புத்துணர்வு : ஒரு மோசமான நாளில் நீங்கள் உடனே புத்துணர்வாக உணரவேண்டுமா? என்ன செய்யலாம் பாருங்கள்!

சுத்தம்

ஒரு அழுக்கான இடமும், மனம் அழுக்காக காரணமாகலாம். எனவே ஒரு 5 நிமிட இடைவெளி எடுத்துக்கொண்டு, உங்களின் அறையை அல்லது உங்கள் பணி மேஜையை சுத்தம் செய்யுங்கள். இது உங்களுக்கு அமைதியைக் கொண்டுவரும். உங்களுக்கு ஒரு கட்டுப்பாட்டையும் தரும்.

நீங்கள் நேசிக்கும் அல்லது நம்பும் ஒருவருக்கு கால் அல்லது டெக்ஸ்ட் அனுப்புங்கள்

நீங்கள் எப்போது லோவாக உணர்ந்தாலும், நீங்கள் விரும்பும் அல்லது நம்பும் ஒருவரை தொடர்புகொள்ளுங்கள். இது உங்கள் மனநிலையை உற்சாகமாக்கும். இது உங்களுக்கு நீங்கள் மட்டும் தனியானவர் அல்ல, நீங்கள் சிறந்த நபர் என்பதை உணர்த்தும்.

மேலும் வாசிக்க - உங்கள் குழந்தைகளை நேர்வழிப்படுத்தவேண்டுமெனில், நீங்கள் அதற்கு இங்கு கொடுக்கப்பட்டுள்ள நேர்மறையான வழிகளைக் கடைபிடிக்கலாம். அவை என்னவென்று பாருங்கள்.

மேலும் வாசிக்க - உங்கள் வாழ்வில் விடியலாக வந்தவர்கள் அல்லது அதிகாலை என்ற அர்த்தத்தில் வரும் குழந்தைகளின் பெயர்களை நீங்கள் தெரிந்துகொள்ளவேண்டுமா? இதோ இங்கு பட்டியலிடப்பட்டுள்ளது.

சிரிப்பு – போலி சிரிப்பு கூட உதவும்

நீங்கள் ஒரு மகிழ்ச்சியான வீடியோ அல்லது உங்கள் வாழ்வில் நடந்த மகிழ்ச்சியான நினைவுகளை அசைபோட்டு மகிழ்ந்திருங்கள். புன்னகையை கட்டாயப்படுத்தி வரவையுங்கள். சிரிப்பு என்பது எண்டோஃபின்களை அதிகரிக்கும். உடலின் இயற்கை மனநிலை மாற்றியாகும். இது உங்களின் மனதை உடனே மாற்ற உதவும்.

உங்கள் உடலை நகர்த்துங்கள்

யோகா, நடைபயிற்சி அல்லது உங்களுக்கு விருப்பமான பாட்டுக்கு நடனமாடுவது என உங்களுக்கு பிடித்தவற்றை செய்யும்போது அது உங்களுக்கு உடனடியாக உங்களின் மனநிலையை மாற்றும். உடற்பயிற்சிகள் டென்சனைக் குறைக்கிறது. உங்கள் உடலில் மகிழ்ச்சியைக் கொடுக்கும் ஹார்மோன்களை அதிகரிக்கச் செய்யும். இது உங்களின் எதிர்மறை எண்ணங்களை அகற்றிவிடும்.

உங்கள் மூச்சில் கவனம்செலுத்துங்கள்

நீண்ட மற்றும் ஆழ்ந்த மூச்சுப்பயிற்சி செய்யுங்கள். உங்களின் மூச்சில் கவனம்செலுத்துங்கள். இது உங்களின் கவனத்தை எதிர்மறை எண்ணங்களில் இருந்து நேர்மறை எண்ணங்களுக்கு மாற்றும். இது உங்களின் மூச்சில் கவனம் செலுத்த உதவி, உங்களை அமைதிப்படுத்தும்.

உங்கள் மனதை மாற்றும் பாடல் கேளுங்கள்

இசை உங்களின் மனதை மாற்றும் சக்திவாய்ந்த வழிகளுள் ஒன்றாகும். எனவே உங்கள் மனம் மற்றும் ஆற்றலை அதிகரிக்க ஒரு நல்ல பாடலை ஒலிக்க விடுங்கள். அது உங்களுக்கு மகிழ்ச்சியைக் கொண்டு வரும். அதுவும் நல்ல குத்துப்பாடல்கள் அல்லது இசைக்கருவிகளின் ஆதிக்கம் உள்ள பாடல்களை நீங்கள் கேட்கும்போது அது உங்களுக்கு உதவும். உடனே சேர்ந்து நீங்கள் பாடும்போது, அது உங்களின் உணர்வை மாற்றி ஆழப்படுத்தும்.

மேலும் வாசிக்க - நீங்கள் எதையும் எளிதில் மறந்துவிடும் நபரா? நினைவில்கொள்ள உதவும் ஜப்பானிய டெக்னிக்குகளைப் பாருங்க!

உங்கள் வாழ்வில் 3 நல்ல விஷயங்கள் குறித்து எழுதுங்கள்

எதிர்மறை எண்ணங்களில் கவனம்செலுத்துவதை தவிர்த்துவிட்டு, நீங்கள் உங்கள் வாழ்வில் நடந்த 3 விஷயங்களில் கவனம்செலுத்துங்கள். நீங்கள் எதற்கு நன்றியுடன் நடந்துகொள்ளவேண்டும் என்று பாருங்கள். நேர்மறை எண்ணங்களில் கவனம்செலுத்துவதன் மூலம், உங்கள் மூளைக்கு நேர்மறை சிந்தனைகள் மட்டுமே கிடைத்து நீங்கள் உற்சாகமடைவீர்கள்.

உங்களின் இடத்தை மாற்றுங்கள்

ஒரே அறையில் அமர்ந்துகொண்டு இருக்காமல் அடுத்த அறை அல்லது பால்கனிக்கு நகருங்கள். இது உங்களின் எதிர்மறை எண்ணங்களை மாற்றும். புதிய சூழல் உங்களுக்கு புதிய ஆற்றலைக் கொடுக்கும். உங்கள் மூளையை மாற்றி அமைக்கும் வாய்ப்புக்களையும் கொடுக்கும்.