Tamil News  /  Lifestyle  /  Women Weightloss Tips: Women Beware.. Family Benefits Hidden In Your Health!

Women Weightloss Tips: பெண்களே எச்சரிக்கை.. உங்கள் ஆரோக்கியத்தில் ஒளிந்திருக்கும் குடும்ப நலன்!

Pandeeswari Gurusamy HT Tamil
Jan 25, 2024 07:45 AM IST

பெண்களே எப்போதும் குடும்பத்தினர் அனைவருக்கும் தேவையான விஷயங்களுக்கு முன்னுரிமை கொடுத்து விட்டு உங்களுக்கு தேவை என்ற விஷயத்தை மட்டும் தள்ளிப்போடும் நபரா நீங்கள். அப்ப இதை தெரிஞ்சுக்கோங்க.

பெண்களே எச்சரிக்கை.. உங்கள் ஆரோக்கியத்தில் ஒளிந்திருக்கும் குடும்ப நலன்!
பெண்களே எச்சரிக்கை.. உங்கள் ஆரோக்கியத்தில் ஒளிந்திருக்கும் குடும்ப நலன்!

ட்ரெண்டிங் செய்திகள்

நாற்பது வயதுக்குப் பிறகு பெண்களின் உடலில் பல மாற்றங்கள் ஏற்படுகின்றன. ஹார்மோன் சமநிலையிலும் வேறுபாடுகள் உள்ளன. இதனால் கொழுப்பு எரியும் செயல்முறையை மெதுவாக்குகிறது. அதனால்தான் பெண்கள் நாற்பது வயதிற்குப் பிறகு விரைவாக உடல் எடையை அதிகரிப்பதாகத் தெரிகிறது. சில டிப்ஸ்களை பின்பற்றினால் கொழுப்பை குறைக்கலாம்.

பெண்களுக்கு வயதாகும்போது தசை நிறை குறைகிறது. இது வளர்சிதை மாற்றத்தை குறைக்கிறது. அதனால்தான் அவர்கள் விரைவாக உடல் எடையை அதிகரிக்கிறார்கள்.

உடற்பயிற்சி

சிறிய எடையை தூக்குவது போன்ற பயிற்சிகளை செய்தால் நல்லது. இது தசை பராமரிப்பில் முக்கிய பங்கு வகிக்கிறது. இது வளர்சிதை மாற்றத்தையும் துரிதப்படுத்துகிறது. அதிக தீவிர இடைவெளி பயிற்சி கொழுப்பை வேகமாக எரிக்கிறது. இது வளர்சிதை மாற்ற விகிதத்தையும் அதிகரிக்கிறது. உடற்பயிற்சி நிபுணரின் வழிகாட்டுதலின் கீழ் இதைச் செய்வது சிறந்தது. உடலில் ஏற்கனவே சில பிரச்சனை இருப்பவர்கள் மருத்துவ ஆலோசனையின் பெயரில் அதை செய்து கொள்ளலாம்.

குறைந்த பட்சம் நாள் ஒன்றுக்கு ஒரு மணி நேரம் ஒதுக்கி பொதுவான நடைபயிற்சி, ஓட்டப்பயிற்சி யோகா போன்ற உடலுக்கு புத்துணர்ச்சி ஊட்டும் ஏதோ ஒரு பயற்சியை மேற்கொள்வது நல்லது.

தூக்கமின்மை எடை அதிகரிக்க வழிவகுக்குமா?

எடை நிர்வாகத்தில் தூக்கம் என்பது மிக மிக முக்கியமானது. மிகக் குறைவான அல்லது அதிக தூக்கம் கூட எடை அதிகரிக்க வழிவகுக்கும். தூக்கமின்மை ஹார்மோன் சமநிலையை சீர்குலைக்கிறது. தூக்கம் குறையும் போது அதிக உணவு உண்ணும் ஆசை அதிகரிக்கும். மேலும் பெண்களின் உயிரியல் செயல்முறை மெதுவாக உள்ளது. எனவே உடல் இயற்கையாகவே கொழுப்பை எரிக்க, ஒவ்வொரு இரவும் ஏழு முதல் ஒன்பது மணி நேரம் தூங்குவது முக்கியம்.

வளர்சிதை மாற்றம்

வயதுக்கு ஏற்ப வளர்சிதை மாற்றம் குறைகிறது. எனவே நீங்கள் சாப்பிடுவதில் கவனம் செலுத்துங்கள். கொழுப்பு அதிகம் உள்ள உணவுகளை சாப்பிடுவதை தவிர்க்கவும். ஊட்டச்சத்துக்கள் நிறைந்த உணவுகளைத் தேர்ந்தெடுக்கவும். குறிப்பாக உணவில் அதிக அளவில் பழங்கள், காய்கறிகள் மற்றும் புரத உணவுகளை சாப்பிடுவது எடை அதிகரிப்பதை தடுக்க உதவும். நார்ச்சத்து உள்ள பொருட்களை அதிகமான எடுத்துக்கொள்வது நல்லது.

தண்ணீர் முக்கியமானது

பொதுவாகவே எடை குறைப்பு விவகாரத்தில் தண்ணீர் முக்கிய பங்கு வகிக்கிறது. எவ்வளவு தண்ணீர் குடிக்கிறீர்களோ, அவ்வளவு நல்லது. நாம் தண்ணீரைக் குடிப்பதை குறைக்கும் போது நம்மை அறியாமலேயே அதிகமாகச் சாப்பிடுவதற்கு வழிவகுக்கும். எனவே தண்ணீர் குடிப்பதன் மூலம் வளர்சிதை மாற்றத்தை சீராக இயங்க வைக்கலாம். இது கலோரிகளை குறைக்க உதவுகிறது. ஆனால் சர்க்கரை கலந்த பானங்களைத் தவிர்ப்பது அவசியம். சர்க்கரையை பயன்படுத்தி தயாரிக்கப்படும் பானங்களை எடுத்து கொள்வது உடல் எடையை மேலும் அதிகரிக்கவே வழிவகுக்கும்.

மன அழுத்தம்

மன அழுத்தம் தீவிர எடை அதிகரிப்பையும் ஏற்படுத்துகிறது. வயிற்றுப் பகுதியில் கொழுப்பு சேர வாய்ப்பு உள்ளது. எனவே மன அழுத்தத்தை குறைக்கவும். தியானம், யோகா, மூச்சுப் பயிற்சிகள் செய்வதன் மூலம் மன அழுத்தத்தைக் கட்டுப்படுத்தலாம். எனவே மனஅழுத்தத்தில் இருந்து விலகி மனமகிழ்ச்சியையும் மகிழ்ச்சியையும் தரக்கூடிய செயல்களைச் செய்வது நல்லது. உங்களுக்கு பிடித்த புத்தகங்களை வாசிப்பது, இசை கேட்பது, போன்ற உற்சாகம் தரும் செயல்களில் உங்களை ஈடுபடுத்தி கொள்ளுங்கள். மன அழுத்தம் அதிகமாக இருந்தால் கண்டிப்பாக மருத்து ஆலோசனை பெறுவது நல்லது.

மருத்துவ ஆலோசனை 

40 வயதை நெருங்கும்போது பெண்க

 

 

 

WhatsApp channel

டாபிக்ஸ்