Strange Indian Festivals: ஆர்வத்தை தூண்டும் பல விநோத இந்திய திருவிழாக்கள்

தீபாவளி மற்றும் ஹோலி தவிர, இயற்கையில் வழக்கத்துக்கு மாறான பல உள்ளூர் பண்டிகைகளும் உள்ளன. அவற்றில் சில இங்கே விவரிக்கப்பட்டுள்ளன.

இந்தியா பல்வேறு நம்பிக்கைகள், மத பழக்கவழக்கங்களின் கலவையான எண்ணற்ற பண்டிகைகளின் பூமியாகும். பணக்கார, துடிப்பான திருவிழாக்கள் முதல் அசாதாரணமான, விநோதமான திருவிழாக்கள் வரை, நாடு முழுவதும் வண்ணமயமாக நடைபெறுகிறது, இது உலகெங்கிலும் உள்ள மக்களுக்கு அதன் வண்ணமயமான திருவிழாக்கள் மூலம் தனித்துவமான இந்திய பன்முகத்தன்மையைக் காணும் வாய்ப்பை வழங்குகிறது. அதிகம் அறியப்படாத சில பண்டிகைகள் இங்கே உள்ளன.

சுமே-கெலிராக் திருவிழா, ஒடிசா: இந்த திருவிழாவில் விலங்குகள், பறவைகளை பலியிடுவது, மதுபானம் அருந்துவது போன்ற சடங்குகள் அடங்கும். இத்திருவிழாவின் போது, ​​பூஜை, பிரசாதத்துக்குப் பிறகு நடக்கும் நடனத்தின் போது பெண்கள் தங்கள் வாழ்க்கைத் துணையைத் தேர்ந்தெடுக்கலாம்.

கிலா ராய்பூர் கிராமப்புற ஒலிம்பிக், பஞ்சாப்: இது கிலா ராய்பூரில் ஆண்டுதோறும் ஜனவரி, ப்ரவரி மாதங்களுக்கு இடையில் நடைபெறும் உள்ளூர் விளையாட்டு நிகழ்வு ஆகும். இந்த களியாட்டத்தில் காளை வண்டி பந்தயம், கழுதை வண்டி பந்தயம், குதிரை வண்டி பந்தயம், கபடி, குண்டு எறிதல், கயிறு இழுத்தல், 100 மீ-1500 மீட்டர் ஓட்டப்பந்தயம், உயரம், நீளம் தாண்டுதல், டிராக்டர்களுக்கு இடையேயான பந்தயம் ஆகியவை அடங்கும். இத்திருவிழாவின் போது நடைபெறும் மற்ற அசாதாரண செயல்களில் மிதிவண்டிகள் அல்லது ஏணிகளை பற்களால் தூக்குவதும் அடங்கும்; முடி, பற்கள் அல்லது காதுகளால் கார்களை இழுத்தல்; பைக்குகள் மற்றும் குதிரைகளில் மற்ற துணிச்சலான ஸ்டண்ட் நடக்கும்.

தைப்பூசத் திருவிழா, தமிழ்நாடு: சிவன், தேவி பார்வதியின் மகனான கார்த்திகேய (முருகப்பெருமான்) தமிழ் பக்தர்களால் இந்தியாவில் மட்டுமல்ல, இலங்கை, சிங்கப்பூர், மொரிஷியஸ், பர்மா ஆகிய நாடுகளில் உள்ள தமிழ் சமூகத்தாலும் கொண்டாடப்படும் அசாதாரண விழாக்களில் இதுவும் ஒன்றாகும். இந்த திருவிழாவை பக்தர்கள் தங்களை ஊசிகள்,  கூர்முனை கொக்கிகளால் அலகு  குத்திக்கொண்டும், தங்கள் மார்பில் இருந்து பானைகள் மற்றும் பழங்களை கொக்கிகளால் தொங்கவிட்டும், தேர்களை இழுத்தும் அல்லது கொக்கிகளால் தங்கள் முதுகில் ஒரு கனமான கயிற்றில் தொங்கவிட்டும் கொண்டாடுவர்.

பகோரியா திருவிழா, மத்தியப் பிரதேசம்: இது பழங்குடியினரின் திருமணத்தின் திருவிழாவாகும், இதில் பில் மற்றும் பிலாலா பழங்குடியினத்தைச் சேர்ந்த சிறுவர்கள் தாங்கள் திருமணம் செய்து கொள்ள விரும்பும் பெண்ணின் முகத்தில் சிவப்பு பொடியை பூசுவார்கள், மேலும் அந்த பெண் சம்மதித்தால் அதே பொடியை மீண்டும் ஆணின் முகத்தில் பூசுவார்.