Relationship : பழிவாங்க துடிக்கும் மனதை பண்படுத்துவது எப்படி? வன்மத்தில் இருந்து விடுபட உதவுவது எது?

பழிவாங்குவது முதன்மையான உள்ளுணர்வு. இது கடந்த காலத்துடன் இருந்துகொண்டு, பல தொந்தரவுகளைத் தருகிறது. ஒருவரின் வெற்றி மற்றொருவருக்கு மனவருத்தத்தை ஏற்படுத்துகிறது. சிலரின் செயல்கள் மற்றவர்களுக்கு அச்சுறுத்தலாக அமையலாம். அவர்கள் தங்களின் வன்மத்தை திருப்பிக்காட்டலாம்.

ஆன்மீக மற்றும் சுய முன்னேற்றம் உங்களுக்கு ஒரு ஜென் நிலையை அடைய உதவும். நாம் ஜென் நிலையை அடைந்தால் நமது பழிவாங்கும் மனப்பான்மை சரியாகுமா? நாம் தனித்து வாழும் மனநிலையுடன் பிறக்கவில்லை. கூடிவாழும் பண்பு கொண்டவர்கள். நாம் அதையேதான் வளரும்போதும் பழகவேண்டும் என்று அறிவுறுத்தப்பட்டுள்ளோம். நாம் மற்றவர்களுடன் சேர்த்து ஒற்றுமையுடன் வாழவேண்டும் என்பதுதான் நமது கற்பிதம்.

ஆனால் நமக்கு தீங்கு விளைவிக்கும் ஒருவரை நாம் பழிவாங்க துடிக்கிறோம்.

பழிவாங்கும் வன்ம குணத்தை கடப்பது எப்படி?

வன்ம குணத்தை நாம் இழந்த காரணமாக்காதீர்கள்

பழிவாங்குவது நல்ல குணமாகத் தெரியும். அது குறைவான காலமே வாழும். அதிகமாக அந்த பழிவாங்கும் உணர்விலே செல்லாமல், ஒருவர் தனது ஆற்றலை வேறு வழிகளுக்கு மடைமாற்றலாம். 

இதனால் அவர்கள் வேறு ஒரு நல்ல காரியத்தை செய்யலாம். எரிந்துகொண்டிருக்கும் கோவத்தனல்கள்தான் சமூகத்தில் புரட்சி இயக்கங்களை தோற்றுவித்தன. பழிவாங்குவதற்கு சக்தி உள்ளது. இது சமுதாயத்துக்கு உதவி செய்து, சமூகம் வளரவும், தழைத்தோங்கவும், சிறக்கவும் உதவியிருக்கிறது. எனவே கோவத்தைக் கூட மடைமாற்றி, வாழ்வை சிறப்பாக்கலாம்.

முக்கியத்துவம் மற்றும் நெறிப்படுத்துவது

காயம்பட்டத்தைப்போன்ற உணர்வு அல்லது ஏமாற்றப்பட்ட உணர்வு, பழிவாங்கும் எண்ணத்தை தோற்றுவிக்கும். ஆனால் அது நல்லது கிடையாது. எனவே உங்களின் தற்போதைய சூழலை கணக்கில்கொண்டு, அதற்கு முக்கியத்துவம் கொடுக்கவேண்டும். அறப்படி அதை செயல்படுத்தி, செய்யவேண்டியதை செய்யவேண்டும். உங்களிம் கேளுங்கள் எதற்கு முக்கியத்துவம் கொடுக்கவேண்டும்?

பதில் அளிக்காதீர்கள்

இடைவெளி எடுத்துக்கொள்ளுங்கள். உங்கள் மனதை அமைதிப்படுத்துங்கள். உங்களை விடுவித்துக்கொள்ளுங்கள். நீங்கள் அமைதியான மனநிலையில் இருக்கும்போது எந்த முடிவுகளையும் எடுப்பதை உறுதிப்படுத்துங்கள். பதற்றத்தில் எந்த முடிவும் எடுக்காதீர்கள். 

உங்கள் குறித்த டிரால்களுக்கும், உங்களை வெறுப்பவர்களையும் நீங்கள் கவனித்துக்கொண்டிருந்தீர்கள் என்றால் உங்களுக்கு அதற்குத்தான் நேரம் இருக்கும். உருப்படியான வேலையை நீங்கள் செய்ய முடியாது. எனவே எதற்கும் பதில் கொடுக்காமல் அமைதியாகக் கடந்து செல்வது உங்களுக்கு முதிர்வான முடிவுகளை எடுக்க உதவும்.

தன்னம்பிக்கை நிறைந்த வாழ்க்கை முறை

ஆரோக்கியமான ஒரு வாழ்க்கை முறையை வாழுங்கள். உங்களின் நலனுக்கு முக்கியத்துவம் கொடுங்கள். அது உங்களை முன்னேற்றிச் செல்லும். உங்களின் கோவக்கனல்களை உங்களை முன்னேறச் செய்யட்டும். உங்களின் வாழ்க்கையை சிறந்த முறையில் கொடுப்பதே நீங்கள் உங்களை ஏளனப்படுத்தியவர்களுக்குக் கொடுக்கும் சிறந்த பழிவாங்கல்.

நாம் நமது மத்தியில் வாழும் பிரபலங்களின் வாழ்க்கையில் இருந்தே பல்வேறு பாடங்களை கற்றுக்கொள்ள முடியும். எனவே அடுத்தவர் வாழ்வில் இருந்து பாடங்களை கற்க முயற்சிசெய்யுங்கள். அடுத்தவர்கள் வாழ்வில் தலையிடுவது தான் அல்லது விமர்சிப்பதுதான் தவறு. அவர்களின் வாழ்வில் இருந்து பாடம் கற்பது நல்லதுதான்.

பழிவாங்கும் எண்ணத்தை நாம் சுமந்துகொண்டே திரிந்தால், அது நமது வாழ்க்கை இருள் நிறைந்ததாக்கிவிடும். அன்றைய நாளையே வீணாக்கிவிடும். ஆனால், தனி நபராக நாம் இங்கு கொடுக்கப்பட்டுள்ள விஷயங்களை கடைபிடித்து, பழிவாங்கும் எண்ணங்களில் இருந்து விடுபட்டு, ஒரு ஆரோக்கியமான வாழ்க்கையை வாழலாம்.