மக்களின் சட்ட உரிமைகளை உறுதி செய்யவேண்டியது யார்? சமூக செயற்பாட்டாளர் கேள்வி!

2020ல் கோயம்புத்தூரைச் சேர்ந்த நித்யா என்பவர், போக்குவரத்துத் துறையில் பணியின்போது இறந்த தனது தந்தையின் மரணத்தை தொடர்ந்து, கருணை அடிப்படையில் பணி நியமனம் வழங்க வேண்டும் என பதிவு செய்த வழக்கிலும் உயர்நீதின்றம் உத்தரவு பிறப்பித்துள்ளது.

ஜுன் 6ல் (2025) விசாரணைக்கு வந்த வழக்கில், தலைமைச் செயலாளர்கள் அறிக்கை தாக்கல் செய்யாததால், நீதிமன்றம், கோபமும், மிகந்த மனவேதனையும் அடைந்ததாக நீதிபதி. பட்டு தேவானந்த் குறிப்பிட்டுள்ளார்.

மேலும் வாசிக்க - அல்வானாலே கிளறிக்கொண்டே இருக்க வேண்டிய அவசியம் இல்லை! ஈசியா செய்யலாம் இளநீர் அல்வா!

மேலும் வாசிக்க - பத்து தோசை கூட பத்தாது; இந்த நேபாளி எள்ளு சட்னி மட்டும் இருந்தா போதும்! இதோ ரெசிபி!

தலைமைச் செயலாளர்களே நீதிமன்ற உத்தரவை மதிக்கவில்லையெனில், அவர்கள் கீழ் பணிபுரியும் பிற அரசு அதிகாரிகள் நீதிமன்ற உத்தரவை எப்படி மதிப்பார்கள்? என்ற கேள்வியையும் நீதிபதி எழுப்பியுள்ளார். அதை எளிதாக விட முடியாது என்ற கருத்தையும் நீதிபதி தெரிவித்துள்ளார்.

சாதாரண மக்கள் தங்களது சட்ட ரீதியான உரிமைகள் பறிக்கப்படும்போது, நீதிமன்ற உத்தரவை மட்டுமே நம்பியுள்ள நிலையில், தலைமைச் செயலாளர்களே, சோம்பேறித்தனத்துடன், மக்களின் சட்ட உரிமைகளை மதிக்காமலும், நீதிமன்ற உத்தரவையும் துளியும் கருத்தில்கொள்ளாமல் அவமதித்து, அலட்சியமாக செயல்படுவதை ஏற்றுக்கொள்ள முடியாது என்றும் நீதிபதி கருத்து தெரிவித்துள்ளார்.

பல சமயங்களில், நீதிமன்ற உத்தரவை மதித்து உரிய காலத்திற்குள் பதிலை தாக்கல் செய்யாமல் இருப்பதும், அவர்கள் நேரில் ஆஜராக வேண்டும் அல்லது நீதிமன்ற அவமதிப்பு வழக்கு தொடர்ந்த பின்னரே, மன்னிப்புடன் காலதாமதமாக பதில் மனுவை தாக்கல் செய்ய நீதிமன்றங்களில் முறையிடுவதும் வாடிக்கையாகிவிட்டது என்றும் நீதிபதி கருத்து தெரிவித்துள்ளார்.

மேலும் வாசிக்க - பெண்களின் மாதவிடாய் கோளாறுகளுக்கு ஒரு புதிய காரணம் – ஆய்வில் தகவல்!

ஜீன் 6, 2025 விசாரணையின்போது அளிக்கப்பட்ட தகவல்கள் அடிப்படையில், நீதிமன்ற அவமதிப்பு வழக்கை தலைமை செயலாளர்கள் இருவர் மீதும் தொடர முகாந்திரம் இருப்பதை ஏற்றுக்கொண்ட நீதிபதி அவர்களின் பதில் மனுவை ஜுன் 20ல் தாக்கல் செய்ய உத்தரவிட்டு வழக்கை ஒத்திவைத்துள்ளார்.

ஏழை, எளிய மக்களின் சட்ட உரிமைகள் கூட வழக்குப்பதிவு செய்து, நீதிமன்ற உத்தரவை பெற்றும்கூட, பயனாளிகள் அலைக்கழிக்கப்படும் போக்கு தமிழகத்தில் இருப்பதை எப்படி எற்றுக்கொள்ள முடியும்?

மற்றவர்களுக்கு முன்னுதாரணமாகத் திகழ வேண்டிய அரசு அல்லது தலைமைச் செயலாளர்களே சட்டத்தை மதிக்காமல், நீதிமன்ற உத்தரவை மதிக்காமல் செயல்படுவதை என்னவென்று சொல்வது? நீதித்துறை தான் அதை உறுதிசெய்ய வேண்டும்.

நன்றி - சமூக செயற்பாட்டாளர் மருத்துவர். புகழேந்தி.