தமிழ் செய்திகள்  /  தேசம் மற்றும் உலகம்  /  Delhi Excise Policy Case: ‘ஜூன் 2 சரணடைய வேண்டும், சிறையில் இருந்து பணியை தொடர்வேன்’-அரவிந்த் கெஜ்ரிவால்

Delhi Excise Policy Case: ‘ஜூன் 2 சரணடைய வேண்டும், சிறையில் இருந்து பணியை தொடர்வேன்’-அரவிந்த் கெஜ்ரிவால்

Manigandan K T HT Tamil
May 31, 2024 01:47 PM IST

டெல்லி முதல்வர் அரவிந்த் கெஜ்ரிவால் ஜூன் 2 ஆம் தேதி சரணடைந்து திகார் சிறைக்கு திரும்புவார். ஆளுங்கட்சியால் 'சித்திரவதை' செய்யப்படக்கூடும் என்று குற்றம்சாட்டிய அவர், சிறையிலும் டெல்லியின் வளர்ச்சிப் பணிகளைத் தொடர சூளுரைத்தார்.

Delhi Excise Policy Case: ‘ஜூன் 2 சரணடைய வேண்டும், சிறையில் இருந்து பணியை தொடர்வேன்’-அரவிந்த் கெஜ்ரிவால். (PTI Photo)
Delhi Excise Policy Case: ‘ஜூன் 2 சரணடைய வேண்டும், சிறையில் இருந்து பணியை தொடர்வேன்’-அரவிந்த் கெஜ்ரிவால். (PTI Photo)

ட்ரெண்டிங் செய்திகள்

டெல்லியில் செய்தியாளர்களிடம் பேசிய கெஜ்ரிவால், "தேர்தல் பிரச்சாரம் செய்ய உச்ச நீதிமன்றம் எனக்கு 21 நாட்கள் அவகாசம் அளித்தது. நாளை மறுநாள் நான் மீண்டும் திகார் சிறைக்கு செல்வேன். இந்த முறை இவர்கள் என்னை எவ்வளவு காலம் சிறையில் வைத்திருப்பார்கள் என்று தெரியவில்லை. ஆனால் என் உற்சாகம் அதிகமாக உள்ளது.

சர்வாதிகாரத்தில் இருந்து நாட்டை காப்பாற்ற சிறைக்கு செல்கிறேன் என்பதில் பெருமை கொள்கிறேன். அவர்கள் என்னை பல வழிகளில் உடைக்க முயன்றனர், என்னை மௌனமாக்க முயன்றனர், ஆனால் அவர்கள் (பாஜக) வெற்றி பெறவில்லை. நான் சிறையில் இருந்தபோது, அவர்கள் என்னை பல வழிகளில் சித்திரவதை செய்தனர். என் மருந்துகளை நிறுத்திவிட்டார்கள். இந்த மக்கள் என்ன விரும்பினார்கள் என்று எனக்குத் தெரியவில்லை. ஏன் இப்படிச் செய்தார்கள்?" என்று கேள்வி எழுப்பினார்.

"சித்திரவதை செய்யக்கூடும்"

ஜூன் 2 ஆம் தேதி பிற்பகல் 3 மணிக்கு சரணடைய தனது வீட்டை விட்டு வெளியேறுவேன் என்று கூறிய முதல்வர், ஆளும் கட்சி தன்னை சிறையில் மேலும் "சித்திரவதை செய்யக்கூடும்" என்று குற்றம் சாட்டினார். "இந்த முறை அவர்கள் என்னை மேலும் சித்திரவதை செய்யலாம், ஆனால் நான் தலைவணங்க மாட்டேன்... நான் எங்கு வாழ்ந்தாலும், உள்ளேயோ அல்லது வெளியேயோ நான் நானாகவே இருப்பேன்.

நான் சிறையில் இருந்தாலும் டெல்லியின் வளர்ச்சிப் பணிகள் நிறுத்தப்படாது. டெல்லியின் பணியை நிறுத்த விடமாட்டேன். உங்கள் இலவச மின்சாரம், மொஹல்லா கிளினிக்குகள், மருத்துவமனைகள், இலவச மருந்துகள், சிகிச்சை, 24 மணி நேர மின்சாரம் மற்றும் பல விஷயங்கள் தொடரும்.

திரும்பி வந்த பிறகு, ஒவ்வொரு தாய் மற்றும் சகோதரிக்கும் ஒவ்வொரு மாதமும் ரூ.1000 கொடுக்கத் தொடங்குவேன். இன்று, நான் என் குடும்பத்திற்காக உங்களிடம் ஒன்று கேட்க விரும்புகிறேன். என் பெற்றோர் மிகவும் வயதானவர்கள். அம்மாவுக்கு ரொம்ப உடம்பு சரியில்லை. சிறையில் அவரைப் பற்றி நான் மிகவும் கவலைப்படுகிறேன். எனக்குப் பிறகு என் பெற்றோரை கவனித்துக் கொள்ளுங்கள், அவர்களுக்காக பிரார்த்தனை செய்யுங்கள்..."என்று அவர் மேலும் கூறினார்.

இடைக்கால ஜாமீன்

கெஜ்ரிவால் தனது இடைக்கால ஜாமீனை ஏழு நாட்கள் நீட்டிக்க வேண்டும் என்று கோரியுள்ளார், பி.இ.டி-சி.டி ஸ்கேன் உட்பட பல மருத்துவ சோதனைகளுக்கு உட்படுத்தப்பட வேண்டும், ஏனெனில் அவரது "திடீர் மற்றும் விவரிக்கப்படாத எடை இழப்பு மற்றும் அதிக கீட்டோன் அளவுகள்" சிறுநீரகம், கடுமையான இதய நோய்கள் மற்றும் புற்றுநோயைக் கூட குறிக்கின்றன.

இருப்பினும், மதுபான கொள்கை வழக்கில் தனது இடைக்கால ஜாமீனை ஏழு நாட்கள் நீட்டிக்கக் கோரிய அரவிந்த் கெஜ்ரிவாலின் மனுவை உச்ச நீதிமன்றம் நிராகரித்தது. இந்த மனுவை ஏற்க மறுத்த நீதிபதிகள், வழக்கமான ஜாமீன் கோரி விசாரணை நீதிமன்றத்தை அணுக கெஜ்ரிவாலுக்கு சுதந்திரம் வழங்கப்பட்டுள்ளதால், இந்த மனு ஏற்கத்தக்கதல்ல என்று கூறியது. 

கலால் கொள்கை ஊழல் வழக்கில் டெல்லி முதல்வர் மீது ஊழல், பணமோசடி குற்றச்சாட்டு உள்ளது. 2021-22 ஆம் ஆண்டிற்கான டெல்லி அரசாங்கத்தின் இப்போது ரத்து செய்யப்பட்ட கலால் கொள்கையை உருவாக்கி செயல்படுத்துவது தொடர்பானது இந்த குற்றச்சாட்டுகள்.

டி20 உலகக் கோப்பை 2024

டாபிக்ஸ்