பொங்கல் சாப்பிட்டால் ஏன் தூக்கம் வருகிறது தெரியுமா? இது தான் காரணமா!

பாசிப்பருப்பு 

பொங்கல் செய்ய பயன்படுத்தும் பாசிப்பருப்பு நமது தூக்கத்திற்கு முக்கியமான காரணமாகும். இந்த பாசிப்பருப்பு Triptophan என்ற அமினோ ஆசிட்டைக் கொண்டுள்ளது.இந்த வகை Triptophan அமினோ ஆசிட் நிறைந்த உணவுடன் கார்போஹைட்ரெட் அதிகம் உள்ள உணவான அரிசி போன்றவற்றுடன் கலந்து சாப்பிடும் போது,  இந்தஅமினோ அமிலத்தின் அளவு அதிகரிக்கிறது.  இந்த அதிகரிப்பால் செரட்டோனின் ஹார்மோன் உற்பத்தியையும், தூக்க சுழற்சியை கட்டுப்படுத்தும் மெலட்டோனின் ஹார்மோன் உற்பத்தியையும் நேரடியாக பாதிக்கிறது. இதன் காரணமாகவே பொங்கல் சாப்பிட்டால் நமக்கு தூக்கம் வருகிறது.

குறைவாக சாப்பிட வேண்டும்

வெண்பொங்கலை தவிர எண்ணெய், டால்டா, நெய் போன்றவை அதிகமாக சேர்த்து சமைக்கப்பட்ட மற்ற உணவுகலை சாப்பிட்டாலும், தூக்கம் வருவது போலவே தோன்றும்.  ஏனெனில் இந்த உணவு வகைகள் செறிப்பதற்கு அதிக நேரத்தை எடுத்துக் கொள்கின்றன. மேலும் இவை செரிமானம் அடைவதற்கு அதிக அளவிலான ஆக்ஸிஜன் தேவைப்படுகிறது. இதன் காரணமாக மூலைக்குச் செல்ல வேண்டிய ஆக்ஸிஜன் அளவு குறைகிறது. மூளை ஆகிசிஜன் பற்றாக்குறையால் மந்தமாக செயல்படுகிறது. 

இதுமாதிரியான நேரங்களில்தான் அதிக களைப்பாக இருப்பது போலவும், தூங்கினால் நன்றாக இருக்கும் என்றும் நினைக்கத் தோன்றுகிறது. உண்ட மயக்கம் என்று சொல்வதும் இதைத்தான். பிரச்னை பொங்கலில் மட்டுமே இல்லை. அந்த உணவு தயாராகும் முறையினாலும், உண்ணும் அளவினாலும் தான் இந்த தூக்க நிலை மாறுபடுகிறது. எனவே குறைவான நெய் பயன்படுத்துவது சிறந்த வழியாகும்.