Ragi Kozhukattai : சூப்பரான ஈவ்னிங் ஸ்னாக்ஸ் ராகி கொழுக்கட்டை; உங்கள் நாவின் சுவை அரும்புளுக்கு விருந்து!
தமிழ் செய்திகள்  /  லைஃப்ஸ்டைல்  /  Ragi Kozhukattai : சூப்பரான ஈவ்னிங் ஸ்னாக்ஸ் ராகி கொழுக்கட்டை; உங்கள் நாவின் சுவை அரும்புளுக்கு விருந்து!

Ragi Kozhukattai : சூப்பரான ஈவ்னிங் ஸ்னாக்ஸ் ராகி கொழுக்கட்டை; உங்கள் நாவின் சுவை அரும்புளுக்கு விருந்து!

Priyadarshini R HT Tamil
Jan 28, 2025 02:33 PM IST

Ragi Kozhukattai : ராகியில் கொழுக்கட்டை செய்வது எப்படி என்று பாருங்கள்.

Ragi Kozhukattai : சூப்பரான ஈவ்னிங் ஸ்னாக்ஸ் ராகி கொழுக்கட்டை; உங்கள் நாவின் சுவை அரும்புளுக்கு விருந்து!
Ragi Kozhukattai : சூப்பரான ஈவ்னிங் ஸ்னாக்ஸ் ராகி கொழுக்கட்டை; உங்கள் நாவின் சுவை அரும்புளுக்கு விருந்து!

(நிறம் மாறாமல் ஒரு நிமிடம் மட்டும் சிம்மில் வைத்து வறுத்துக்கொள்ளவேண்டும். ராகி மாவின் வாசம் வந்தால் போதும்)

தண்ணீர் – 2 கப் (தண்ணீர் அதிகம் சேர்க்கும்போது நீண்ட நேரம் ஆனாலும் கொழுக்கட்டை மிருதுவாக இருக்கும்)

நெய் – ஒரு ஸ்பூன்

ஏலக்காய்த் தூள் – ஒரு சிட்டிகை

தேங்காய்த் துருவல் – ஒரு கப்

வெல்லம் அல்லது நாட்டுச்சர்க்கரை – ஒன்றரை கப் (பொடித்தது, இதை அதிகம் அல்லது குறைத்துக்கொள்ளலாம்)

உப்பு – ஒரு சிட்டிகை (சுவையை அதிகரிக்கும். எந்த இனிப்புக்கும் ஒரு சிட்டிகை மட்டும் உப்பு சேர்த்துக்கொள்ளவேண்டும்)

செய்முறை

அடிக்கணமான பாத்திரத்தை அடுப்பில் வைத்து அதில் இரண்டு கப் தண்ணீர் ஊற்றி கொதிக்கவிடவேண்டும். இதில் நெய்யை ஊற்றிக்கொள்ளவேண்டும். அடுத்து ஏலக்காய்த்தூள், தேங்காய் துருவல், வெல்லம் அல்லது நாட்டுச்சர்க்கரை சேர்த்து அனைத்தும் கரைந்தவுடன் வறுத்து வைத்துள்ள ராகி மாவைச் சேர்க்கவேண்டும். சேர்த்து நன்றாக கலந்து மாவு கெட்டியாகி வரும் வரை கிளறவேண்டும். மாவை கையில் எடுத்துப்பார்த்தால் ஒட்டக்கூடாது. அந்தப்பதம் வரும் வரை கிளறி இறக்கி, மூடி வைத்து ஆறவிடவேண்டும்.

ஆறியவுடன் எடுத்து உருண்டைகளாகப் பிடித்துக்கொள்ளவேண்டும். அதை இட்லி பாத்திரத்தில் வைத்து வேக வைத்து எடுத்தால், சூப்பர் சுவையான ராகி கொழுக்கட்டை தயார். இது இனிப்பு ரெசிபியாகும். இதையே காரமாகவும் செய்யலாம்.

இதை பள்ளிவிட்டும் வரும் குழந்தைகளுக்கு செய்து கொடுத்தால் அவர்கள் விரும்பி சாப்பிடுவார்கள். அவர்களுக்கு மட்டுமின்றி பெரியவர்களும் விரும்பி சாப்பிடுவார்கள். ஒருமுறை ருசித்தால் நீங்கள் மீண்டும், மீண்டும் வேண்டும் என்று நினைப்பீர்கள். ராகி அனைவரும் சாப்பிட ஏற்ற ஒரு உணவு.

