மராத்தியில் பேசாததால் கடை உரிமையாளரை தாக்கிய எம்என்எஸ் தொண்டர்கள்; எப்.ஐ.ஆர்., பதிவு

அவர்கள் கடையில் இருந்தபோது, அவர்களில் ஒருவர் உரிமையாளரிடம் இந்தியில் பேசிய பிறகு, "மாநிலத்தில் எந்த மொழி பேசப்படுகிறது" என்று கேட்டார். உரிமையாளர் "அனைத்து மொழிகளிலும்" என்று பதிலளித்ததாக பி.டி.ஐ செய்தி நிறுவனம் தெரிவித்துள்ளது. இது அந்த நபருக்கு எரிச்சலை ஏற்படுத்தியது. கூச்சலிட்ட அவர், தன் தோழர்களுடன் சேர்ந்து பலமுறை அறைந்தார். உரிமையாளர் புகார் அளித்தார், அதன் பின்னர் காஷிமிரா போலீசார் அடையாளம் தெரியாத நபர்கள் மீது பாரதிய நியாய சன்ஹிதாவின் (பி.என்.எஸ்) பல்வேறு பிரிவுகளின் கீழ் எஃப்.ஐ.ஆர் பதிவு செய்தனர்.

இந்த வழக்கு குறித்து விசாரணை நடந்து வருவதாக அதிகாரி ஒருவர் தெரிவித்தார். ராஜ் தாக்கரே தலைமையிலான எம்.என்.எஸ் மாநிலத்தில் மராத்தி மொழியைப் பயன்படுத்துவதை வெளிப்படையாக ஆதரித்து வருகிறது. முன்னதாக, மாநிலத்தின் பள்ளிகளில் இந்தி, ஆங்கிலம் மற்றும் மராத்தி மொழிகளை கற்பிப்பதை கட்டாயப்படுத்தும் கொள்கைக்கு எதிராக ஜூன் 28 அன்று மும்பையில் ஒரு பெரிய போராட்டத்தை நடத்தியது. இந்தியை கட்டாயமாக்குவது என்ற பேச்சுக்கே இடமில்லை. ஏனென்றால் இந்தி தேசிய மொழி அல்ல" என்று தாக்கரே தனது எக்ஸ் பதிவில் எழுதினார். "ஆனால் இதுபோன்ற ஒரு நிர்பந்தம் மகாராஷ்டிராவின் மீது திணிக்கப்பட்டபோது, நாங்கள் எங்கள் குரலை உயர்த்தினோம், அதை தொடர்ந்து உயர்த்துவோம்" என்று அவர் மேலும் கூறினார்.