Budget 2025: திருமணம் ஆன தம்பதிகளுக்கு புதிய வரிமுறையை அறிமுகம் செய்ய ICAI பரிந்துரை! பட்ஜெட்டில் அறிவிப்பு வெளியாகுமா?
Budget 2025: திருமணம் ஆன தம்பதிகளுக்கு விதிக்கப்படும் கூட்டு வரிமுறை, அமெரிக்கா மற்றும் இங்கிலாந்து போன்ற நாடுகளில் ஏற்கனவே நடைமுறையில் உள்ளது. இது போன்றே இந்தியாவிலும் திருமணமான தம்பதிகள், தங்கள் வருமானத்தை வரிச்சலுகைக்காக இணைப்பதற்கான விருப்பத்தை இந்த வரிமுறை வழங்குகிறது.
திருமணம் ஆன தம்பதிகளுக்கு கூட்டு வரி விதிப்பு முறையை நடைமுறைப்படுத்த மத்திய அரசுக்கு இந்திய பட்டய கணக்காளர்கள் நிறுவனம் (ICAI) பரிந்துரை செய்து உள்ளது.
இன்று தாக்கல் ஆகும் பட்ஜெட்
இன்றைய தினம் காலை 11 மணிக்கு நாடாளுமன்ற மக்களவையில் 8வது முறையாக நிர்மலா சீதாராமன் பட்ஜெட்டை தாக்கல் செய்ய உள்ளார். தேசிய ஜனநாயக கூட்டணி ஆட்சியில் இதுவரை 6 முழு பட்ஜெட் மற்றும் 2 இடைக்கால பட்ஜெட்டுகளை அவர் தாக்கல் செய்து உள்ளார்.
பட்ஜெட் உரையின் போது, வரவிருக்கும் நிதியாண்டிற்கான பட்ஜெட் ஒதுக்கீடுகள் மற்றும் வருவாய் எதிர்பார்ப்புகளை நிர்மலா சீதாராமன் மக்களவையில் கோடிட்டுக் காட்டுவார். கீழ்சபையில் பட்ஜெட் உரை நடந்து முடிந்த பிறகு, பட்ஜெட் ஆவணங்கள் மாநிலங்களவையில் தாக்கல் செய்யப்படும். பட்ஜெட் தாக்கல் செய்யப்படுவதையொட்டி தேசிய பங்குச்சந்தை மற்றும் மும்பை பங்குச்சந்தைகள் இன்று வழக்கம் போல் செயல்படும் என அறிவிக்கப்பட்டு உள்ளது.