தமிழ் செய்திகள்  /  Nation And-world  /  Ed Issues 8th Summons To Delhi Cm Arvind Kejriwal

Arvind Kejriwal: டெல்லி முதல்வர் அரவிந்த் கெஜ்ரிவாலுக்கு அமலாக்கத்துறை 8வது சம்மன்

Manigandan K T HT Tamil
Feb 27, 2024 02:59 PM IST

மார்ச் 4-ம் தேதி அரவிந்த் கெஜ்ரிவால் நேரில் ஆஜராக வேண்டும் என்று அமலாக்கத் துறை சம்மன் அனுப்பியுள்ளது.

டெல்லி முதல்வர் அரவிந்த் கெஜ்ரிவால் கடந்த வாரம், நீதிமன்றம் உத்தரவிட்டால் மட்டுமே அமாலக்கத் துறை முன் ஆஜராகுவேன் என்று கூறினார்.(Raj K Raj/HT Photo)
டெல்லி முதல்வர் அரவிந்த் கெஜ்ரிவால் கடந்த வாரம், நீதிமன்றம் உத்தரவிட்டால் மட்டுமே அமாலக்கத் துறை முன் ஆஜராகுவேன் என்று கூறினார்.(Raj K Raj/HT Photo)

ட்ரெண்டிங் செய்திகள்

அரவிந்த் கெஜ்ரிவால் மார்ச் 4-ம் தேதி நேரில் ஆஜராக வேண்டும் என்று அமலாக்கத்துறை சம்மன் அனுப்பியுள்ளது.

திங்களன்று, கெஜ்ரிவால் ஏழாவது சம்மனைத் தவிர்த்தார், நீதிமன்றம் உத்தரவிட்டால் மட்டுமே அமலாக்க இயக்குநரகம் முன் ஆஜராவேன் என்று கூறினார்.

கடந்த சில மாதங்களாக அடுத்தடுத்த சம்மன்களைத் தவிர்த்ததற்காக கெஜ்ரிவால் மீது அமலாக்க இயக்குநரகம் டெல்லி நீதிமன்றத்தை நாடியுள்ளது.

காங்கிரஸ் தலைமையிலான I.N.D.I.A கூட்டணியில் இருந்து வெளியேற பாஜக தலைமையிலான மத்திய அரசு அழுத்தம் கொடுக்க விரும்புகிறது என்று ஆம் ஆத்மி கட்சி கூறியிருந்தது.

"இந்த விவகாரம் நீதிமன்றத்தில் உள்ளது, அடுத்த விசாரணை மார்ச் 16 ஆம் தேதிக்கு திட்டமிடப்பட்டுள்ளது. ஒவ்வொரு நாளும் இந்த சம்மன்களை அனுப்புவதற்கு பதிலாக, அமலாக்கத் துறை நீதிமன்றத்தின் உத்தரவுக்காக காத்திருக்க வேண்டும். நாங்கள் இந்திய தேசிய வளர்ச்சி உள்ளடக்கிய கூட்டணியை (I.N.D.I.A) விட்டு வெளியேற மாட்டோம், மத்திய அரசு எங்களுக்கு இந்த வழியில் அழுத்தம் கொடுக்கக்கூடாது" என்று அக்கட்சி கூறியது.

இந்த சம்மன் சட்டவிரோதமானது மற்றும் அரசியல் நோக்கம் கொண்டது என்று கூறிய கெஜ்ரிவால், கடந்த ஆண்டு நவம்பர் 2 மற்றும் டிசம்பர் 22 மற்றும் ஜனவரி 3, ஜனவரி 18, பிப்ரவரி 2 மற்றும் பிப்ரவரி 19 ஆகிய தேதிகளில் விசாரணை அமைப்பின் முன் ஆஜராகவில்லை.

கடந்த வாரம், டெல்லியின் ரூஸ் அவென்யூ நீதிமன்றம் அமலாக்க இயக்குநரக வழக்கு தொடர்பாக அரவிந்த் கெஜ்ரிவாலுக்கு மார்ச் 16 வரை தனிப்பட்ட முறையில் ஆஜராவதில் இருந்து விலக்கு அளித்தது. டெல்லி சட்டமன்றத்தின் பட்ஜெட் கூட்டத்தொடர் காரணமாக தன்னால் தனிப்பட்ட முறையில் கலந்து கொள்ள முடியாது என்று அவர் கூறியிருந்தார். நீதிமன்றத்தில் மெய்நிகர் முறையில் அவர் ஆஜரானார் என்பது குறிப்பிடத்தக்கது.

IPL_Entry_Point

டாபிக்ஸ்