Thai Pongal Timing : பொங்கல் வைக்க உகந்த நேரம் எது; நெட்டை கலக்கும் பத்திரிக்கையில் புரோகிதர் தகவல்!

சூரிய பகவான் வடக்கு நோக்கிய தனது பயணத்தை துவக்கும் நாளில் இந்தப் பண்டிகை கொண்டாடப்படுகிறது. அது உத்ரநாராயணா என்று அழைக்கப்படுகிறது. அன்று மகர ராசியில் சூரியன் நுழைகிறார். பின்னர் பொங்கல் என்று வந்தது. அதற்கு பொங்குதல் மற்றும் வேகவைப்பது என்று பொருள். அன்று பொங்கல் என்ற உணவு சமைக்கப்படுவதால் அப்படி அழைக்கப்படுகிறது. பொங்கல் அன்று சர்க்கரைப் பொங்கல் மற்றும் வெண் பொங்கல் தயாரிக்கப்படுகிறது. மேலும் அன்று வாசலில் கோலங்கள் போட்டு வர்ணிக்கப்படுகிறது. வீடுகளை சுத்தம் செய்து மாவிலை தோரணங்கள் கட்டி மக்கள் அலங்கரிக்கிறார்கள். பொதுவாக பொங்கல் என்றால் பால் பொங்கல் மற்றும் சர்க்கரைப் பொங்கல் என்ற இரண்டு வகை பொங்கல்தான் வைக்கப்படும். ஆனால் நீங்கள் இந்த ஆண்டு வித்யாசமாக கருப்பட்டியில் பொங்கல் செய்து பாருங்கள்.

இந்தாண்டு எத்தனை மணிக்கு பொங்கல் வைக்கலாம் என்று புதுச்சேரியைச் சேர்ந்த கிருபாதி ஷர்மா என்ற புரோகிதர் பத்திரிக்கை வடிவில் தகவலை தெரிவித்துள்ளார். அதில் அவர் பொங்கல் மற்றும் மாட்டுப்பொங்கல் இரண்டும் வைக்க ஏற்ற நேரம், ராகு காலம், எமகண்டம் என அனைத்தும் கொடுத்துள்ளார்.

திருமண பத்திரிக்கை வடிவில் கொடுக்கப்பட்டுள்ள அதில் இடம்பெற்றுள்ள தகவல்.

ஸ்ரீ முருகன் துணை, தை மாத பிறப்பு பொங்கல் திருநாள் எனத்துவங்கி, நிகழும் ஸ்ரீ மங்களகரமான குரோதி வருடம் தை மாதம் 01-ம் தேதி (14-01-2025) செவ்வாய்க்கிழமை பிரதமை திதி, பூச நட்சத்திரம் சித்தயோகம் கூடிய சுபதினத்தில் பகல் 11.58 மணிக்கு தை மாத பிறப்பு.

தை பொங்கல் வைக்க நல்ல நேரம்

தை 1-ம் தேதி (14-01-2025)

செவ்வாய்க்கிழமை

காலை 8.00 மணிக்குமேல் 9.00

மணிக்குள் சுக்கிர ஹோரையில்

(அ) பகல் 12.00 மணிக்குமேல் 1.00 மணிக்குள்

பொங்கல் வைக்க சுபம்.

ராகு காலம் : 3.00 Το 4.30

எமகண்டம் : 9.00 Το 10.30

மாட்டு பொங்கல் வைக்க நல்ல நேரம்

தை 2-ம் தேதி (15-01-2025)

புதன்கிழமை

காலை 6.00 மணிக்குமேல் 7.30 மணிக்குள்

(அ) காலை 9.00 மணிக்குமேல் 10.00 மணிக்குள்

பொங்கல் வைக்க சுபம்

ராகு காலம் : 12.00 Το 1.30

எமகண்டம் : 7.30 Το 9.00

இவ்வருடம் மகர சங்கராந்தி புருஷர் புலி வாகனம் ஏறி பாயசம் புசித்து கொண்டு வருகிறார்.

பலன்

எங்கும் சுபிட்ஷம் நிலவும். வண்டி வாகனங்களை கிழக்கு நோக்கி நிறுத்தி கிழக்கே படைக்கவேண்டும்.

இப்படிக்கு, R. கிருபாநிதி சர்மா, புரோகிதர், ஜோதிடர், அர்ச்சகர் திருவாண்டார்கோயில், புதுச்சேரி மாநிலம் என அந்தப்பத்திரிக்கையில் தகவல் கொடுக்கப்பட்டுள்ளது.