என்ன மாணவர்களே? தேர்வுக்கான தயாரிப்புகள் துவங்கிவிட்டதா? ஸ்மார்ட்டாகப் படிக்க உதவும் செல்ஃப் ஸ்டெடி குறிப்புகள்!

உங்கள் பலம்

உங்கள் பலம் என்னவென்று தெரிந்துகொள்ளுங்கள். உங்கள் ஆர்வத்தையும் அறிந்துகொள்ளுங்கள். அது உங்களை எப்போதும் ஊக்கத்துடன் வைத்துக்கொள்ள உதவும்.

பல பாடங்களை படியுங்கள்

ஒரு நாளைக்கு ஒரு பாடம் மட்டும் படிக்காமல் இரண்டு அல்லது மூன்று பாடங்களைப் படியுங்கள். இதனால் அனைத்து பாடங்களையும் படித்து முடித்துவிடுவீர்கள். மேலும் உங்களுக்கு ஒரே பாடத்தை படிப்பதால் போரும் அடிக்காது.

குறிப்புகள்

தினமும் நீங்கள் படித்தவை குறித்து குறிப்பு எடுத்துக்கொள்ளுங்கள். ஸ்டிக்கி நோட்ஸ்களைப் பயன்படுத்தி, முக்கிய பாயின்ட்களை நீங்கள் ஹைலைட் செய்து வைத்துக்கொள்ளுங்கள். இதனால் உங்களுக்கு மீண்டும் அதை படிக்கும்போது எளிதாக இருக்கும்.

சிறிய டெஸ்ட்கள்

நீங்கள் படித்தவற்றை நினைவில் வைத்துக்கொள்ள அவ்வப்போது சிறிய டெஸ்களை வைத்துக்கொள்ளுங்கள். உங்களின் முன்னேற்றத்தை அறிந்துகொள்ள நீங்கள் குவிஸ்கள் என அவ்வப்போது உங்களை பரிசோதித்துக்கொள்ளுங்கள்.

வீடியோக்கள்

உங்களுக்கு கடுமையாக உள்ள பாடங்களை நீங்கள் எளிதாக கற்க தேவையான வீடியோக்களைப் பாருங்கள். இதனால் உங்களால் புதிய கான்செப்ட்களை எளிதில் கற்க முடியும்.

படிக்கும் இடம்

நீங்கள் படிக்கும் இடம் அமைதியான மற்றும் பொருட்கள் ஒழுங்காக அடுக்கி வைக்கப்பட்ட ஒரு அறையாக இருக்கவேண்டும். மற்ற எவ்வித இடையூறுகளும் இல்லாத ஒரு இடமாக தேர்வு செய்து அங்கு அமைதியாக அமர்ந்து படியுங்கள்.

சத்தமாகப் படியுங்கள்

நீங்கள் பாடங்களை நன்றாக புரிந்துகொள்ள சத்தமாகப் படியுங்கள். மேலும் படிக்கும்போது அந்த பாடத்தில் முழு கவனமும் செலுத்தி படியுங்கள்.

இடைவெளி

படிக்கும்போது சிறிய இடைவெளி எடுத்துக்கொள்ளுங்கள். உங்கள் மனம் மற்றும் உடல் இரண்டுக்கும் புத்துணர்ச்சி தேவை. எனவே உங்கள் கவனத்தை அதிகரிக்க உங்களுக்கு படிக்கும்போது இடையிடையே சிறிய ப்ரேக்குகள் தேவை. இவற்றை கட்டாயம் கடைபிடியுங்கள்.

மேலும் சில குறிப்புகளும் உங்களுக்கு உதவும்.

தெளிவான இலக்குகளை நிர்ணயித்துவிடுங்கள்

நீங்கள் படிக்கவேண்டிய பாடங்களை பிரித்துக்கொள்ளுங்கள். குறிப்பிட்ட மற்றும் அளவிட முடிந்த இலக்குகளை நிர்ணயித்துக்கொள்ளுங்கள். ஒவ்வொரு மணி நேரத்துக்கும் எவ்வளவு படிக்கவேண்டும் என பிரித்து அவற்றை சரியாக படித்து முடியுங்கள்.

