வகையினம்

தமிழ் செய்திகள் / லைஃப்ஸ்டைல் / Zinc Deficiency : உங்கள் உடலில் சிங்க் சத்துக்கள் குறைந்தால் என்ன ஆகிறது பாருங்க! கவனம் கட்டாயம் தேவை!

Zinc Deficiency : உங்கள் உடலில் சிங்க் சத்துக்கள் குறைந்தால் என்ன ஆகிறது பாருங்க! கவனம் கட்டாயம் தேவை!

Priyadarshini R HT Tamil Updated Jun 08, 2024 08:37 AM IST

எங்களை பின் தொடரலாம்

Priyadarshini R HT Tamil

Updated Jun 08, 2024 08:37 AM IST

Zinc Deficiency : உங்கள் உடலில் சிங்க் சத்துக்கள் குறைந்தால் என்ன ஆகிறது பாருங்கள். மக்கள் பெரும்பாலும் தங்கள் உடலில் சிங்க் சத்து குறைபாட்டால் ஏற்படும் இந்த பிரச்னைகள் குறித்து கவனிக்க மாட்டார்கள்.

Zinc Deficiency : உங்கள் உடலில் சிங்க் சத்துக்கள் குறைந்தால் என்ன ஆகிறது பாருங்க! கவனம் கட்டாயம் தேவை!

எங்களை பின் தொடரலாம்

நாளொன்றுக்கு நமது உடலுக்கு 8 முதல் 10 மில்லி கிராம் வரை சிங்க் சத்துக்கள் தேவைப்படும்

நமது உடலின் பல்வேறு இயக்கங்களுக்கு சிங்க் சத்துக்கள் மிகவும் முக்கியமானதாகக் கருதப்படுகிறது. இது குறைவதால், பல்வேறு உடல் உபாதைகள் ஏற்படுகிறது. உங்கள் உடலில் சிங்க் சத்துக்கள் குறைந்தால் என்னென்ன பிரச்னைகள் ஏற்படுகிறது பாருங்கள்.

அடிக்கடி தொற்றுகள்

உங்கள் உடலில் சிங்க் சத்துக்கள் குறைபாடு ஏற்பட்டால், அது உங்களுக்கு அடிக்கடி தொற்றுக்களை ஏற்படுத்தும். இதனால் உங்களின் நோய் எதிர்ப்பு மண்டலம் வலுவிழக்கும். உங்கள் நோய் எதிர்ப்பு செல்கள் திறம்பட செயல்பட சிங்க் சத்துக்கள் முக்கிய பங்கு வகிக்கின்றன. அது குறைந்தால், உடல் பாக்டீரியா மற்றும் வைரஸ் தொற்றுக்களை எதிர்த்து போராட சிரமப்படும்.

காயங்கள் ஆறுவதில் தாமதம்

உங்கள் உடலுக்கு சிங்க் சத்துக்கள் மிகவும் அவசியமானது. அவைதான் உடலில் செல்களின் பகுப்பு மற்றும் புரதச்சத்துக்கள் உருவாக முக்கிய காரணமாக உள்ளது. இவைதான் காயங்களை விரைந்து குணமாக்கும் தன்மை கொண்டது. இந்த சத்து குறைவது, காயங்கள் ஆறுவதற்கு நீண்ட காலம் எடுக்கவைக்கும். காயங்களால் தொற்றுகள் ஏற்படுவதற்கும் வழிவகுக்கும்.

முடி உதிர்வு

உங்கள் உடலில் சிங்க் சத்துக்கள் குறைந்தால், அது தலைமுடி உதிர்வுக்கு வழிவகுத்து, தலைமுடி அடர்த்தியைக் குறைக்கும். சிங்க் சத்துக்கள் டிஎன்ஏ மற்றும் ஆர்என்ஏ உற்பத்திக்கு மிகவும் அவசியம். இது தலைமுடி ஆரோக்கியத்துக்கு மிகவும் அவசியம். போதிய சிங்க் சத்துக்கள் இல்லாவிட்டால், உங்களின் தலைமுடி வளர்ச்சி பாதிக்கப்படும். முடி உதிர்வு அதிகரிக்கும்.

பசியின்மை

உங்கள் உடலில் சிங்க் சத்துக்கள் குறைந்தால், அது உங்களின் சுவை மற்றும் நறுமண அரும்புகளை பாதிக்கும், இதனால் உங்களுக்கு பசி ஏற்படாது. மேலும் இது ஒரு சுழற்சிபோல் உங்களுக்கு ஏற்படும். பசியில்லாவிட்டால் நீங்கள் அதிகம் சாப்பிடமாட்டீர்கள். விளைவு மீண்டும் சிங்க் உட்கொள்ளும் அளவு குறையும்.

