Service charges in Banks: அடிக்கடி வங்கிகளில் இருந்து பணம் பிடித்தம் செய்யப்படுகிறதா ? தேவை கவனம்!!

அதேபோன்று குறிப்பிட்ட எண்ணிக்கைக்கு மேல் நாம் ஏடிஎம்மில் எடுக்கும் பணத்திற்கும் Excess ATM withdrawal charges என்று பணம் பிடித்தம் செய்யப்படுகிறது. பொதுவாக மெட்ரோ நகர் பகுதிகளில் அமைந்திருக்கும் ஏடிஎம் என்றால் மாதத்திற்கு மூன்று முறையும் மெட்ரோ அல்லாத பகுதிகளில் அமைந்திருக்கும் ஏடிஎம்களுக்கு மாதத்திற்கு ஐந்து முறையும் சேவை கட்டணமின்றி பணம் எடுத்துக் கொள்ளலாம். பேலன்ஸ் சரி பார்ப்பதற்காக ஏடிஎம் கார்டை உள்ளே செலுத்தினாலும் சார்ஜஸ் ஒன்று என்பதை நினைவில் வைத்துக்கொள்ள வேண்டும். எனவே வங்கிகள் வழங்கும் மொபைல் பேங்கிங் சேவையிலேயே பேலன்ஸை சரி பார்ப்பதே நல்லது.

பிரதான பொதுத்துறை வங்கியான இந்தியன் வங்கியின் ஏடிஎம் சர்வீஸ் சார்ஜஸ் குறித்து அட்டவணையில் குறிப்பிடப்பட்டுள்ளன.

குறுந்தகவல் சேவை

 நம் கணக்கில் பணம் வருவதற்கும் போவதற்கும் வங்கிகள் எஸ்எம்எஸ் அனுப்புவதுண்டு. அவ்வாறு அனுப்பும் குறுந்தகவல்களுக்கு நம் கணக்கில் இருந்து SMS Service charges என்று மாதத்திற்கு ஒரு முறையோ அல்லது மூன்று மாதத்திற்கு ஒரு முறை வீதம் என ஒரு சிறிய தொகை வசூலிக்கப்படுகிறது. இக்கட்டணம் வங்கிகளை பொறுத்து மாறுகின்றன.

இதேபோன்று மொபைல் பேங்கிங் மூலமாக IMPS(Immediate Payment Settlement System) வழியாக செய்யப்படும் பரிவர்த்தனைகளுக்கும் சர்வீஸ் சார்ஜஸ் குறைந்த அளவில் வசூல் செய்யப்படுகிறது.

அன்றாடம் நம் சேமிப்பு கணக்கில் காணப்படும் சேவைக் கட்டணங்கள் இவ்வளவே. சேவை கட்டணங்கள் குறித்து மேலும் அறிந்து கொள்ள வங்கிகளின் இணையதளத்தை பார்வையிடவும். அதில் ஒவ்வொரு சேவைக்கு அளிக்கப்படும் சர்வீஸ் சார்ஜஸ் குறித்து விரிவான தகவல் வழங்கப்பட்டிருக்கும். இன்றைய காலகட்டத்தில் நமக்கு தேவை நிதி குறித்த அறிவே ஆகும். வங்கிக் கணக்கு வைத்திருக்கும் அனைவரும் நிதி குறித்த அறிவு பெறுவதன் முயற்சியே இக்கட்டுரையின் நோக்கமாகும்.