வகையினம்

தமிழ் செய்திகள் / லைஃப்ஸ்டைல் / Women Health : உடல் எடையைக் குறைக்க முடியாமல் பெண்கள் தவிக்க காரணம் - பிரத்யேக பிரச்னைகள் - மருத்துவர் என்ன சொல்கிறார்?

Women Health : உடல் எடையைக் குறைக்க முடியாமல் பெண்கள் தவிக்க காரணம் - பிரத்யேக பிரச்னைகள் - மருத்துவர் என்ன சொல்கிறார்?

Priyadarshini R HT Tamil Updated Feb 03, 2025 10:08 AM IST

எங்களை பின் தொடரலாம்

Priyadarshini R HT Tamil

Updated Feb 03, 2025 10:08 AM IST

Women Health : பெண்கள் உடல் எடையை குறைக்க முடியாமல் அவதிப்படுவதற்கு காரணம் என்னவென்று பார்க்கலாம். அவர்களுக்கு பிரத்யேகமான பிரச்னைகள் உள்ளன.

Women Health : உடல் எடையைக் குறைக்க முடியாமல் பெண்கள் தவிக்க காரணம் என்ன? அவர்களின் பிரத்யேக பிரச்னைகள் யாவை?

எங்களை பின் தொடரலாம்

பெண்கள் உடல் எடையைக் குறைக்க முடியாமல் தவிக்க காரணம் என்ன என்றும், அவர்களின் பிரத்யேக பிரச்னைகள் என்னவென்றும் பாருங்கள். பெண்களுக்கு மட்டுமே உரிய தனிப்பட்ட உடல் எடை குறைப்பு சவாலாக அது உள்ளது. பெண்கள் உடல் எடையைக் குறைக்க விரும்புவது சவாலான ஒன்றுதான். அதற்கு அவர்களின் உடல், ஹார்மோன்கள் மற்றும் வாழ்க்கை முறை காரணமாக இருக்கலாம். பெண்கள் உடலின் வளர்சிதை மாற்றம் முதல் சமூக அழுத்தம் வரை பெண்கள் எதிர்கொள்ளும் தடைகளை புரிந்துகொண்டால் அவர்களுக்கென சிறப்பான மற்றும் பிர்யேகமான உடல் எடை குறைப்பு திட்டங்களை வகுக்கலாம்.

ஹார்மோன் மாற்றங்கள்

மாதவிடாய்க் காலங்கள், கர்ப்பம் மற்றும் மெனோபாஸ் ஆகிய காலங்களில் ஹார்மோன் மாற்றங்கள் ஏற்படும். அது உங்கள் உடலின் வளர்சிதை மாற்றங்களுக்கு இடையூறு ஏற்படுத்தும். பசியை அதிகரிக்கும், கொழுப்பு சேர்வதைத் ஊக்கப்படுத்தும். இந்த இயற்கை மாற்றங்கள், பெண்களுக்கு உடல் எடை குறைப்பை தொடர்ந்து செய்வதில் சிக்கலை ஏற்படுத்தும் என்று கூறப்படுகிறது.

உணர்வின் அடிப்படையில் சாப்பிடுவது

மனஅழுத்தம், பதற்றம் அல்லது உணர்வு ரீதியான சவால்கள் என பெண்களை உணர்வு ரீதியாக சாப்பிடுவதைத் தூண்டும். இதனால் அவர்கள் அதிக கலோரிகள் கொண்ட உணவுகளை உட்கொள்வார்கள். இது அவர்களின் ஆரோக்கியமான சாப்பிடும் பழக்கத்தை அழிக்கும். இது விரக்தியை உண்டாக்கும். இதனால் அவர்கள் தொடர்ந்து உடல் எடையை இழப்பதில் சிக்கலை ஏற்படுத்தும் என்று கூறப்படுகிறது.

உறக்க குறைபாடு

அம்மாக்கள் மற்றும் பணிக்கு செல்லும் பெண்களுக்கு சரியான அளவு உறக்கம் இருக்காது. இதனால் அவர்களின் பசியை முறைப்படுத்தும் கெர்லின் மற்றும் லெப்டின் போன்ற ஹார்மோன்களில் மாற்றத்தை ஏற்படுத்தும். இது பசியைத் தூண்டும், ஆற்றல் அளவைக் குறைக்கும். ஆரோக்கியமற்ற உணவு தேர்வுகளை அதிகரிக்கும் என்று கூறப்படுகிறது.

பரபரப்பான வாழ்க்கை முறை

பெரும்பாலான பெண்கள் அவர்களின் பரபரப்பான வாழ்க்கையில் குடும்பம், வேலை மற்றும் சமூக வாழ்க்கை என இயங்கிக்கொண்டு இருப்பார்கள். இது அவர்களுக்கு உணவு சமைக்க மற்றும் வழக்கமான உடற்பயிற்சிகள் செய்ய குறைவான நேரத்தை மட்டுமே ஒதுக்கும். இது உங்கள் அன்றாட வழக்கத்தில் பல சமமின்மைகளைக் கொண்டு வரும். இதனால் அவர்களுக்கு உடல் எடையைக் குறைப்பதில் நிலையாக செயல்பட முடியவில்லை என்று கூறப்படுகிறது.

