மழைக்காலத்தில் வரும் அதிக்கப்பட்ச ஈரப்பதம்! குழந்தைகள் சருமத்தில் ஏற்படும் தாக்கம்! மருத்துவரின் அறிவுரை!
குழந்தையின் சருமத்தை தவறாமல் ஈரப்பதமாக்குவது முதல் டயபர் பகுதி சுகாதாரத்தை உறுதி செய்வது வரை, மழைக்காலத்தில் உங்கள் குழந்தையின் மென்மையான சருமத்தை பராமரிக்க செய்ய வேண்டியவை மற்றும் செய்யக்கூடாதவற்றை அறிந்து கொள்ளுங்கள்.
மழைக்காலம் உங்கள் குழந்தையின் மென்மையான சருமத்தை பாதிக்கும். காற்றில் இருக்கும் அதிகரித்த ஈரப்பதம் தோல் ஒவ்வாமை மற்றும் எரிச்சல்களை மிகவும் பொதுவானதாக ஆக்குகிறது, மேலும் குழந்தைகளின் உணர்திறன் வாய்ந்த தோல் காரணமாக எளிமையாக பாதிப்பை அடைகிறார்கள்.
கென்வியூவில் குழந்தை மற்றும் பெண்கள் சுகாதார ஆராய்ச்சி மற்றும் மேம்பாட்டின் பிராந்தியத் தலைவர் டாக்டர் திலீப் திரிபாதி எச்.டி லைஃப்ஸ்டைலுடனான ஒரு நேர்காணலில், குழந்தை சருமத்தைப் பற்றிய ஒரு ஆச்சரியமான உண்மையைப் பகிர்ந்து கொண்டார், "குழந்தைகளின் சருமத்தில் வயது வந்தோரின் சருமத்தை விட அதிக டிரான்ஸ்பிடெர்மல் நீர் இழப்பு (டி.இ.டபிள்யூ.எல்) உள்ளது, அதாவது இது ஈரப்பதத்தை மிக விரைவாக இழக்கிறது. இது வறட்சி, எரிச்சல் மற்றும் தொற்றுநோய்க்கு அதிக வாய்ப்பினை உண்டாக்குகிறது, குறிப்பாக ஈரப்பதமான மற்றும் ஒட்டும் பருவமழை நிலைகளில் இது அதிகமாக இருக்கிறது.