HT Explainer : இன்ஜினியரிங் படிப்புபோல் 4 ஆண்டு இளநிலை படிப்புகள்; சிறப்புகள் என்ன? முழு விவரங்கள் உள்ளே!

Priyadarshini R HT Tamil Published Jun 17, 2023 08:49 AM IST

எங்களை பின் தொடரலாம்

Priyadarshini R HT Tamil

Published Jun 17, 2023 08:49 AM IST

4 Years UG Courses : இளநிலை படிப்புகளை 4 ஆண்டுகள் படிக்கும் வகையில், நாடு முழுவதும் வரும் கல்வியாண்டு முதல் 105 பல்கலைக்கழகங்கள் அறிமுகம் செய்கின்றன. அதில் எந்தெந்த பல்கலைக்கழகங்கள் இணைகின்றன. அதன் சிறப்புகள் என்ன என்று தெரிந்துகொள்ளலாம்.

கோப்புப்படம்

எங்களை பின் தொடரலாம்

டெல்லி, அலிகர் முஸ்லிம், விஸ்வ பாரதி, அசாம், தேஜ்பூர், ஜம்மு மத்திய, பல்கலைக்கழகம், சிக்கிம், தேசிய சமஸ்கிருத பல்கலைக்கழகம் மற்றும் மௌலானா ஆசாத் தேசிய உருது பல்கலைக்கழகம் ஆகிய மத்தியப் பல்கலைக்கழகங்கள் இதில் அடக்கம்.

ஸ்ரீ லால் பகதூர் சாஸ்திரி தேசிய சமஸ்கிருத பல்கலைக்கழகம், ஆங்கிலம் மற்றும் வெளிநாட்டு மொழிகள் பல்கலைக்கழகம், ஹேம்வதி நந்தன் பகுகுணா கர்வால் பல்கலைக்கழகம், மகாத்மா காந்தி அந்தர் ராஷ்ட்ரிய இந்தி விஸ்வ வித்யாலயா, ராஜீவ் காந்தி பல்கலைக்கழகங்களும் 4 ஆண்டுகள் இளநிலைப் படிப்புகளை வழங்கவுள்ளன. இந்த பல்கலைக்கழகங்களோடு, ஹரியானா, தெற்கு பீகார் மற்றும் தமிழ்நாடு மத்திய பல்கலைக்கழகங்களும் பட்டியலில் இணைந்துள்ளன.

மேலும் 40 நிகர்நிலைப் பல்கலைக்கழகங்கள் 18 மாநில தனியார் பல்கலைக்கழகங்கள் மற்றும் 22 மாநிலப் பல்கலைக்கழகங்களும் 4 ஆண்டு இளநிலை படிப்புகளை வழங்க உள்ளன.

இதுகுறித்து யுஜிசி தலைவர் ஜெகதிஷ்குமார் கூறுகையில்,

‘ஏற்கனவே உள்ள தேர்வு அடிப்படையிலான கிரெடிட் அமைப்பு (Choice-based Credit System- CBCS) மாணவர்களுக்கு பலவகையான துறைகளைத் தேர்ந்தெடுக்கும் வாய்ப்பை அளிக்கிறது. எனினும் இதில், multidisciplinary மற்றும் inter-disciplinary வகை அம்சம் குறைகிறது. இதை மேம்படுத்தும் வகையில், இளநிலை படிப்புகளுக்கான பாடத்திட்டம் மற்றும் கிரெடிட் கட்டமைப்பு உருவாக்கப்பட்டுள்ளது. மேலும் இது மாணவர்களுக்கு பல்துறை வாய்ப்புகளை வழங்கும்’ என்றார்.

இந்த 4 ஆண்டுகள் இளநிலை படிப்பில், ஒவ்வொரு செமஸ்டருக்கும் 20 – 22 கிரெடிட் மதிப்பெண்கள் பரிந்துரை செய்யப்பட்டுள்ளன. செமஸ்டர் 1, 2 மற்றும் 3 ஆகியவற்றில், மாணவர்கள் இயற்கை அறிவியல், சமூக அறிவியல், மனிதநேயம், கணிதம், கணக்கியல் சிந்தனை, பகுப்பாய்வு, தொழிற்கல்வி போன்ற பாடங்களை கற்றுக்கொள்கிறார். இவை கற்றலின் முக்கிய பகுதிகள் பற்றிய புரிதலை வளர்க்க முயற்சி செய்கின்றன.

செமஸ்டர் 4, 5 மற்றும் 6ல் அவர்கள் தாங்கள் விரும்பும் துறையை தேர்ந்தெடுத்து படிக்கிறார்கள். தொடர்ந் 7 மற்றும் 8வது செமஸ்டர்களில், நவீன inter-disciplinary படிப்புகள் குறித்த ஆராய்ச்சியை மேற்கொள்ளலாம் என்று தெரிவிக்கப்பட்டுள்ளது.

இதில் கூடுதலாக உள்ள சிறப்புகள் என்னவென்றால், புதிய கல்விக் கொகையில் 3 அல்லது 4 ஆண்டு காலம் கொண்ட இளநிலைப் படிப்புகளில் எந்த ஆண்டில் வேண்டுமானாலும் மாணவர்கள் வெளியேறலாம் எனக்கூறியுள்ளது.

உயர் கல்வியில் நெகிழ்வான பாடத்திட்டங்கள், பாடங்களின் ஆக்கபூர்வமான சேர்க்கைகள், தொழிற்கல்வி ஒருங்கிணைப்பு, தேவைப்படும் நேரத்தில் படிப்பை நிறுத்தி பொருத்தமான சான்றிதழ் பெறுதல், மீண்டும் படிக்க விருப்பப்படும்போது எளிதான சேர்க்கை, எனப் பரந்த அடிப்படையில் பன்முக முழுமையான இளநிலை பட்டக்கல்வியை இந்த தேசியக் கொள்கை வழங்குகிறது. இது புதிய கல்வி கொள்கையின் சிறப்பு.

அதன்படி, பட்டப் படிப்பின் கால அவகாசம் மாற்றப்பட உள்ளது. ஓராண்டு படித்து முடித்தால் இளநிலை சான்றிதழும், இரண்டு ஆண்டுகள் முடித்திருந்தால் டிப்ளமோ சான்றிதழும், 3 ஆண்டுகள் படிப்புக்குப் பிறகு இளநிலை டிகிரியும் வழங்கப்படும்.

எனினும் 4 ஆண்டு பல்துறை படிப்பே அதிகம் விரும்பப்படும் படிப்பாக இருக்கும். ஏனெனில் இதுவே முழுமையான மற்றும் பலதரப்பட்ட கல்வியின் முழு அளவிலான அனுபவத்தைப் பெறும் வாய்ப்பை அனுமதிக்கிறது.

இதற்கென முக்கியத்துவம் கொடுத்து, இளநிலை படிப்புகளுக்கான பாடத்திட்டம் மற்றும் கிரெடிட் கட்டமைப்பை (Curriculum and Credit Framework for Undergraduate Programmes) யுஜிசி உருவாக்கி உள்ளது.

இந்த 4 ஆண்டு கால இளநிலை படிப்பை முடித்த மாணவர்கள் நுழைவுத் தேர்வு எழுதி நேரடியாக பிஎச்டி சேரலாம் என்பன உட்பட பல்வேறு அம்சங்கள் இடம்பெற்றுள்ளன.