படிப்பு அட்டவணையை தயாரித்துக்கொள்ளுங்கள்

உங்கள் படிப்பு நேரத்தை முன்னதாகவே திட்டமிடுங்கள். பல்வேறு பாடங்களுக்கும் சமமாக நேரம் ஒதுக்கிக்கொள்ளுங்கள். இடையில் உங்களுக்கான இடைவெளியையும் கட்டாயம் எடுத்துக்கொள்ளுங்கள்.

முக்கிய தலைப்புகளுக்கு முன்னுரிமை

தேர்வில் முக்கியமான பாடங்களுக்கு முன்னுரிமை கொடுத்து, அவற்றில் அதிக கவனம் செலுத்தி படியுங்கள். மேலும் உங்களுக்கு எதில் அதிக பயிற்சி தேவைப்படுகிறதோ அதற்கு முக்கியத்துவம் கொடுங்கள்.

மீண்டும் படிப்பது

நீங்கள் படிப்பது எவ்வளவு முக்கியமோ அதே அளவுக்கு நீங்கள் அதை மீண்டும், மீண்டும் நினைவுபடுத்திக்கொள்ளவேண்டும். படித்தவுடன் உங்களின் நினைவாற்றல் எத்தனை வலுவாக உள்ளது என்பதை சோதித்து பார்க்க மீண்டும் நினைவு கூறுங்கள்.

அவ்வப்போது நினைவுபடுத்திக்கொள்வது

நீங்கள் படித்த பாடங்களை நீங்கள் குறிப்பிட்ட இடைவெளியில் மீண்டும், மீண்டும் படியுங்கள். இது உங்களுக்கு படித்தவை மறந்துபோவதைத் தடுக்க உதவும்.

முன்னாள் ஆண்டுகளின் கேள்வித்தாள்கள்

கடந்த ஆண்டுகளின் கேள்வித்தாள்களை பாருங்கள். அதில் உள்ள கேள்விகள் மற்றும் பதில்களை படித்துக்கொள்ளுங்கள். தேர்வு ஃபார்மட்களை தெரிந்துகொள்ளுங்கள் மற்றும் நீங்கள் முன்னேற்றிக்கொள்ள வேண்டிய விஷயங்களில் கவனம்செலுத்துங்கள்.

வேகமாக படிக்க மூளையை அடிப்படையாகக் கொண்ட படிக்கும் நுட்பங்கள் என்ன?

நீங்கள் கற்கும் விதத்தில் புதுமையை புகுத்துங்கள். நீங்கள் சில நியூரோ அறிவியல் நுட்பங்களைப் பயன்படுத்தி, உங்கள் நினைவாற்றலை அதிகரித்துக்கொள்ளுங்கள்.

படித்தவற்றை அவ்வப்போது மீண்டும், மீண்டும் நினைவு கூறுங்கள். இதனால் உங்களின் நீண்ட கால நினைவாற்றல் திறன் அதிகரிக்கும். உங்களின் தலைப்புகளை அவ்வப்போது மீண்டும் நினைவுகூறுங்கள். ஒரேடியாக சேர்த்து வைத்துக்கொண்டு படிக்காதீர்கள்.

நீங்கள் படிக்கும்போது, ஒவ்வொரு பாடத்திலும் கொஞ்சம் என இடைவெளி எடுத்துக்கொண்டு படியுங்கள். இது உங்களின் பிரச்னைகளை தீர்க்கும் திறனை அதிகரிக்கும். இதனால் உங்கள் மூளைக்கு எப்போதும் வேலை இருக்கும்.

நீங்கள் படித்தவற்றை மற்றவர்களுடன் பகிர்ந்துகொள்ளுங்கள். இதனால் புரிதல் அதிகரிக்கும்.

விசுவலாக கற்பவர்களுக்கு மைண்ட் மேப்களை உபயோகியுங்கள். யோசனைகளை ஒன்றிணைத்து தொடர்புகளை தெளிவாக புரிந்துகொண்டு படியுங்கள்.

கற்கும்போது கொஞ்சும் நடை அல்லது ஏதேனும் செயல். ஏதேனும் பாடங்களை கேட்கும்போது நடந்துகொண்டே கேட்பது உங்களின் கவனத்தை அதிகரிக்கும்.