முகப்பருக்களை அகற்ற வேண்டுமா? வீட்டிலேயே செய்யக்கூடிய இந்த பேஸ் பேக்குகளை முயற்சி செய்து பாருங்கள்!
கோடையில், முகப்பரு மற்றும் சரும பிரச்சனைகள் உள்ளவர்களுக்கு பாதிப்பு அதிகரிக்கும். அத்தகைய சூழ்நிலையில், முகத்தில் சரியான பராமரிப்பு தேவை. வீட்டிலேயே செய்யக்கூடிய சில ஃபேஸ் பேக்குகளை எப்படி தயாரிப்பது என்பதை இங்கே காண்போம். இவை உங்களின் முகத்தை பருக்களில் இருந்து பாதுகாக்கலாம்.
முகப்பரு மற்றும் முகத்தில் தழும்புகளால் அவதிப்படுபவர்கள் ஏராளம். இந்த பிரச்சனை பெரும்பாலும் டீன் ஏஜ் தொடங்கி எல்லா வயது பெண்களுக்கும் வருக்கிறது. இதில் இருந்து தப்பிக்க பல க்ரீம்களை பயன்படுத்துகின்றனர். இருப்பினும், கோடையில் சுத்தமான சருமத்தை பராமரிப்பது மிகவும் கடினம். முகப்பரு சருமத்தை நிர்வகிக்க சரியான முன்னெச்சரிக்கைகள் தேவை. குறைபாடற்ற சருமத்தைப் பெற வீட்டிலேயே சில பேஸ் பேக்குளை தயாரித்து பயன்படுத்தலாம். வீட்டிலேயே தயாரிக்கக்கூடிய சில ஃபேஸ் பேக்குகள் இங்கே உள்ளது. வீட்டிலேயே செய்யக்கூடிய இயற்கையான ஃபேஸ் பேக்குகளை எவ்வாறு தயாரிப்பது என்பதை அறிந்து கொள்வோம்.
தேன் மற்றும் இலவங்கப்பட்டை ஃபேஸ் பேக்
ஒவ்வொரு வீட்டிலும் தேன் மற்றும் இலவங்கப்பட்டை உள்ளது. இதன் மூலம் நீங்கள் ஒரு அற்ப்புதமான ஃபேஸ் பேக் செய்யலாம். இதற்கு, இரண்டு டீஸ்பூன் தேன் மற்றும் ஒரு டீஸ்பூன் இலவங்கப்பட்டை தூள் எடுத்துக் கொள்ளுங்கள். பின்னர் தேன் மற்றும் இலவங்கப்பட்டை தூள் சேர்த்து மென்மையான பேஸ்ட் தயாரிக்கவும். இப்போது இந்த கலவையை முகத்தில் தடவவும். 10-15 நிமிடங்கள் கழித்து வெதுவெதுப்பான நீரில் கழுவவும்.
மஞ்சள் மற்றும் தயிர் ஃபேஸ் பேக்
பொதுவாகவே மஞ்சள் மற்றும் தயிர் இல்லாத வீடுகள் இருக்காது. எனவே இந்த ஃபேஸ் பேக்கை யார் வேண்டுமானாலும் தயார் செய்து பயன்படுத்திக் கொள்ளலாம். ஒரு டீஸ்பூன் மஞ்சள், இரண்டு டேபிள் ஸ்பூன் தயிர் எடுத்து, பின் தயிரில் மஞ்சள் தூள் சேர்த்து பேஸ்ட் போல் செய்து கொள்ள வேண்டும். இந்த கலவையை முகத்தில் தடவி 20 நிமிடங்கள் விட்டு விடுங்கள். பிறகு குளிர்ந்த நீரில் கழுவவும்.
தேன் மற்றும் எலுமிச்சை ஃபேஸ் பேக்
இந்த ஃபேஸ் பேக் தயாரிக்க, இரண்டு டேபிள் ஸ்பூன் தேன் மற்றும் ஒரு டேபிள் ஸ்பூன் எலுமிச்சை சாறு எடுத்துக் கொள்ளுங்கள். பின் அதனை கலந்து முகத்தில் தடவ வேண்டும். 15-20 நிமிடங்கள் கழித்து வெதுவெதுப்பான நீரில் கழுவவும்.
வேப்பிலை மற்றும் மஞ்சள் ஃபேஸ் பேக்
இரண்டு டேபிள் ஸ்பூன் வேப்பங்கொடி, ஒரு டீஸ்பூன் மஞ்சள் தூள் மற்றும் ரோஸ் வாட்டர் எடுத்துக் கொள்ளுங்கள். பின்னர் ரோஸ் வாட்டரில் வேப்பிலை தூள் மற்றும் மஞ்சள் கலந்து மென்மையான பேஸ்ட் செய்து கொள்ளுங்கள். இந்த பேஸ்ட்டை முகத்தில் தடவி 20 நிமிடங்கள் கழித்து கழுவவும்.
மஞ்சள் மற்றும் பால் ஃபேஸ் பேக்
இந்த ஃபேஸ் பேக் தயாரிக்க, இரண்டு டீஸ்பூன் மஞ்சள் மற்றும் இரண்டு டேபிள் ஸ்பூன் பால் சேர்த்து பேஸ்ட் போல் செய்து கொள்ள வேண்டும். பின் அதனை முகத்தில் தடவி 20 நிமிடம் ஊற வைத்து கழுவ வேண்டும். காய்ந்த பிறகு குளிர்ந்த நீரில் கழுவவும்.
இங்கு ஃபேஸ் பேக் போட அதிக செலவு ஆகாது, எனவே பியூட்டி பார்லருக்கு சென்று நூற்றுக்கணக்கான ரூபாய் செலவழிப்பதை விட, வீட்டிலேயே ஃபேஸ் பேக் அணிவது நல்லது.
Suguna Devi P
டாபிக்ஸ்