ராகியின் நன்மைகள்

ராகியின் நன்மைகள் மற்றும் சத்துகளை முதலில் தெரிந்துகொள்ளுங்கள். 100 கிராம் ராகியில் 320 கலோரிகள் உள்ளன. புரதச்சத்து 7 கிராம் உள்ளது. கார்போட்ரேட் சத்துக்கள் 67 கிராம் உள்ளது. நார்ச்சத்து 11 கிராம் உள்ளது. கால்சிய சத்து 364 மில்லி கிராம் உள்ளது. இரும்புச்சத்து 4.62 மில்லி கிராம் உள்ளது. சிறுதானிய வகைகளுள் ஒன்றான ராகி பிங்கர் மில்லட் என்று ஆங்கிலத்தில் அழைக்கப்படுகிறது. ஊட்டச்சத்துக்கள் நிறைந்த ஆரோக்கியமான தானியம். அதில் உள்ள சத்துக்களை தெரிந்துகொள்ளுங்கள். நீங்கள் சைவ உணவுப்பிரியர் என்றால் கேழ்வரகு சிறந்த புரதச்சத்தை வழங்குகிறது. இதை நீங்கள் தினசரி உணவிலும் சேர்த்துக்கொள்ளலாம். இது சுவை நிறைந்ததும் கூட ஆகும். அதிக நார்ச்சத்து நிறைந்தது. இதனால், கேழ்வரகு உங்கள் செரிமான மண்டலத்தை ஆரோக்கியமாக வைத்திருக்க உதவுகிறது.

ராகி, உடல் எடை குறைப்பதற்கு உதவுகிறது. இதில் உள்ள அதிக புரதச்சத்து அடிக்கடி பசி ஏற்படாமல் தடுக்கிறது. ராகி உங்களின் சருமத்திற்கு சிறந்த நண்பன். இதில் நிறைய ஆன்டி ஆக்ஸிடன்ட்கள் உள்ளது. அது உடலில் செல்கள் சேதமடைவதை தடுக்கிறது. ராகியில் தலை முடி ஆரேக்கியத்துக்கு உதவக்கூடிய ஊட்டச்சத்துக்கள், முடி உதிர்வை தடுக்கிறது. தலைமுடி வளர்ச்சியையும் அதிகரிக்கிறது. ராகியை வழக்கமாக எடுத்துக்கொள்வது உங்கள் எலும்பு மற்றும் பற்களை வலுப்படுத்துகிறது. கர்ப்பகாலத்திற்கு ஏற்ற உணவென்றால் அது ராகி. இது பால் சுரப்புக்கு மட்டுமல்ல தாய்ப்பாலில் ஊட்டச்சத்துக்களை அதிகரிக்கவும் உதவுகிறது. நீரிழிவு நோயை கட்டுக்குள் வைக்க உதவுகிறது.

இதில் உள்ள நார்ச்சத்துக்கள் ரத்தச்சர்க்கரை அளவை கட்டுக்குள் வைக்க உதவுகிறது. ராகியில் உள்ள ஃபைட்டோ கெமிக்கல்களில் கேன்சருக்கு எதிரான குணம் கொண்டது. குளூட்டன் இல்லாத டயட் எடுத்துக்கொள்கிறீர்கள் என்றால், அதற்கு ராகி சிறந்த தேர்வு. இயற்கையிலே அது குளுட்டன் ஃப்ரியாக உள்ளது. குழந்தைகளின் வளர்ச்சிக்கு தேவையான ஊட்டச்சத்துக்களை வழங்குகிறது. இதில் புரதச்சத்து, கால்சியம், இரும்புச்சத்து, துத்தநாதம் மற்றும் முக்கிய ஊட்டச்சத்துக்கள் நிறைந்துள்ளது. இதய நோய்களை தடுக்கிறது. அனீமியாவுக்கு சிகிச்சையளிக்கிறது.

Whats_app_banner

தொடர்புடையை செய்திகள்

டாபிக்ஸ்

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.