இரவில் உறங்க முடியாமல் அவதிப்படுகிறீர்களா? உறங்கச் செல்லும் முன் இந்த 5 பானங்கள் உதவும்!
- இரவில் உறங்க முடியாமல் அவதிப்படுகிறீர்களா? உறங்கச் செல்லும் முன் இந்த 5 பானங்கள் உதவும்!
- இரவில் உறங்க முடியாமல் அவதிப்படுகிறீர்களா? உறங்கச் செல்லும் முன் இந்த 5 பானங்கள் உதவும்!
(1 / 7)
இரவு உறக்கம் மிகவும் அவசியம். இரவில் நீங்கள் சரியான அளவு நேரம் உறங்கினால்தான், காலையில் எழுந்து சுறுசுறுப்பாக உங்களின் வேலைகளை செய்ய முடியும். இல்லாவிட்டால், அந்த நாளே உங்களுக்கு சோம்பலாக மாறிவிடும். உறக்கமின்மை பிரச்னைக்கு தீர்வு காணவேண்டும்மெனில் நீங்கள் சில பானங்களை இரவு உறங்கச் செல்வதற்கு முன்னர் பருகவேண்டும். கெமோமெலன் டீ, இது கெமோமெலன் என்ற பூவில் இருந்து தயாரிக்கப்படும் ஒரு தேநீர் ஆகும். இதை பருகுவது உங்களுக்கு தூக்கத்தை வரவழைக்கும் மெலோட்டினினை சுரக்கச் செய்யும். அடுத்ததாக நீங்கள் பாலில் அல்லது சூடான தண்ணீரில் மஞ்சள் தூளை சேர்த்து பருகலாம்.
(2 / 7)
மஞ்சள் பால் உங்களுக்கு நோய் எதிர்ப்பாற்றலை அதிகரிக்கவும் உதவும். அடுத்தது பாதாம் பாலையும் பருகலாம். பாதாம் பால் சுவையானதும் கூட. எனவே உங்களுக்கு பருகுவதும் எளிது. நீங்களே பாதாம் பால் மிக்ஸை வீட்டிலே தயாரித்துக்கொள்ளவும் முடியும். அடுத்து செரிப்பழத்தின் சாற்றை பருகலாம். வலேரியன் என்ற தாவரத்தில் இருந்து கிடைக்கும் டீ, இந்த டீயை நீங்கள் ஆன்லைனில் ஆர்டர் செய்து பெற்றுக்கொள்ளலாம். இந்த பானங்களை பருகி உங்கள் இரவு உறக்கத்தை மேம்படுத்திக்கொள்ளுங்கள். அதனுடன் நீங்கள் பின்பற்றவேண்டிய பழக்கவழக்கங்கள் என்னவென்று பாருங்கள்.
(3 / 7)
உறக்க நேரம் - தினமும் இரவு 8 மணி நேரம் உறக்கம் கட்டாயம் வேண்டும். 7 மணி நேரம் கட்டாயம் வேண்டும். அதற்கு மேல் உறங்க தேவையில்லை. இரவில் தான் உறங்கவேண்டும். உடல் நலக் கோளாறுகள் உள்ளவர்களைத் தவிர மற்றவர்களுக்கு அதிகபட்சமாக 8 மணி நேர உறக்கம் போதுமானது. மேலும் இதை அவர்கள் இரவு நேரத்தில் வழக்கமாக்கிக்கொள்ளவேண்டும். இரவு 10 மணி முதல் அதிகாலை 6 வரை இருக்கலாம். ஒரே நேரத்தில் உறங்கச் சென்று ஒரே நேரத்தில் விழக்க வேண்டியது அவசியம். இதை என்றும் மாற்றிவிடக்கூடாது. அப்போதுதான் உங்கள் விழிப்பு – உறக்க சுழற்சியில் மாற்றம் இருக்காது. படுத்த 20 நிமிடத்தில் உறக்கம் வரவில்லையென்றால், எழுந்து உங்களை ரிலாக்ஸ் ஆக்கிவிட்டு வந்து படுத்துக்கொள்ளுங்கள். வாசிப்பு அல்லது அமைதிப்படுத்தும் இசையை கேட்கவேண்டும். எப்போது சோர்கிறீர்களோ அப்போது உறங்கச் செல்லுங்கள்.
(4 / 7)
சாப்பிடுவது மற்றும் பருகுவது - அதிகம் சாப்பிட்டுவிட்டோ அல்லது பசியுடனோ உறங்கச் செல்ல வேண்டாம். உறங்கச் செல்லும் இரண்டு மணி நேரம் முன்னர் எதையும் சாப்பிடக்கூடாது. நிக்கோடின், கஃபைன் மற்றும் மது அருந்துபவர்கள் மிகுந்த எச்சரிக்கையுடன் இருக்கவேண்டும். அது உங்கள் உறக்கத்தை பாதிக்கும். இது இரவு உறக்கத்தை குலைக்கும்.
(5 / 7)
அமைதியான சூழல் - நீங்கள் உறங்கும் அறை குளுமையாகவும், அமைதியாகவும், இருள் சூழ்ந்தும் இருக்கவேண்டும். மாலையில் வெளிச்சம் வந்தால், அது நீங்கள் உறங்குவதை குலைக்கும். வெளிச்சத்தை வெளியிடும் திரைகளை உறங்கச் செல்லும் முன் பயன்படுத்துவதை தவிர்க்க வேண்டும். படுக்கையறை அமைதியாக இருக்கவேண்டும். அதுதான் உறக்கத்தை மேம்படுத்தும்.
(6 / 7)
பகலில் குட்டி தூக்கத்தை குறைக்கவேண்டும் - பகலில் நீண்ட நேரம் உறங்கிவிட்டால் அது இரவு உறக்கத்தை பாதிக்கும். எனவே பகலில் அரை மணி நேரத்துக்கு மேல் உறங்காதீர்கள். இரவில் பணிபுரிபவர் என்றால், மதியத்துக்கு மேல் உறங்கினால், இரவு பணிக்கு நீங்கள் ஃபிரஷ்ஷாக செல்ல ஏதுவாக இருக்கும்.
(7 / 7)
நடைப்பயிற்சி - கட்டாயம் ஒரு உடற்பயிற்சியை பின்பற்றுங்கள். ஆனால் உறங்கச் செல்லும் முன் கடும் உடற்பயிற்சி செய்யக்கூடாது.கவலைகள் - கவலைகளை தூக்கி வீசிவிடுங்கள். நடப்பது நடந்தே தீரும் என்பதால் எந்தக் கவலையும் இன்றி உறங்கச் செல்லுங்கள். மனஅழுத்த மேலாண்மை உங்களுக்கு உதவும். மனஅழுத்தத்தை குறைக்க யோகா போன்றவற்றை கற்றுக்கொள்ளுங்கள்.
மற்ற கேலரிக்கள்