1960க்கு பிறகு சரிவில் சீனா மக்கள் தொகை...முதல் இடத்துக்கு முன்னேறும் இந்தியா
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  தேசம் மற்றும் உலகம்  /  1960க்கு பிறகு சரிவில் சீனா மக்கள் தொகை...முதல் இடத்துக்கு முன்னேறும் இந்தியா

1960க்கு பிறகு சரிவில் சீனா மக்கள் தொகை...முதல் இடத்துக்கு முன்னேறும் இந்தியா

Muthu Vinayagam Kosalairaman HT Tamil Published Jan 18, 2023 07:44 AM IST
Muthu Vinayagam Kosalairaman HT Tamil
Published Jan 18, 2023 07:44 AM IST

China Population Declines: கடந்த 1960களுக்கு பிறகு சீனாவின் மக்கள் தொகை முதல் முறையாக சரிவை கண்டுள்ள நிலையில், அதிக மக்கள் தொகை கொண்ட நாடுகளின் பட்டியலில் முதல் இடத்தை முன்னேறியுள்ளது.

சரிவை சந்தித்து வரு சீனா மக்கள் தொகை (கோப்புப்படம்)
சரிவை சந்தித்து வரு சீனா மக்கள் தொகை (கோப்புப்படம்)
Share on Whatsappஎங்களை பின் தொடரலாம்
  • Share on Twitter
  • Share on Facebook

உலக அளவில் அதிக மக்கள் தொகை நாடாக கடந்த 60 ஆண்டுகளுக்கும் மேலாக சீனா இருந்து வந்தது. இதையடுத்து அந்த நாட்டின் மக்கள் தொகை 1960களுக்கு பிறகு சரிவை சந்திக்க தொடங்கியுள்ளது.

இதுதொடர்பாக சீனாவின் தேசிய புள்ளிவிவர நிறுவனம் வெளியிட்டுள்ள அறிக்கையில், " சீனாவின் மக்கதொகை 2022ஆம் ஆண்டில் 141.18 கோடி என இருந்தது. இது 2021ஆம் ஆண்டை ஒப்பிடுகையில் 8.50 லட்சம் வரை குறைவாக உள்ளது.

2021ஆம் ஆண்டில் 1.06 கோடியாக இருந்த குழந்தை பிறப்புகளின் எண்ணிக்கை கடந்த 2022இல் 95.6 லட்சமாக குறைந்துள்ளது. அதேபோல் பிறப்பு விகதமும் 1000 பேருக்கு 7.52 என்று இருந்த விகிதம் 6.77 என குறைந்துள்ளது. அதேபோல் இறப்பு விகிதமானது 7.37 என இருந்துள்ள நிலையில், 0.6 சதவீதம் அதிகமாகியுள்ளது.

தற்போது நாடுமுழுவதும் வேலை செய்யு வயதான 16 முதல் 59 வயதை சேர்ந்தவர்கள் 87.56 கோடி பேர் வசிக்கிறார்கள். இது மொத்த மக்கள்தொகையில் 62 சதவீதமாக உள்ளது. 28 கோடி பேர் 60 வயதுக்கு மேற்பட்டவர்களாக உள்ளார்கள். இது மக்கள்தொகையில் 19.8 சதவீதமாக உள்ளது" என அறிக்கையில் குறிப்படப்பட்டுள்ளது.

முன்னதாக, பெருகி வந்த மக்கள் தொகையை கட்டுப்படுத்துவதற்கு ஒரு குழந்தைகளுக்கு மேல் பெற்றுகொள்ள கூடாது என கட்டுப்பாடுகள் இருந்து வந்தன. இதன் விளைவாக பிறப்பு விகிதம் குறைந்தாலும், வயோதிகர்கள் விகிதாச்சாரம் அதிகரித்தது.

அத்துடன் வேலை செய்பவர்களின் எண்ணிக்கை குறைந்து வருவது நாட்டின் வளர்ச்சிக்கு பெரும் தடையாக இருப்பது சீனா அரசுக்கு கவலையை ஏற்படுத்தியது.

இதனால் தம்பதிகள் குழந்தைகள் பெற்றெடுக்கும் கொள்கையில் தளர்வுகளை அளிக்க தொடங்கியது. அதில் சிறுபான்மை இனத்தவருக்கு இந்த கட்டுப்பாடில் இருந்து விதிவிலக்கு அளிக்கப்பட்டது. பின் 2021இல் குழந்தை பெற்றுக்கொள்ளும் விஷயத்தில் விதிக்கப்பட்ட அனைத்து தடைகளையும் நீ்க்கியது.

இருப்பினும் குழந்தை பிறப்பு விஷயத்தில் விதிக்கப்பட்டிருந்த தடை காரணமாக 60 ஆண்டுகளுக்கு பிறகு சீனா மக்கள் தொகை சரிவை சந்தித்துள்ளது. சீனாவின் மக்கள் தொகை சரிவினால் இந்தியாவின் மக்கள் தொகை முன்னேற்றம் கண்டுள்ளது.

தற்போது இந்தியாவின் மக்கள் தொகை 141 கோடியை கடந்துள்ளது. இரு நாடுகளுக்கு இடையே மக்கள் தொகையில் சில லட்சங்களே வித்தியாசம் உள்ள நிலையில், உலகின் அதிக மக்கள் தொகை கொண்ட நாடுகளில் இந்தியா முதல் இடத்துக்கு முன்னேறுவதற்கான சூழலும் உருவாகியுள்ளது.