Tata Nexon iCNG: டாடா நெக்ஸான் iCNG ரெட் டார்க் எடிஷன் அறிமுகம்! என்னென்ன புதிய அம்சங்கள், விலை எவ்வளவு?
Tata Nexon iCNG: டாடா நெக்ஸான் iCNG ரெட் எடிஷன் கிரியேட்டிவ், கிரியேட்டிவ்+ PS மற்றும் ஃபியர்லெஸ்+ PS என மூன்று வகைகளில் கிடைக்கிறது.
Tata Nexon iCNG: டாடா நெக்ஸான் iCNG ரெட் டார்க் பதிப்பு ரூ.12.70 லட்சம் (எக்ஸ்-ஷோரூம்) ஆரம்ப விலையில் அறிமுகப்படுத்தப்பட்டுள்ளது. கிரியேட்டிவ், கிரியேட்டிவ்+ PS மற்றும் ஃபியர்லெஸ்+ PS என மூன்று வகைகளில் கிடைக்கும் இந்த காரின் கிரியேட்டிவ்+ PS மற்றும் ஃபியர்லெஸ்+ PS வகைகள் முறையே ரூ.13.70 லட்சம் மற்றும் ரூ.14.70 லட்சம் விலையில் கிடைக்கின்றன. அனைத்து விலைகளும் எக்ஸ்-ஷோரூம் விலைகள். டாடாவின் இந்த சப்-காம்ப்பேக்ட் CNG SUVயின் ரெட் டார்க் பதிப்பு, கிரியேட்டிவ் மற்றும் கிரியேட்டிவ்+ PS வகைகளுக்கு ரூ.40,000 கூடுதல் விலையிலும், ஃபியர்லெஸ்+ PS வகைக்கு ரூ.20,000 கூடுதல் விலையிலும் கிடைக்கிறது.
கூடுதல் விலைக்கு, டாடா நெக்ஸான் iCNG ரெட் டார்க் பதிப்பு முழு கருப்பு நிற வெளிப்புற வண்ணத்தில் கிடைக்கிறது. இதில் அட்லஸ் கருப்பு நிற Boday, முன்புற கிரில் மற்றும் அலாய் வீல்கள் அடங்கும். அலாய் வீல்களின் வடிவமைப்பு வழக்கமான மாடலைப் போலவே உள்ளது. இது ரெட் டார்க் பதிப்பு என்பதால், SUVயின் உட்புறம் சிவப்பு நிறத்தில் அலங்கரிக்கப்பட்டுள்ளது. சிவப்பு நிற லெதரெட் அப்ஹோல்ஸ்ட்ரி, சிவப்பு மற்றும் பியானோ கருப்பு நிற அக்சென்ட்கள் போன்றவை அடங்கும்.
டாடா நெக்ஸான் iCNG ரெட் டார்க் பதிப்பு: அம்சங்கள்
டாடா நெக்ஸான் வரிசை சமீபத்தில் புதிய வகைகள் மற்றும் அம்சங்களுடன் புதுப்பிக்கப்பட்டது. கிரியேட்டிவ்+ PS வகை சேர்க்கப்பட்டது, அதே நேரத்தில் ஃபியர்லெஸ் வகை சில புதிய அம்சங்களைப் பெற்றது. வழக்கமான மாடலை அடிப்படையாகக் கொண்ட iCNG டார்க் பதிப்பும் அதே அம்சங்களைக் கொண்டுள்ளது. இதில் 10.2-இன்ச் இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் க்ளஸ்டர், வென்டிலேட்டட் சீட்டுகள் மற்றும் வாய்ஸ் அசிஸ்டட் பனோரமிக் சன்ரூஃப் ஆகியவை உள்ளன. வயர்லெஸ் சார்ஜிங், ஆண்ட்ராய்டு ஆட்டோ மற்றும் ஆப்பிள் கார்பிளே, 360-டிகிரி கேமரா, JBL 8-ஸ்பீக்கர் சிஸ்டம், கூல்டு க்ளோவ்பாக்ஸ், ஆட்டோ டிம்மிங் IRVM, ஏர் பியூரிஃபையர், உயரம் அட்ஜஸ்ட் செய்யக்கூடிய முன்புற சீட் பெல்ட்கள் மற்றும் பல வசதிகளையும் இது வழங்குகிறது.