புற்றுநோயால் பாதிக்கப்பட்ட குழந்தைகளுக்கு மருந்து வழங்கும் உலக சுகாதார நிறுவனம்! எந்தெந்த நாடுகளுக்கு தெரியுமா?
உலகில் பல்லாயிரக்கணக்கான மக்கள் புற்றுநோயால் பாதிக்கப்பட்டு வருகின்றனர். அதில் குழந்தைகளும் அடங்குவார்கள். இதனை உணர்ந்த உலக சுகாதார நிறுவனம் தற்போது ஏழை நாட்டில் புற்றுநோயால் பாதிக்கப்பட்ட குழந்தைகளுக்கு மருந்து வழங்கும் திட்டத்தை தொடங்கியுள்ளது.
உலக சுகாதார நிறுவனம்(WHO), குறைந்த வருமானம் கொண்ட நாடுகளில் உள்ள ஆயிரக்கணக்கான குழந்தைகளுக்கு இலவச புற்றுநோய் மருந்துகளை வழங்குவதற்காக ஒரு புதிய சேவை அல்லது தளத்தை அறிமுகப்படுத்தியுள்ளது. முதல் கட்ட நடவடிக்கையாக WHO இவற்றை குறைந்த மற்றும் நடுத்தர வருமானம் கொண்ட நாடுகளுக்கு என வரையறுக்கிறது. இதன் அடிப்படையில் தற்போது மருந்துகள் மங்கோலியா மற்றும் உஸ்பெகிஸ்தானுக்கு வழங்கப்பட உள்ளன. இந்த திட்டத்தின் சோதனை அல்லது முன்னோட்டத்தின் ஒரு பகுதியாக, அடுத்த ஏற்றுமதிகள் ஈக்வடார், ஜோர்டான், நேபாளம் மற்றும் சாம்பியாவுக்குச் செல்லும் என்று WHO தெரிவித்துள்ளது.
புற்றுநோயால் பாதிக்கப்பட்ட குழந்தைகள்
மருந்து சிகிச்சைகள் இந்த ஆண்டு ஆறு நாடுகளில் உள்ள குறைந்தது 30 மருத்துவமனைகளில் புற்றுநோயால் பாதிக்கப்பட்ட சுமார் 5,000 குழந்தைகளை சென்றடையும் என்று எதிர்பார்க்கப்படுகிறது. "முதற்கட்ட கட்டத்தில் உள்ள நாடுகள் தரமான உறுதி செய்யப்பட்ட குழந்தை பருவ புற்றுநோய் மருந்துகளை இலவசமாக தடையின்றி வழங்கும்" என்று ஐ.நா. சுகாதார நிறுவனம் ஒரு அறிக்கையில் தெரிவித்துள்ளது.
குறைந்த மற்றும் நடுத்தர வருமான நாடுகளில் புற்றுநோய் பாதிக்கப்பட்ட குழந்தைகளின் உயிர்வாழ்வு விகிதங்கள் பெரும்பாலும் 30 சதவீதத்திற்கும் குறைவாகவே இருப்பதாக WHO தெரிவித்துள்ளது. இது பணக்கார நாடுகளில் சுமார் 80 சதவீத உயிர்வாழ்வு விகிதங்களுடன் ஒப்பிடுகிறது.