நீங்கள் உணவு உண்ட பின் ஒரு ஸ்பூன் சோம்பு ஏன் சாப்பிடவேண்டும்? இதோ 10 காரணங்கள் உள்ளது பாருங்க!
உணவு உண்ட பின் ஒரு ஸ்பூன் சோம்பு சாப்பிடுவதால் உங்கள் உடலுக்கு கிடைக்கும் நன்மைகள் என்ன?
ஒவ்வொரு முறை உணவு உண்ட பின்னரும் நீங்கள் ஒரு ஸ்பூன் சோம்பு சாப்பிடுவது உங்கள் உடல் நலனுக்கு நன்மைகளைத் தருகிறது. அது என்னவென்று தெரிந்துகொள்ள ஆர்வமாக உள்ளீர்களா? இதோ இவைதான் காரணங்கள். எனவே நீங்கள் சாப்பிட்ட பின்னர் ஒரு ஸ்பூன் சோம்பை எடுத்து வாயில் போட்டு மெல்வதற்கு மறந்துவிடாதீர்கள். இந்தியாவில் சாப்பிட்ட பின்னர் சோம்பு சாப்பிடுவது ஒரு பொதுவான பழக்கமாகும். இந்தப் பழக்கத்தை அண்மைக் காலங்களில் யாரும் பெரும்பாலும் பின்பற்றுவது இல்லை. எனவே நாம் இந்தப் பழக்கத்தைக் கட்டாயம் பின்பற்றவேண்டும். ஏனெனில் சோம்பில் எண்ணற்ற நற்குணங்கள் உள்ளது.
சோம்பு முக்கிய ஊட்டச்சத்துக்கள் நிறைந்தது
சோம்பு, ஊட்டச்சத்துக்களின் கூடாரம் என்று கூறலாம். இதில் நார்ச்சத்துக்கள், ஆன்டி ஆக்ஸிடன்ட்கள், வைட்டமின் சி, பொட்டாசியம் மற்றும் மெக்னீசியம் ஆகிய சத்துக்கள் உள்ளன. சோம்பு நாம் அன்றாடம் பயன்படுத்தும் மசாலாக்களுள் ஒன்று. இதில் எண்ணற்ற ஆரோக்கிய நன்மைகள் உள்ளன. இதை நீங்கள் கட்டாயம் சாப்பிட்ட பின் எடுத்துக்கொள்ளும்போது, அது உங்கள் செரிமான ஆரோக்கியத்தை அதிகரிக்கிறது.
செரிமானம்
சோம்பில் முக்கிய எண்ணெயான அனேதோல் போன்றவை உள்ளது. இது செரிமான எண்சைம்களை தூண்டுகிறது. இதனால் செரிமான ஆரோக்கியம் அதிகரிக்கிறது. இது உப்புசம் மற்றும் அசிடிட்டியைக் குறைக்கிறது. இது குடல் ஆரோக்கியத்தை அதிகரிக்கிறது.
சுவாச புத்துணர்ச்சியைத் தருகிறது
இதில் உள்ள நுண்ணுயிர்களுக்கு எதிரான குணங்கள், சோம்பை வாயில் உள்ள பாக்டீரியாக்களை எதிர்த்து போராடச் செய்கிறது. இதனால் உங்கள் சுவாசம் புத்துணர்வு பெறுகிறது. எனவே சாப்பிட்டவுடன் சோம்பை மென்று சாப்பிடுவதால், அது உங்களுக்கு இயற்கையாகவே சுவாச புத்துணர்வைத் தருகிறது. இது உங்கள் வாயின் ஆரோக்கியத்தை அதிகரிக்க உதவுகிறது.
வளர்சிதை மற்றும் உடல் எடை குறைக்க உதவுகிறது
சோம்பில் உள்ள நார்ச்சத்துக்கள் மற்றும் முக்கிய மினரல்கள் சோம்பை உடலின் வளர்சிதையை ஊக்குவிக்கச் செய்கின்றன. இதன் உட்பொருள்கள், கொழுப்பு உடைவதை அதிகரிக்கிறது. இதை உங்கள் உடல் எடையைக் குறைக்கும் பழக்கத்தில் முக்கியமாகச் சேர்த்துக்கொள்ள செய்கிறது.
