வெண்டைக்காய் காரக்குழம்பு : வெங்காய மசாலா சேர்த்த வித்யாசமான வெண்டைக்காய் காரக்குழம்பு; அசத்தும் ருசியில் செய்யலாம்?

தேவையான பொருட்கள்

• நல்லெண்ணெய் – 4 டேபிள் ஸ்பூன்

• கடுகு – கால் ஸ்பூன்

• சீரகம் – கால் ஸ்பூன்

• வெந்தயம் – கால் ஸ்பூன்

• கறிவேப்பிலை – ஒரு கொத்து

• சின்ன வெங்காயம் – 10

• பூண்டு பல் – 15

• தக்காளி – 3 (பேஸ்டாக அரைத்துக்கொள்ளவேண்டும்)

• மிளகாய்த் தூள் – 3 ஸ்பூன்

• மஞ்சள் தூள் – கால் ஸ்பூன்

• மல்லித் தூள் – ஒரு ஸ்பூன்

• கல் உப்பு – தேவையான அளவு

• புளி – எலுமிச்சை அளவு

• வெண்டைக்காய் – கால் கிலோ (பொடியாக நறுக்கியது, வெண்டைக்காயை கழுவி சிறிது நேரம் உலர்த்திவிட்டுத்தான் நறுக்கவேண்டும். வெயிலில் உலர்த்தினால் நல்லது. அதில் உள்ள அந்த பிசுபிசுப்புத்தன்மை குறையும்)

மேலும் வாசிக்க - கோடையைக் கொண்டாடலாமா? பச்சை மாங்காயில் சுவையான சாலட்; எப்படி செய்வது?

மேலும் வாசிக்க - உங்கள் குழந்தைகளை ஒரு நல்ல மனிதராக மாற்ற நீங்கள் எப்போதெல்லாம் அவர்களிடம் கடுமையாக நடந்துகொள்ளவேண்டும் என்று பாருங்கள்.

செய்முறை

1. முதலில் புளியை சூடான தண்ணீரில் ஊறவைத்து கரைத்து வடிகட்டி எடுத்துக்கொள்ளவேண்டும். இதை தனியாக வைத்துக்கொள்ளவேண்டும்.

2. ஒரு கடாயில் எண்ணெயை சூடாக்கி அதில் நறுக்கிய வெண்டைக்காய்களையும் சேர்த்து வதக்கி தனியாக வைத்துவிடவேண்டும்.

3. ஒரு கடாயில் 2 ஸ்பூன் எண்ணெயை சேர்த்து கடுகு, சீரகம், வெந்தயம், கறிவேப்பிலை சேர்த்து தாளிக்கவேண்டும்.

4. அடுத்து சின்ன வெங்காயம், பூண்டு சேர்த்து நன்றாக வதக்கவேண்டும். அடுத்து பெரிய வெங்காயத்தை அரைத்து சேர்க்கவேண்டும். அனைத்தையும் நன்றாக வதக்கியவுடன், அதில் பேஸ்டாக அரைத்த தக்காளியைச் சேர்க்கவேண்டும். இவையனைத்தும் நன்றாக வதங்கவேண்டும்.

5. அடுத்து மஞ்சள் தூள், மிளகாய்த் தூள், மல்லித் தூள், உப்பு சேர்த்து நன்றாக வதக்கிக்கொள்ளவேண்டும்.

6. அடுத்து புளிக்கரைசலை சேர்க்கவேண்டும். போதிய அளவு தண்ணீர் மற்றும் வக்கிய வெண்டைக்காய்களை சேர்த்து மூடி வைத்து எண்ணெய் பிரிந்து வரும் வரை கொதிக்கவிட்டால் சூப்பர் சுவையான வெண்டைக்காய் காரக் குழம்பு தயார்.

மேலும் வாசிக்க - கோடைக் காலத்தில் பூத்துக் குலுங்கும் வேப்பம் பூக்களில் சுவையான ரசம் தயாரிப்பது எப்படி பாருங்கள்!

இதை சூடான சாதத்தில் சேர்த்து சாப்பிட சுவை அள்ளும். உங்கள் வீட்டில் குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள்.