Eggs: ’முட்டையை ஃபிரிட்ஜில் வைத்தால் ஆபத்தா?’ எப்படி சேமித்தால் நீண்டநாட்கள் வரும்! இதோ முழு விவரம்!

அறை வெப்ப நிலையில் முட்டையை வைத்துக் கொண்டு இருக்கும் போது அதன் வாழ்நாள் ஒன்று முதல் 2 வாரங்கள் ஆகும். அதற்கு மேல் முட்டை இருந்தால் பெரும்பாலும் கெட்டுப்போவதற்கான வாய்ப்புகள் அதிகமாக உள்ளது. 

ஆனால் முட்டையை ஃபிரிட்ஜில் வைத்து பயன்படுத்தினால் அதன் வாழ்நாள் நீடிக்குமா என்றால், ஆமாம் என்பதுதான் பதிலாக உள்ளது. ஐரோப்பிய உணவு பாதுகாப்பு ஆணையம் மற்றும் ஐக்கிய அமெரிக்க உணவு பாதுகாப்பு கழகம் நடத்திய ஆய்வில் முட்டையை ஃபிரிட்ஜில் வைக்கும் போது அதன் வாழ்நாள் 4 முதல் 5 வார காலம் அதிகமாகிறது என தெரிய வந்து உள்ளது. 

முட்டையை ஃபிர்ஜில் உள்ள ட்ரேவில் வைத்து உள்ளோம். அந்த பகுதியில்தான் குளிர்ச்சி குறைவான இடம், ஆனால்  குளிர்சாதன பெட்டியில் குளிர்ச்சி எங்கு அதிகமாக இருக்குமோ (ப்ரீசரில் அல்ல) அந்த பகுதியில் வைக்கும் போது அதன் வாழ்நாள் நீடிக்கும். 

முட்டையை கழுவி உயபோகித்தால் மேல் உள்ள கிருமி போய்விடும் என பலர் நினைக்கிறார்கள். ஆனால் அது தவறு, முட்டையை கழுவும் போது சால்மன் கிருமிகளை தடுக்கும் தடுப்பு படலம் பாதிக்கப்படும். 

முட்டையை ஃபிரிட்ஜில் வைக்க வேண்டும் என்றால் அதை தாராளமாக வைத்து 3 முதல் 4 வாரங்கள் வரை பயன்படுத்தலாம். அல்லது வெளியே வைப்பதாக இருந்தால் ஒன்று முதல் இரண்டு வாரங்கள் வரை வைத்து பயன்படுத்தலாம் என்பது மருத்துவர் அருண் குமார் கூறும் கூற்றாக உள்ளது. 

மேற்கு நாடுகளில் முட்டையை எப்படி பயன்படுத்துகின்றனர்?

அமெரிக்கா போன்ற நாடுகளில், முட்டைகள் நுகர்வோருக்கு விற்கப்படுவதற்கு முன்பு கழுவப்பட்டு சுத்தப்படுத்தப்படுகின்றன. இந்த செயல்முறையானது முட்டை ஓட்டில் உள்ள இயற்கையான பாதுகாப்பு படலத்தை நீக்கி, பாக்டீரியாவுக்கு அதிக பாதிப்பை ஏற்படுத்துகிறது. இதன் விளைவாக, புத்துணர்ச்சியைப் பராமரிக்கவும், தீங்கு விளைவிக்கும் நோய்க்கிருமிகளின் வளர்ச்சியைத் தடுக்கவும் குளிரூட்டல் என்பது இன்றியமையாததாக மாறுகிறது.

இருப்பினும், ஐரோப்பாவின் சில பகுதிகளில் முட்டைகள் விற்கப்படுவதற்கு முன்பு கழுவப்படுவதில்லை. மாறாக, அவை க்யூட்டிகல் அல்லது ப்ளூம் எனப்படும் அவற்றின் இயற்கையான பாதுகாப்புப் பூச்சுகளைத் தக்க வைத்துக்கொள்கின்றன. இது முட்டை ஓட்டின் துளைகளை அடைத்து பாக்டீரியாவில் இருந்து பாதுகாக்க உதவுகிறது. இந்த பகுதிகளில், முட்டைகள் பெரும்பாலும் அறை வெப்ப நிலையில் குறிப்பிடத்தக்க சுகாதார அபாயங்களை ஏற்படுத்தாமல் சேமிக்கப்படுகின்றன.

கெட்டுப்போன முட்டைகளை எப்படி அறிவது?

புதிய முட்டைகள் பொதுவாக உறுதியான முட்டையின் வெள்ளைக்கருவையும், உயரமான மஞ்சள் கருவையும் கொண்டிருக்கும். முட்டை தரத்தை சரிபார்க்க, நீங்கள் ஒரு எளிய மிதவை சோதனை செய்யலாம். தண்ணீர் நிறப்பப்பட்ட ஒரு கிண்ணத்தில் முட்டையை வைக்கவும், அது கீழே மூழ்கினால், அது புதியது. அது நிமிர்ந்து நின்றாலோ அல்லது மிதந்தாலோ அது கெட்டுப்பொய்விட்டது என்று அர்த்தம், அதனை பயன்படுத்த கூடாது.