Yellow Teeth : பற்களில் ஏற்படும் மஞ்சள் கறையை அடித்து விரட்டவேண்டுமா? இதோ வீட்டிலே கிடைக்கும் தீர்வுகள்!
Yellow Teeth : பற்களில் ஏற்படும் மஞ்சள் கறையை அடித்து விரட்டவேண்டுமா? இதோ வீட்டிலேயே கிடைக்கும் தீர்வுகளைப் பாருங்கள். உங்களுக்கு மிகவும் எளிதாக இருக்கும்.
பற்களில் ஏற்படும் மஞ்சள் கறையை அடித்துவிரட்ட வேண்டுமெனில், நீங்கள் மருத்துவரிடம் சென்று அல்லல்படவேண்டாம். வீட்டிலே சில எளிய வழிமுறைகளைப் பின்பற்றி உங்களில் பற்களில் உள்ள மஞ்சள் கறைகளை நீக்கலாம். அது எப்படி என்று தெரிந்துகொள்ளலாம் பாருங்கள். உங்கள் பற்களில் படியும் மஞ்சள் கறை உங்களின் தன்னம்பிக்கையை பாதிக்கும். இதனால் உங்களால் சில விஷயங்களை செய்ய முடியாமல் போகலாம். எவ்வித பக்கவிளைவுகளுமின்றி வீட்டிலேயே சில குறிப்புக்களை பின்பற்றி உங்கள் பற்களை பளபளப்பாக்கலாம். இதனால் நாளைடைவில் உங்கள் பற்கள் பளபளப்பாகும் என்று கூறப்படுகிறது. உங்கள் பற்களில் உள்ள மஞ்சள் கறையைப் போக்கும் இயற்கை வழிகளை தெரிந்துகொள்ளுங்கள்.
பேக்கிங் சோடா மற்றும் எலுமிச்சைசாறு பேஸ்ட்
பேக்கிங் சோடா உங்கள் பற்களை வெண்மையாக்கும் இயற்கை நிவாரணி, இதை நீங்கள் எலுமிச்சையுடன் கலந்து உங்கள் பற்களில் தேய்க்கும்போது, அது வினைபுரிந்து உங்கள் பற்களின் அடியில் படிந்திருக்கும் விடாப்பிடியாக கறைகளையு போக்க உதவுகிறது. இதை கலந்து நீங்கள் உங்கள் பற்களில் மெதுவாக தேய்க்கவேண்டும். ஆனால் இதை அதிகம் பயன்படுத்தக்கூடாது. எலுமிச்சையில் உள்ள அமிலங்கள் உங்கள் பற்களின் எனாமலை சேதப்படுத்தும்.
தேங்காய் எண்ணெயில் ஆயில் புல்லிங்
ஆயில் புல்லிங் என்றால் எண்ணெயை ஊற்றி கொப்பளிப்பது, இது வாய் முதல் வயிறு வரை உள்ள கழிவுகளை அகற்ற உதவும் பாரம்பரிய ஆயுர்வேத முறை. இதுவும் பற்களின் அடியில் படிந்திருக்கும் கறைறை போக்க உதவும். ஒரு ஸ்பூன் தேங்காய் எண்ணெயை வாயில் ஊற்றி 10 முதல் 15 நிமிடங்கள் கொப்பளிக்கவேண்டும். இது உங்கள் வாயில் உள்ள அனைத்து பகுதிகளையும் தொடவேண்டும் என்பதை உறுதிசெய்யுங்கள். இதை முடித்துவிட்டு, இளஞ்சூடான தண்ணீரில் மீண்டும் வாயை கொப்பளிக்க வேண்டும்.