ஆன்டிஆக்ஸிடன்ட்கள் நிறைந்தது
சோம்பில் ஃப்ளாவனாய்ட்கள் மற்றும் குபிர்செடின் போன்ற ஆன்டி ஆக்ஸிடன்ட்கள் அதிகம் உள்ளன. இது உங்கள் உடலில் ஆக்ஸிடேட்டிவ் அழுத்தம் ஏற்படாமல் காக்கிறது. இது உங்கள் நாள்பட்ட நோய்கள் ஏற்படும் ஆபத்தைக் குறைக்கிறது. இது உங்களுக்கு இளம் வயதிலேயே வயோதிக தோற்றம் ஏற்படாமல் காக்கிறது.
ரத்த அழுத்தத்தை முறைப்படுத்துகிறது
சோம்பில் உள்ள பொட்டாசியச் சத்துக்கள், ரத்த நாளங்களில் அமைதியை ஏற்படுத்தி ரத்தம் நன்றாக பாய உதவுகிறது. இது ரத்த அழுத்த அளவுகளைக் கட்டுப்படுத்துகிறது. இது இதய ஆரோக்கியத்துக்கு உதவுகிறது.
ஆன்டி ஆக்ஸிடன்ட்கள் நிறைந்தது
சோம்பில் வைட்டமின் சி அதிகம் உள்ளது. சோம்பு, ஃப்ரி ராடிக்கல்களை எதிர்த்து போராட உதவுகிறது. இது சருமத்தில் கொலாஜென் உற்பத்தியை அதிகரிக்கிறது. இது சருமத்தின் தரத்தை அதிகரிக்கிறது. இது வயோதிக தோற்றத்தைக் குறைக்கிறது.
கழிவுகளை நீக்க உதவுகிறது
சோம்பு இயற்கை கழிவு நீக்கியாக செயல்படுகிறது. இது கல்லீரலை சுத்தப்படுத்துகிறது. இது உடலில் உள்ள கழிவுகளை வெளியேற்றுகிறது. இது உடலில் உள்ள கழிவுகளை நீக்குகிறது. இது உங்கள் உடல் இயக்கத்தை முறைப்படுத்துகிறது.
மாதவிடாய் அசவுகர்யங்களைப் போக்குகிறது
சோம்பில் உள்ள வீக்கத்துக்கு எதிரான குணங்கள், மாதவிடாய் காலங்களில் ஏற்படும் வலி மற்றும் அசவுகர்யகளைக் குறைக்கிறது. இதில் உள்ள ஃபைட்டோ ஈஸ்ட்ரோஜென்கள், ஹார்மோன்களை சமப்படுத்த உதவுகிறது. இது மெனோபாஸ்க்கு முந்தைய அறிகுறிகளைப் போக்குகிறது.
கண் ஆரோக்கியம்
சோம்பில் உள்ள வைட்டமின் ஏ மற்றும் ஆன்டி ஆக்ஸிடன்ட்கள், உங்கள் கண் ஆரோக்கியத்தை அதிகரிக்கிறது. இது உங்களுக்கு வயோதிகம் தொடர்பான பிரச்னைகளை சரிசெய்கிறது. கண் பார்வையை கூராக்குகிறது. எனவே தினமும் நீங்கள் சோம்பு சாப்பிடும்போது உங்கள் கண்களின் ஆரோக்கியம் அதிகரிக்கிறது.
பசியைக் கட்டுப்படுத்துகிறது
சோமிபில் உள்ள நார்ச்சத்துக்கள், உங்களுக்கு வயிறு நிறைந்த உணர்வைக் கொடுக்கிறது. இதனால் நீங்கள் அதிகம் சாப்பிடுவது தடுக்கப்படுகிறது. நீங்கள் தினமும் சாப்பிட்ட பின் ஒரு ஸ்பூன் சோம்பை சாப்பிடுவதால், நீங்கள் தேவையற்ற ஆரோக்கியமற்ற ஸ்னாக்ஸ் சாப்பிடுவதைத் தடுக்க உதவுகிறது. இது ஆரோக்கியமான உடல் எடையை பராமரிக்க உதவுகிறது.
தொடர்புடையை செய்திகள்
டாபிக்ஸ்