உங்களுக்கு புத்துணர்வு தரும் பானம் இனி தேங்காய்ப்பால் காபி! ஆரோக்கியமும் அதிகம்! இதோ ரெசிபி!

தேவையான பொருட்கள்

தேங்காய்ப் பால் – ஒரு கப்

(அரை கப் தேங்காய் துருவலை மிக்ஸியில் சிறிது தண்ணீர் சேர்த்து அரைத்து சாறு பிழிந்து எடுத்துக்கொள்ளவேண்டும். அதனுடன், சிட்டிகை ஏலக்காய்ப்பொடி தேவைப்பட்டால் கலந்துகொள்ளலாம். அது தேங்காய்ப்பாலின் சுவையை அதிகரித்துக்காட்டும்)

காபித்தூள் – ஒரு ஸ்பூன்

கொதிக்கும் தண்ணீர் – அரை கப்

சிம்பிள் சிரப் – 2 டேபிள் ஸ்பூன்

(சிம்பிள் சிரப் என்றால் தண்ணீரையும் சர்க்கரையையும் நன்றாக அடித்து கலந்துவைத்துக்கொள்ளும் ஒரு கலவைதான். இதை நீங்கள் வீட்டிலேயே எளிதாகச் செய்ய முடியும். கால் டம்ளர் தண்ணீரில் 2 ஸ்பூன் சர்க்கரையை கலந்து வைத்துக்கொள்ளவேண்டும். தேவைப்படும் இடங்களில் பயன்படுத்திக்கொள்ளலாம்)

செய்முறை

ஒரு டம்ளரில் காபித்தூள் மற்றும் சூடான தண்ணீரை சேர்த்து நன்றாக அடித்துக்கொள்ள வேண்டும். அதில் சிம்பிள் சிரப் உங்களுக்கு தேவையான அளவு சேர்த்துக்கொள்ளவேண்டும். அனைத்தையும் கலந்துகொள்ளவேண்டும். அதில் தேங்காய்ப்பாலை கலந்து பருகினால் சூப்பர் சுவையில் தேங்காய்ப்பால் காபி தயார்.

இதை ஐஸ்கட்டிகளுடன் பரிமாற வெயிலும் குளுமையாகும். உடலுக்கும் ஆரோக்கியம் கிடைக்கும். ஐஸ்கட்டிகளை விரும்பாதவர்கள் அவற்றை தவிர்த்துவிடலாம். உங்களுக்கு உடலுக்கு எண்ணற்ற நன்மைகளையும், உற்சாகத்தையும் தரும் இந்த பானத்தை அடிக்கடி உணவில் சேர்த்துக்கொள்ளுங்கள்.

இதுபோன்ற வித்யாசமான ரெசிபிக்கள், பாரம்பரிய ரெசிபிக்கள் உள்ளிட்ட பல்வேறு ரெசிபிக்கள், ஆரோக்கிய குறிப்புகள் மற்றும் எண்ணற்ற தகவல்களை ஹெச்.டி தமிழ் உங்களுக்காக தொகுத்து வழங்கி வருகிறது. எனவே இவற்றை தெரிந்துகொள்ள நீங்கள் எங்கள் இணைய பக்கத்தில் இணைந்திருங்கள். படித்து பலன்பெறுங்கள். ஆரோக்கியமான வாழ்வு வாழ வாழ்த்துக்கள்.