‘செய்கூலியும் இல்லை; சேதாரமும் இல்லை; கோலார் சட்னி இது; கர்நாடகா ரெசிபியை செய்வது எப்படி?
செய்கூலியும் இல்லை, சேதாரமும் இல்லை, கோலார் சட்னிதான் இது. கர்நாடகா ரெசிபியை செய்வது எப்படி என்று தெரிந்துகொள்ளுங்கள்.
தக்காளியில் உங்கள் உடலுக்கு தேவையான அளவு பீட்டா கரோட்டின்கள், லைக்கோபென்கள், வைட்டமின் சி சத்துக்கள் உள்ளது. இவையனைத்தும் செல்களின் சேதத்தை தடுக்கும் ஆன்டி ஆக்ஸிடன்ட்கள் ஆகும். தக்காளியில் உள்ள ஊட்டச்சத்துக்கள் இதய நோய்கள், டைப் 2 நீரிழிவு நோய்கள் மற்றும் நரம்பியல் கோளாறுகள் ஏற்படுவதை தடுக்கும் என்று ஆய்வுகள் கூறுகிறது. தக்காளி அதன் பன்முக குணங்களுக்காக சமையலில் பரவலாகப் பயன்படுத்தப்படுகிறது. பச்சை, மஞ்சள், சிவப்பு என அனைத்து நிறங்களிலும் உள்ளது. இதன் நன்மைகளை தெரிந்துகொள்ளுங்கள். நோய் எதிர்ப்பாற்றலை அகிகரிக்கிறது. புற்றுநோய் ஆபத்தை குறைக்கிறது. இதய ஆரோக்கியத்தை அதிகரிக்கிறது. ஆண்களின் மலட்டுத்தன்மையை போக்குகிறது. மலச்சிக்கலைத் தடுக்கிறது. நீரிழிவு நோயை கட்டுப்படுத்துகிறது. வளர்சிதை மாற்ற நோய்க்குறியை தடுக்கின்றன. மூளை ஆரோக்கியத்தை அதிகரிக்கிறது. உடற்பயிற்சியில் இழக்கும் ஆற்றலை மீட்கிறது. தக்காளியில் உள்ள ஊட்டச்சத்துக்களின் அளவுகளை தெரிந்துகொள்ளுங்கள். ஒரு தக்காளியில் கலோரிகள் 22.5, கொழுப்பு 0.25 கிராம்கள், சோடியம் 6.25 மில்லி கிராம்கள், கார்போஹைட்ரேட்கள் 4.86 கிராம்கள், நார்ச்சத்துக்கள் 1.5 கிராம்கள், 0 சர்க்கரை, புரதச்சத்துக்கள் 1.1 கிராம் உள்ளது.
இத்தனை ஆரோக்கிய நன்மைகள் கொண்ட தக்காளியில் இருந்து நாம் எண்ணற்று உணவுகளை தயாரிக்க முடியும். இது அன்றாட பயன்பாட்டில் அதிகளவில் பயன்படுத்தப்படுகிறது. தக்காளியைப் பயன்படுத்தி தற்போது வைரலாக ஒரு சட்னி ரெசிபி சமூக வலைதளங்களில் கலக்கி வருகிறது. அந்தச் சட்னியை இட்லி, சப்பாத்தி, பூரி, பரோட்டா, தோசை, ஆப்பம், ஊத்தப்பம், ரொட்டி, நாண் என எதற்கு வேண்டுமானாலும் தொட்டுக்கொண்டு சாப்பிட சுவை அள்ளும்.
தேவையான பொருட்கள்
எண்ணெய் – 2 ஸ்பூன்
கடலை பருப்பு – ஒரு ஸ்பூன்
வேர்க்கடலை – 2 ஸ்பூன்
பூண்டு – 10 பல்
தக்காளி – 1
சீரகம் – அரை ஸ்பூன்
கறிவேப்பிலை – ஒரு கைப்பிடியளவு
வர மிளகாய் – 5 முதல் 7
புளி – சிறிதளவு
கல் உப்பு – தேவையான அளவு
தாளிக்க தேவையான பொருட்கள்
எண்ணெய் -ஒரு ஸ்பூன்
கடுகு – கால் ஸ்பூன்
உளுந்து – கால் ஸ்பூன்
கறிவேப்பிலை – ஒரு கொத்து
செய்முறை
கடாயில் எண்ணெய் சேர்த்து சூடானவுடன், கடலை பருப்பு, வேர்க்கடைலை சேர்த்து பொன்னிறமாகும் வரை வறுத்துக்கொள்ளவேண்டும். அதை எடுத்து தனியாக வைத்துவிடவேண்டும். எஞ்சிய எண்ணெயில் பூண்டு, தக்காளி சேர்த்து நன்றாக குழையும் வரை வதக்கிக்கொள்ளவேண்டும்.
அடுத்து, சீரகம், கறிவேப்பிலை, வரமிளகாய் சேர்த்து நன்றாக வதக்கிக்கொள்ளவேண்டும். அடுத்து புளி சேர்த்து வதக்கவேண்டும். அனைத்தும் நன்றாக வதங்கிய பின்னர், அடுப்பை அணைத்து விடவேண்டும். வதக்கியவற்றை ஆறவிட்டு, மிக்ஸி ஜாரில் சேர்த்து நன்றாக அரைத்துக்கொள்ளவேண்டும். அரைக்கும்போது கல் உப்பை சேர்த்துக்கொள்ளவேண்டும்.
ஒரு தாளிப்பு கடாயில் எண்ணெய் சேர்த்து கடுகு, உளுந்து, கறிவேப்பிலை தாளித்து, அரைத்து வைத்திருக்கும் சட்னியில் சேர்த்து நன்றாக கலந்துவிடவேண்டும். உப்பு சரிபார்த்து இறக்கினால், சூப்பர் சுவையான கோலார் சட்னி தயார்.
இது வழக்கமான சுவையில் இல்லாமல் வித்யாசமான சுவையில் இருக்கும். இதில் சேர்க்கப்படும் உளுந்து மற்றும் வேர்க்கடலை அதற்கு காரணம். இதை இட்லி, தோசையுடன் தொட்டுக்கொண்டு சாப்பிடலாம். பூரி, சப்பாத்திக்கும் நன்றாக இருக்கும். சாதத்திற்கும் தொட்டுக்கொள்ளலாம்.
இதுபோன்ற எண்ணற்ற ரெசிபிக்கள், ஆரோக்கிய குறிப்புகள் மற்றும் தகவல்களை ஹெச்.டி தமிழ் உங்களுக்காக தொகுத்து வழங்கி வருகிறது. எனவே அரிய பல தகவல்கள் மற்றும் வித்யாசமான ரெசிபிக்களை தெரிந்துகொள்ள எங்கள் இணையப் பக்கத்துடன் இணைந்திருங்கள். தீபாவளியையொட்டி, எண்ணற்ற பலகார ரெசிபிக்களும் கொடுக்கப்பட்டுள்ளது. அவற்றையும் பயன்படுத்தி பலன்பெறுங்கள். இனிய, பாதுகாப்பான, ஆரோக்கியமான தீபாவளி நல்வாழ்த்துக்கள்.
தொடர்புடையை செய்திகள்
டாபிக்ஸ்