாசித் கூறுகையில், இந்தியா ஒருதலைப்பட்சமாக முடிவு எடுக்க முடியாது. அப்படி எடுத்தாலும் சிந்து நதியின் நீரை தடுக்க முடியாது. ஏனெனில் நீரைத் தடுப்பதற்கான ஏற்பாடுகளோ அல்லது உள்கட்டமைப்போ இந்தியாவிடம் இல்லை. பாசித் இதோடு நிறுத்தவில்லை. இந்தியா பாகிஸ்தானுக்கு நீரை தடுத்தால், இந்தியாவில் உள்ள பல நதிகள் சீனாவிலிருந்து வருகின்றன. இந்த விஷயத்தில் சீனாவும் அவர்களின் நீரைத் தடுக்கலாம் என்றார்.