சாஃப்ட்டான, பஞ்சு போன்ற, மிருதுவான இட்லியை சுடச்சுடச் சூட ஆவி பறக்க சாப்பிடவேண்டுமா? உளுந்து அரைக்கும் பக்குவம் இதுதான்!

பச்சரிசி – 1 டம்ளர்

வெள்ளை உருட்டு உளுந்து – முக்கால் டம்ளர்

வெந்தயம் – ஒரு ஸ்பூன்

செய்முறை

அரிசியைக் கழுவி 4 மணி நேரம் ஊறவைத்துக்கொள்ளவேண்டும். உளுந்தை கழுவி 2 மணி முதல் 3 மணி நேரம் வரை ஊறவைத்துக்கொண்டால் போதும். வெந்தயத்தை தனியாக ஒரு மணி நேரத் ஊறவைத்துக்கொள்ளவேண்டும்.

அனைத்தையும் ஊறவைத்து எடுத்துக்கொள்ளவேண்டும். மாவு அரைக்கும்போது முதலில் உளுந்தைதான் அரைக்க வேண்டும். உளுந்தை தண்ணீர் விடாமல் கொஞ்சம் மட்டும் ஊறவைத்த தண்ணீர் சேர்த்து அரைத்துக்கொள்ளவேண்டும்.

உளுந்துக்கு தண்ணீர் சேர்த்தும்போது ஊற்றக்கூடாது. தெளிக்க மட்டுமே வேண்டும். உளுந்தை நல்ல கெட்டியாக பஞ்சுபோல் அரைத்து எடுத்துக்கொள்ளவேண்டும். உளுந்துடன் வெந்தயத்தையும் சேர்த்து அரைத்துக்கொள்ளவேண்டும்.

உங்கள் வீட்டில் பானை இருந்தால் அதில் ஊற்றி வைக்கும் தண்ணீரை ஊற்றியோ அல்லது ஃபிரிட்ஜில் இருக்கும் ஜில் தண்ணீரை ஊற்றியோ உளுந்து அரைப்பது நல்லது.

அப்போதுதான் மாவு சூடாகி விரைவில் புளிக்காமல் இருக்கும். உளுந்து வழிக்கும்போது பந்துபோல் வரவேண்டும். அப்போதுதான் இட்டி பஞ்சுபோல் இருக்கும்.

அடுத்து அதில் அரிசியை அரைத்து சேர்க்கவேண்டும். அரிசி முழுவதும் மசிந்துவிடக்கூடாது. கொஞ்சம் கொரகொரப்பாக இருக்க வேண்டும். அப்போதுதான் இட்லி மிருதுவாக இருக்கும்.

இரண்டையும் கைகளால் சேர்த்து மிருதுவாக தேவையான அளவு உப்பு சேர்த்து 8 மணி நேரம் அல்லது ஓரிரவு புளிக்க வைத்துக்கொள்ளவேண்டும்.

ஓரிரவு புளித்துவிட்டால் அது பொங்கி வந்திருக்கும். இட்லி செய்வதற்கு முன், அந்த மாவை கரண்டியில் மிருதுவாக கலந்துவிடவேண்டும். பின்னர் பந்துபோல் எடுத்து இட்லி தட்டில் ஊற்றவேண்டும். இப்போது உங்களுக்கு சாஃப்பட்டான, பஞ்சு போன்ற, மிருதுவான இட்லி உங்களுக்கு கிடைக்கும்.