சரும பிரச்னைகளை

சருமத்தில் ஏற்படும் ரேஷஸ்கள், முகப்பருக்கள் மற்றும் மற்ற சரும கோளாறுகளும், உங்கள் உடலில் சிங்க் சத்துக்கள் குறைந்தால் ஏற்படும். உங்கள் உடலின் சரும ஆரோக்கியத்தை அதிகரிக்க சிங்க் சத்து மிக முக்கியமானது. இது குறையும்போது, உங்கள் உடலின் வழக்கமான இயக்கம் தடைபடும். உடல் செல்கள் சேதமடையும்.

மனநிலை மாற்றம்

உங்கள் உடலில் சிங்க் சத்துக்கள் குறைந்தால், அது உங்கள் மூளையின் இயக்கத்தை பாதிக்கும். இதனால் உங்களுக்கு மனநிலையில் மாற்றங்கள் ஏற்படும். அவை மனஅழுத்தம், பயம் மற்றும் பதற்றமாக இருக்கும். சிங்க் சத்துக்கள், நரம்பியல் இயக்கம் மற்றும் ஹார்மோன்கள் சமநிலையில் தொடர்புடையது, இது உங்கள் மனஆரோக்கியத்துக்கு சிறந்தது.

நினைவாற்றல் இழப்பு

சிங்க் சத்துக்கள் மூளை ஆரோக்கியத்துக்கு மிகவும் முக்கியம். இது நினைவாற்றல் இயக்கத்துடனும் தொடர்புடையது. உங்கள் உடலில் சிங்க் சத்துக்கள் குறைந்தால், அது உங்களுக்கு நினைவாற்றல் பிரச்னைகளை ஏற்படுத்தும். மேலும் கவனித்தல் மற்றும் கற்றல் குறைபாடு என ஒட்டுமொத்த மூளையின் திறன்களையும் குறைக்கும். இதன்மூலம் உங்கள் வாழ்க்கையின் தரம் பாதிக்கப்படும்.

ஆரோக்கியமான நோய் எதிர்ப்பு மண்டலத்தை பாராமரிக்க சிங்க் சத்துக்கள் அவசியம்

உங்கள் உடலின் நோய் எதிர்ப்பு செல்களை அதிகரிக்கவும், இயங்கவும் சிங்க் சத்துக்கள் உதவுகின்றன. உங்களுக்கு போதிய சிங்க் சத்துக்கள் இருந்தால், அது உங்களுக்கு சளி, இருமல் மற்றும் தொற்றுகளின் அளவு மற்றும் காலத்தையும் குறைக்கும்.

காயங்களை குணப்படுத்த சிங்க் முக்கியமானது

சிங்க் சத்துக்கள் செல் வளர்ச்சி, கொலஜென் உற்பத்தி மற்றும் வீக்கம் குறைவது என இத்தனைக்கும் பலனிஅளிக்கிறது. கூடுதலாக, திசுக்களை சரிசெய்கிறது. இது சிங்க் சத்தின் முக்கிய பணியாகும். சிங்க் குறைபாடு உள்ளவர்களுக்கு காயங்கள் தாமதமாகவே குணமாகும். தொற்றுக்களுக்கு அதிகம் ஆளாவார்கள்.

டிஎன்ஏ உருவாகவும், செல் பகுப்புக்கும் சிங்க் சத்துக்கள் அவசியம்

சிங்க் சத்துக்கள், மரபணு பொருட்கள் உற்பத்தி மற்றும் இயக்கத்துக்கு மிகவும் அவசியமாக உள்ளது. இது செல்களை சரிசெய்வதில் முக்கிய பங்கு வகிக்கிறது. குறிப்பாக கர்ப்ப காலத்தில் இதன் பங்கு மிகவும் முக்கியமானது. குழந்தைப்பருவம் மற்றும் விடலைப்பருவத்தில் இந்த சத்து உடலுக்கு மிகவும் அவசியம்.

சிங்க் மனித உடலில் 300க்கும் மேற்பட்ட எண்சைம்களுக்கு உபகாரணியாக உள்ளது

இந்த எண்சைம்கள், செரிமானம், உடல் வளர்சிதை மற்றும் நரம்பியல் இயக்கங்களுக்கு காரணமாக உள்ளன. போதிய அளவு சிங்க் சத்துக்கள் இல்லாமல், உடலின் இந்த முக்கிய இயக்கங்கள் தடைபடும் அல்லது பாதிக்கப்படும்.

சுவை, மண உணர்வுகளை தருவதற்கு சிங்க் சத்துக்கள் தேவை

சுவை மற்றும் மண உணர்வுகள் ஏற்படுவதற்கு சில புரதங்களின் உற்பத்தி மிகவும் அவசியம் ஆனும். சிங்க் சத்துக்கள் குறைவது, சுவை மற்றும் மண உணர்வுகளை இழக்கச் செய்து, பசியின்மையை ஏற்படுத்தி, உடலுக்கு போதிய ஊட்டச்சத்துக்கள் கிடைக்கவிடாமல் செய்யும். எனவே சிங்க் சத்துக்கள் உடலுக்கு இந்த உணர்வுகளை இழக்காமல் இருப்பதற்கு மிகவும் அவசியம் ஆகும்.