சேப்பங்கிழங்கு ஃப்ரை : ஸ்பைசி சேப்பங்கிழங்கு ஃப்ரை; ஒரு கிலோ செய்தாலும் உடனே காலியாகிவிடும்! இதோ ரெசிபி!

தேவையான பொருட்கள்

• எண்ணெய் – ஒரு டேபிள் ஸ்பூன்

• கடுகு – கால் ஸ்பூன்

• சோம்பு – கால் ஸ்பூன்

• வெந்தயப் பொடி – அரை ஸ்பூன்

• மஞ்சள் தூள் – கால் ஸ்பூன்

• பெருங்காயத் தூள் – ஒரு சிட்டிகை

• சீரகத் தூள் – ஒரு டேபிள் ஸ்பூன்

• மல்லித்தூள் – ஒரு டேபிள் ஸ்பூன்

• கறிவேப்பிலைத் தூள் – ஒரு டேபிள் ஸ்பூன்

• மிளகாய்த் தூள் – 2 டேபிள் ஸ்பூன்

• உப்பு – தேவையான அளவு

• புளி – சிறிதளவு

(ஊறவைத்து கரைத்து எடுத்துக்கொள்ளவேண்டும்)

மேலும் வாசிக்க - என்ன வாக்கிங் கிளம்பிட்டீங்களா? கொஞ்சம் வெயிட் பண்ணுங்க; டாக்டர் ஷார்மிகா சொல்றத கேளுங்க!

செய்முறை

1. சேப்பங்கிழங்கை நன்றாக கழுவிக்கொள்ளவேண்டும். அதை ஒரு பாத்திரத்தில் சேர்த்து நன்றாக வேகவைத்து தோலை உரித்து எடுத்துக்கொள்ளவேண்டும். குக்கரில் வைத்தும் வேகவைத்துக்கொள்ளலாம். இதை முழுவதும் வேக வைத்துக்கொள்ளக் கூடாது. 70 சதவீதம் வெந்தால் போதும். உங்களுக்கு விருப்பமான முறையில் வேகவைத்துக்கொள்ளவேண்டும். வெந்த கிழங்குகளை ஆறவைத்து, தோலை உரித்து எடுத்துக்கொள்ளவேண்டும்.

2. ஒரு கடாயில் எண்ணெய் சேர்த்து மிதமான சூட்டில் கடுகு மற்றும் சோம்பு சேர்த்து தாளித்துக்கொள்ளவேண்டும். அடுத்து வெந்தயப் பொடி, மஞ்சள் தூள், சீரகத்தூள், பெருங்காயத் தூள், சீரகத்தூள், மல்லித்தூள், கறிவேப்பிலைத் தூள், மிளகாய்த் தூள் மற்றும் தேவையான அளவ உப்பு சேர்த்து நன்றாக கலந்துவிடவேண்டும்.

மேலும் வாசிக்க - செய்தவுடனே காலியாகிவிடும் காஜூ – மஸ்ரூம் மசாலா; செம்ம டேஸ்டியான ரெசிபி இதோ!

மேலும் வாசிக்க - கரு உருவாக எடுத்துக்கொள்ளவேண்டிய உணவுகள் – சித்த மருத்துவர் கூறவதைக் கேளுங்கள்!

3. அடுத்து புளிக்கரைசல் மற்றும் தேவையான அளவு தண்ணீர் சேர்த்து நன்றாக கொதிக்கவேண்டும். அனைத்தும் நன்றாக கொதித்து வந்தவுடன் அடுப்பை அணைத்துவிட்டு, சேப்பங்கிழங்கை சேர்த்து நன்றாக மேரியனேட் செய்து வைக்கவேண்டும். அரை மணி நேரம் மசாலாக்கள் சேர்த்து ஊறவிடவேண்டும்.

4. அடுப்பில் கடாயை வைத்து, எண்ணெய் சேர்த்து மேரியனேட் செய்யப்பட்ட, கிழங்குகளை எடுத்து வறுத்து எடுக்கவேண்டும்.

அடுப்பை குறைவான தீயில் வைத்துக்கொள்ளவேண்டும். அப்போதுதான் கிழங்கு கருகாமல் இருக்கும். கிழங்கு மசிந்து விடாமல் தனித்தனியாக மெதுவாக சேர்த்து வறுத்து எடுக்கவேண்டும். தயிர் சாதத்துடன் இதை சேர்த்து சாப்பிட சுவை அள்ளும். தயிர் சாதம் மட்டுமின்றி, மீல்ஸ், வெரைட்டி ரைஸ்களுக்கும் இது சிறப்பான சைட்டிஷ் தான். கிழங்கு வகைகளை சாப்பிட அடிம்பிடிக்கும் குழந்தைகளுக்கு இது வரப்பிரசாதம். வெளியே நல்ல கிரிஸ்பியாக இருக்கும் என்பதால், அவர்கள் இதை விரும்பி சாப்பிடுவார்கள்.