New Parliament: 'புதிய நாடாளுமன்றக் கட்டத்தில் இன்று முதல் கூட்டம்…!’ இவ்வுளவு வசதிகளா?

புதிய கட்டடத்தின் கட்டுமான பணிகளை டாடா ப்ராஜெக்ட்ஸ் நிறுவனம் மேற்கொண்டது.

புதிய பாராளுமன்ற கட்டிடத்தின் சில முக்கிய அம்சங்கள் இதோ…!

• புதியதாக கட்டப்பட்டுள்ள நாடாளுமன்ற கட்டடம் பழைய கட்டடத்தை விட விஸ்தாரமான அறைகளை கொண்டு வடிவமைக்கப்பட்டுள்ளது. 
• இந்தியாவின் தேசிய பறவையான மயிலை அடிப்படையாகக் கொண்டு, புதிய மக்களவை கட்டடம் 888 இருக்கைகளுடன் அமைக்கப்பட்டுள்ளது.
• தேசிய மலரான தாமரை கருப்பொருளை அடிப்படையாக கொண்டு மாநிலங்களவை 348 இடங்களை கொண்டு அமைக்கப்பட்டுள்ளது. 
• இரண்டு அவைகளின் கூட்டுக்கூட்டத்தை நடத்தும் வகையில் 1,272 இருக்கைகளுடன் அரங்கம் ஒன்றும் அமைக்கப்பட்டுள்ளது.
• இந்த கட்டடத்தின் ஆயுட்காலம் 150 ஆண்டுகளாக நிர்ணயம் செய்யப்பட்டுள்ளது.
• திருவாவடுதுறை ஆதீனம் சார்பில் வழங்கப்பட்ட செங்கோல் ஆனது மக்களவையில் சபாநாயகர் இருக்கை அருகே வைக்கப்பட்டுள்ளது.
• மக்களவை, மாநிலங்களவையை தவிர புதிய நாடாளுமன்ற வளாகத்தின் மையத்தில் 'அரசியலமைப்பு மண்டபம்' என்ற புதிய அமைப்பு ஏற்படுத்தப்பட்டுள்ளது. 
• இது முந்தைய கட்டிடத்தைப் போலவே வெளிப்புறத்திலும் அலுவலகங்களைக் கொண்டிருக்கும்.
• புதிய வளாகத்தில், அலுவலகங்கள் 'அதி-நவீன' பாணியில் வடிவமைக்கப்பட்டுள்ளன. சமீபத்திய தகவல் தொடர்பு தொழில்நுட்பங்கள் மற்றும் மிகவும் பாதுகாப்பானவையாக கட்டமைக்கப்பட்டுள்ளது.
• விவாதங்களின் தரத்தை கூட்டும் வகையில் நவீன முறையில் வடிவமைக்கப்பட்ட நூலகத்தை புதிய நாடாளுமன்றம் கொண்டுள்ளது.
• புதிய நாடாளுமன்றக் கட்டட்ட வளாகம் "பிளாட்டினம்-மதிப்பீடு செய்யப்பட்ட பசுமைக் கட்டிடம்" என்ற அங்கீகாரம் பெற்றுள்ளது.
• நாட்டின் பல்வேறு கலாச்சார பாரம்பரியத்தை மேம்படுத்துவதற்காக பல பிராந்திய கலைப்படைப்புகளையும் இது வழங்கும்.
• நாடாளுமன்றக் கட்டடத்தின் திறந்த முற்றத்தில் தேசிய மரமான ஆலமரமும் உள்ளது.