சமூக அழுத்தம்

உண்மையில்லாத அழகியல் அளவுகோல்கள், பெண்களை தேவையற்ற டயட்களை பின்பற்றச் செய்கிறது அல்லது ஆரோக்கியமற்ற பழக்கங்கள், அவர்கள் உடலின் வளர்சிதையை பாதிக்கிறது. அடிக்கடி இந்த அழுத்தம், அவர்களை தற்காலிகமாக உடல் எடையைக் குறைக்க வைக்கிறது. பின்னர் அதை சரியாக கடைபிடிக்காமல், மீண்டும் உடல் எடையை அதிகரிக்கச் செய்கிறது. இதனால் அவர்களுக்கு எடை குறைப்பதில் தாமதம் ஆகிறது என்று கூறப்படுகிறது.

உடல் அமைப்பு

பெண்களுக்கு இனப்பெருக்க தேவைகளால் ஆண்களைவிட உடலில் இயற்கையிலேயே கொழுப்பு அதிகம் இருக்கும். இந்த அதிக கொழுப்பு சதவீதம், உடல் எடை குறைப்பை மெதுவாக்குகிறது. ஏனெனில் உடல், ஹார்மோன்கள் மற்றும் இனப்பெருக்கத்துக்காக கொழுப்பை உடலில் கொழுப்பை சேமித்து பராமரிப்பதற்கு உடல் முன்னுரிமை கொடுக்கிறது என்று கூறப்படுகிறது.

உடலின் வளர்சிதையைக் குறைக்கிறது

பொதுவாகவே பெண்களுக்கு ஆண்களைவிட குறைவான அளவு வளர்சிதை மாற்றம் இருக்கிறது. அவர்கள் ஓய்வெடுக்கும்போது சில கலோரிகளை மட்டுமே எரிக்கின்றனர். பெண்களுக்கு இயற்கையாகவே உள்ள உடல் வளர்சிதை மாற்றமும் உடல் எடையைக் குறைப்பதில் தாமத்தை ஏற்படுத்துகிறது. உணவுக்கட்டுப்பாடு மற்றும் அதிக உடற்பயிற்சி தேவை உள்ளது என்றும் கூறப்படுகிறது.

பிசிஓஎஸ் மற்றும் மற்ற பிரச்னைகள்

பிசிஓஎஸ், தைராய்ட் சமமின்மை மற்றும் ஹார்மோன்கள் சமமின்மை உள்ளிட்ட மற்ற ஆரோக்கிய குறைபாடுகள் பெண்களுக்கு பொதுவாக ஏற்படுபவையாகும். இந்த நோய்களும் பெண்களின் உடல் வளர்சிதை மாற்றத்தைக் குறைக்கிறது. கொழுப்பை சேர்வதை அதிகரிக்கிறது மற்றும் இதனாலும் உடல் எடையைக் குறைப்பது கடுமையானதாக இருக்கும் என்று கூறப்படுகிறது.

உடலில் வலுவை அதிகரிக்கும் உடற்பயிற்சிகள் குறைவு

பெரும்பாலான பெண்கள் அவர்களின் உடற்பயிற்சியை கார்டியோவில் மட்டுமே செய்வார்கள். அவர்கள் வலுவை அதிகரிக்கும் பயிற்சிகளை மறந்துவிடுவார்கள். இது உங்கள் உடலின் வளர்சிதையை அதிகரிக்கச் செய்யும் முக்கியமான ஒன்றாகும். இது அதிக கலோரிகளை எரித்து உங்கள் உடல் எடையை அதிகம் இழக்க உதவுகிறது. இதை பெரும்பாலானோர் தவிர்ப்பதாகக் கூறப்படுகிறது.

பொதுவான உணவு கட்டுப்பாடுகள் குறித்த கட்டுக்கதைகள்

ஃபேட் டயர் எனப்படும் குறுகிய கால டயட்டுகள், உங்களுக்கு விரைவில் உடல் எடையைக் குறைக்க உதவினாலும், அவற்றில் சரிவிகித ஊட்டச்சத்துக்கள் இருக்காது. இந்த உணவுகள், பெண்களுக்கு குறுகிய கால வெற்றிகளைக் கொடுத்தாலும், அவர்கள் அதிக உடல் எடையை மீண்டும் அதிகரித்துக்கொள்ளவே வழிவகுத்து ஆரோக்கிய உணவுகளை உண்ணும் பழக்கத்தை மேலும் சிக்கலாக்கிக்கொள்ள செய்வதாகக் கூறப்படுகிறது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.