Soups for Winters: இந்த குளிர்காலத்தில் உங்களை சூடாக வைத்திருக்க உதவும் சூப்கள்!

குளிர்காலத்தில் நாம் அடிக்கடி சூடான மற்றும் காரமான உணவுகளை விரும்புகிறோம். இதற்கு வெளிப்புறத்தில் உள்ள குறைந்த வெப்பநிலையே இதற்குக் காரணம். அப்படியானால், எண்ணெய் உணவுகளை வெளியில் சாப்பிட தோன்றும் பொதுவாக போண்டா , பஜ்ஜி, என அடிக்கடி சாப்பிட ஆர்வம் வரும். ஆனால் அதற்கு பதிலாக, வீட்டிலேயே சுவையான மற்றும் ஆரோக்கியமான சூப்களை செய்யலாம். இந்த சூப்பை உட்கொள்வதால் உங்கள் உடலை உள்ளே இருந்து சூடாக வைத்திருக்க முடியும். அதனால் நீங்கள் குளிர்ச்சியை உணர மாட்டீர்கள். அப்படி எளிதாக செய்ய கூடிய சில சுவையான சூப் ரெசிபிகளைக் இங்கு கற்றுக் கொள்வோம்.

கேரட் மற்றும் இஞ்சி சூப்

கேரட் குளிர்காலத்தில் பரவலாகக் கிடைக்கும். இஞ்சி உடலையும் சூடாக வைத்திருக்க உதவுகிறது. எனவே, இந்த இரண்டு உணவுகளையும் சூப் செய்வது மிகவும் பயனுள்ளதாக இருக்கும். இந்த சூப் செய்ய, கேரட்டை தோலுரித்து நறுக்கி, ஆலிவ் எண்ணெய் மற்றும் உப்பு சேர்த்து வறுக்கவும். இதன் பிறகு மற்ற காய்கறிகளை சூடாக்கி இஞ்சி சேர்த்து 15 நிமிடம் கொதிக்க வைக்கவும். இதற்குப் பிறகு, வெங்காயத்தை வறுக்கவும், மீதமுள்ள கலவையுடன் கேரட்டை கலக்கவும். 5-10 நிமிடம் வெந்ததும் அடுப்பை அணைத்து சூடாக பரிமாறவும்.

தக்காளி சூப்

தக்காளி சூப் மிகவும் பிரபலமானது. இந்த சூப் மிகவும் இலகுவாகவும் சுவையாகவும் இருக்கும். இது இனிப்பு-புளிப்பு சுவை கொண்டது. இந்த சூப் செய்வது மிகவும் எளிது. இந்த சூப் செய்ய, தக்காளியை வேகவைத்து, அவற்றை உரிக்கவும், விதைகளை அகற்றவும். அதன் பிறகு ப்யூரி செய்து உப்பு, மிளகுத்தூள், கொத்தமல்லி, சீரகம் பெருங்காயம் சேர்த்து சிறிது நேரம் கொதிக்கவிடவும். அதன் பிறகு சிறிது கிரீம் சேர்க்கவும், உங்கள் தக்காளி சூப் தயார். இந்த குளிருக்கு இதமாக இருககும்.

காளான் சூப்

காளான்கள் வைட்டமின் டி குறைபாட்டை ஈடுசெய்வதோடு மேலும் பல நன்மைகளையும் அளிக்கின்றன. காளான் சூப் செய்ய கடாயில் இரண்டு டேபிள் ஸ்பூன் வெண்ணெயை சூடாக்கி காளான் சேர்த்து லேசாக வதக்கவும். அதில் கொஞ்சம் வெங்காயத்தையும் சேர்த்து  வதக்க வேண்டும பின் ஒரு ஸ்பூன் சோள மாவை நீரில்  சேர்த்து சிறு தீயில் வேக வைக்கவும். அதன் பிறகு சிறிது தண்ணீரை கொதிக்க விட வேண்டும்.  பின்னர் அதில் விரும்பினால்ல கொஞ்சமாக ஊற வைத்த பாதாமை தோல் நீக்கி பாலாக அரைத்து சேர்த்து லேசாக கொதிக்க விடலாம். அதன் பிறகு உப்பு மற்றும் மிளகு சேர்க்கவும். 5-7 நிமிடங்கள் சமைத்த பிறகு, கிரீம் சேர்த்து சூடாக பரிமாறவும்.

முருங்கை சூப்

இரண்டு கைபிடி அளவு முருங்கை கீரையை கழுவி ஒரு குக்கரில் சேர்த்து கொள்ள வேண்டும். ஒரு மிக்ஸி ஜாரில் 10 சின்ன வெங்காயம், 4 பூண்டு, ஒரு தக்காளி, இரு ஸ்பூன் மிளகு ஒரு  ஸ்பூன் சீரகம் சேர்த்து நன்றாக அரைத்து கொள்ள வேண்டும். அந்த விழுதை கீரையுடன் சேர்த்து நன்றாக கலந்து விட வேண்டும். கடைசியாக 3 ஸ்பூன் எண்ணெய் சேர்த்து தண்ணீரையும் சேர்த்து கொள்ள வேண்டும். 5 விசில் வரை விட்டு ஆவி அடங்கிய பின் பரிமாறினால் வடிகட்டி பரிமாறினால் ருசியான முருங்கை சூப் ரெடி உடலுக்கும் மிகவும் நல்லது. குளிர்காலத்தில் சளி காய்சசல் வராமல் தடுக்க உதவும்.