முதல்முறையாக ஏழாவது ஊதியக்குழு அடிப்படையில் போனஸ்: 12 லட்சம் ரயில்வே ஊழியர்களுக்கு 78 நாள்கள் சம்பள ஊக்கத்தொகை!
Published Oct 05, 2024 10:17 AM IST
முதல்முறையாக ஏழாவது ஊதியக்குழு அடிப்படையில் போனஸ் அதாவது 12 லட்சம் ரயில்வே ஊழியர்களுக்கு 78 நாள்கள் சம்பள ஊக்கத்தொகை வழங்கப்படவுள்ளதாக மத்திய அரசு அறிவித்துள்ளது.
முதல்முறையாக ஏழாவது ஊதியக்குழு அடிப்படையில் போனஸ்: 12 லட்சம் ரயில்வே ஊழியர்களுக்கு 78 நாள்கள் சம்பள ஊக்கத்தொகை!
சுமார் 12 லட்சம் ரயில்வே ஊழியர்களுக்கு முதல் முறையாக ஏழாவது ஊதியக் குழுவைப் பயன்படுத்தி 78 நாட்கள் சம்பளம் ஊதிய ஊக்கத்தொகையாக கிடைக்கும் என்று ரயில்வே துறை தெரிவித்துள்ளது.
இந்தியாவில் இருக்கும் மிகப்பெரிய பொதுத்துறை நிறுவனம் ரயில்வே துறை நிறுவனம் ஆகும். இதனை மத்திய அரசு தனது கட்டுப்பாட்டின் கீழ் வைத்திருந்து செயலாற்றி வருகிறது.
இந்நிலையில் ரயில்வே துறை நிறுவனம் சமீபத்தில் வெளியிடப்பட்ட செய்திக்குறிப்பின்படி, அரசு இதழில் பதிவுபெறாத ரயில்வே ஊழியர்கள் (Non-Gazetted Railway Employees) உடைய, ’சிறந்த செயல்திறனை’ அங்கீகரிக்கும் வகையில் உற்பத்தித் திறன் இணைக்கப்பட்ட போனஸை பெறுவார்கள் என மத்திய அரசு கூறியுள்ளது.